தோ்தல் நன்கொடை பத்திரங்கள் ரத்து: விவரங்களை வெளியிட கெடு; உச்சநீதிமன்றம் தீா்ப்பு

தோ்தல் நன்கொடைகளை வங்கிப் பத்திரங்களாக அரசியல் கட்சிகள் பெறுவது அரசமைப்புச் சட்டத்துக்கு எதிரானது என உச்சநீதிமன்ற அரசியல் சாசன அமா்வு வியாழக்கிழமை தீா்ப்பளித்தது; தொடா்ந்து இந்த நடைமுறையை ரத்து செய்து உத்தரவும் பிறப்பித்துள்ளது. மேலும், ‘இந்த திட்டத்தின் கீழ் அரசியல் கட்சிகளுக்கு நன்கொடை அளித்தவா்களின் விவரங்களை தோ்தல் ஆணையத்துக்கு பாரத ஸ்டேட் வங்கி (எஸ்பிஐ) மாா்ச் 6-க்குள் பகிர வேண்டும்; அதை வரும் மாா்ச் 13-ஆம் தேதிக்குள் தோ்தல் ஆணையம் பொதுமக்கள் பாா்வைக்கு வெளியிட வேண்டும்’ என்றும் உச்சநீதிமன்றம் உத்தரவிட்டது. தோ்தல் பத்திரம் அறிமுகம்: தோ்தல் நடைகொடைகளைப் பெறுவதில் வெளிப்படைத்தன்மையை உறுதிப்படுத்தவும், கருப்புப் பணப் புழக்கத்தைத் தடுக்கவும் தோ்தல் பத்திர நடைமுறையை 2018-இல் அப்போதைய மத்திய நிதியமைச்சா் அருண் ஜேட்லி கொண்டுவந்தாா். இதன்படி, பாரத ஸ்டேட் வங்கிகளில் ரூ.1,000, ரூ.10,000, ரூ.1 லட்சம், ரூ.10 லட்சம், ரூ.1 கோடி மதிப்பில் விநியோகிக்கப்படும் தோ்தல் பத்திரங்களை வாங்கி விரும்பிய கட்சிகளுக்கு தரலாம். இவ்வாறு தோ்தல் பத்திரங்களை வாங்கி கட்சிகளின் பெயரில் செலுத்தும் நபா்களின் அடையாளமோ விவரங்களோ பதிவு செய்யப்படாது. இந்த முறை அறிமுகம் செய்யப்பட்டதுமுதல், மத்தியில் ஆளும் பாஜகவுக்கே அதிக நன்கொடைகள் கிடைத்தன. இதில் வெளிப்படைத்தன்மை இல்லை என்று எதிா்க்கட்சிகள் தொடா் குற்றச்சாட்டுகளை முன்வைத்தன. எதிா்த்து வழக்கு: காங்கிரஸ் மூத்த தலைவா் ஜெயா தாக்குா், மாா்க்சிஸ்ட் கம்யூனிஸ்ட் கட்சி மற்றும் ஜனநாயக சீா்திருத்தத்துக்கான சங்கம் (ஏடிஆா்) சாா்பில் எதிா்ப்பு தெரிவித்து 4 மனுக்கள் தாக்கல் செய்யப்பட்டன. இந்த மனுக்கள் மீது உச்சநீதிமன்ற தலைமை நீதிபதி டி.ஒய்.சந்திரசூட் தலைமையிலான 5 நீதிபதிகள் கொண்ட அரசியல் சாசன அமா்வு கடந்த ஆண்டு அக்டோபரில் விசாரணையைத் தொடங்கி நவம்பா் 2-ஆம் தேதி நிறைவு செய்து தீா்ப்பை ஒத்திவைத்தது. 226 பக்கங்கள் கொண்ட தீா்ப்பு: உச்சநீதிமன்ற தலைமை நீதிபதி டி.ஒய்.சந்திரசூட், நீதிபதிகள் பி.ஆா்.கவாய், ஜெ.பி.பாா்திவாலா, மனோஜ் மிஸ்ரா ஆகியோா் 152 பக்கங்கள் கொண்ட தீா்ப்பையும், நீதிபதி சஞ்சீவ் கன்னா தனியாக 74 பக்கங்கள் கொண்ட தீா்ப்பையும் வியாழக்கிழமை வெளியிட்டனா். இரு தரப்பினரும் தோ்தல் நிதி பத்திரங்களுக்கு எதிராக ஒருமித்த கருத்துடன் தீா்ப்பை அளித்தனா். அதன் விவரம்: தகவல் அறியும் உரிமை சட்டம் மற்றும் அரசமைப்புச் சட்டப் பிரிவு 19 (1)-இன் கீழ் பேச்சுரிமை மற்றும் கருத்துரிமையை மீறும் வகையில் தோ்தல் பத்திர நடைமுறை உள்ளது. மக்களுக்கு உரிமை உண்டு: அரசிடம் கணக்கு கேட்கும் உரிமை நாட்டு மக்களுக்கு உள்ளது என்பதை பல தருணங்களில் நீதிமன்றங்கள் சுட்டிக்காட்டியுள்ளன. நன்கொடை தருவோா் குறித்த விவரங்களை தெரிவிக்கத் தேவையில்லை என்பது வாக்காளா்களின் உரிமைகளைப் பறிப்பதாகும். இதுபோன்று பெறப்படும் நிதி, அரசியல் கட்சிக்கு உதவியாகவோ அல்லது கையூட்டு பெற்ாகவோ கருதப்படும். மாணவா்கள், தினசரி கூலி வேலை செய்பவா்கள் நிதி அளிக்கிறாா்கள். ஆகையால், அனைவரும் அரசின் திட்டங்களை தங்களுக்கு சாதகமாக மாற்றுவதற்காக நிதி அளிப்பதாகக் கருத முடியாது. பண பலம் மற்றும் அரசியலுக்கும் உள்ள நெருங்கிய தொடா்பைக் காண வேண்டியுள்ளது. தோ்தல் முடிவுகளையும், அரசின் திட்டங்களையும் முடிவு செய்வதில் பணம் மட்டுமே முக்கியமில்லை. ஒரு அரசியல் கட்சிக்கு நிதி அளிப்பதால் அந்த கட்சிக்கு ஆதரவு அளிப்பதாக கூறிவிட முடியாது. தோ்தலில் கருப்புப் பணத்தை ஒழிக்க வேண்டும் என்றால் மாற்று வழிகளை கையாளலாம். 15 நாள்களே செல்லுபடியாகும் தோ்தல் நன்கொடைப் பத்திரங்கள், அரசியல் கட்சிகள் பணமாக மாற்றாமல் இருந்தால், அந்தத் தொகையை நன்கொடையாளருக்கு திருப்பி அளிக்க வேண்டும். சட்டத் திருத்தங்கள் ரத்து: இந்த நன்கொடை நடைமுறைக்காக மக்கள் பிரதிநிதித்துவச் சட்டம் மற்றும் வருமான வரிச் சட்டம் உள்ளிட்ட பல்வேறு சட்டங்களில் மத்திய அரசு திருத்தங்களை மேற்கொண்டது சட்டவிரோதமானதாகும். அவை ரத்து செய்யப்படுகின்றன. நன்கொடை விவரங்களை வெளியிட கெடு: கடந்த 2019-ஆம் ஆண்டு ஏப்ரல் 12-ஆம் தேதி முதல் இன்று வரை தோ்தல் பத்திரங்களை வாங்கியவா்களின் பெயா்கள், என்னென்ன தொகையிலான தோ்தல் பத்திரங்கள் விநியோகிக்கப்பட்டுள்ளன என்பது உள்பட அரசியல் கட்சிகளால் பணமாக மாற்றப்பட்ட ஒவ்வொரு தோ்தல் பத்திரத்தின் முழுமையான விவரங்களை வரும் மாா்ச் 6-ஆம் தேதிக்குள் தோ்தல் ஆணையத்திடம் பாரத ஸ்டேட் வங்கி சமா்ப்பிக்க வேண்டும். அவ்வாறு பாரத ஸ்டேட் வங்கி சமா்ப்பித்த விவரங்களை தோ்தல் ஆணையம் வரும் மாா்ச் 13-ஆம் தேதிக்குள் தனது வலைதளத்தில் பொதுமக்கள் பாா்வைக்கு வெளியிட வேண்டும் என்று நீதிபதிகள் உத்தரவிட்டனா். பின்னடைவு: உச்சநீதிமன்ற தீா்ப்பு குறித்து மனுதாரா் ஜெயா தாக்குரின் வழக்குரைஞா் வருண் தாக்குா் கூறுகையில், ‘2018 முதல் 2024-ஆம் ஆண்டு வரையிலான நன்கொடை பத்திர பரிவா்த்தனைகளையும் வெளியிட உச்சநீதிமன்றம் உத்தரவிட்டுள்ளது. இது மத்திய அரசுக்கு மிகப் பெரிய பின்னடைவு. பொறுப்பேற்கும் நிலையை உச்சநீதிமன்றம் உறுதிப்படுத்தியுள்ளது. ஜனநாயகத்துக்கான வரலாற்றுச் சிறப்புமிக்க தீா்ப்பு. ஜனநாயகம் வென்றுள்ளது’ என்றாா். பெட்டிச் செய்தி...1 ராகுல், ஸ்டாலின் வரவேற்பு பிரதமா் மோடியின் ஊழல் கொள்கைகளுக்கு மேலும் ஒரு ஆதாரமாக இது அமைந்துள்ளது. லஞ்சம் மற்றும் கமிஷன் பெற தோ்தல் பத்திரத்தை ஆயுதமாக பாஜக பயன்படுத்தியது. உச்சநீதிமன்ற தீா்ப்பின் மூலம், பாஜக மீது அதற்கான முத்திரை குத்தப்பட்டுள்ளது.- காங்கிரஸ் எம்.பி. ராகுல் காந்தி தோ்தல் பத்திர நடைமுறை அறிமுகம் செய்யப்பட்டபோது அது ஜனநாயக விரோதமானது, வெளிப்படைத்தன்மையற்றது என காங்கிரஸ் தெரிவித்தது. உச்சநீதிமன்றம் அதை ரத்து செய்துள்ளது. வரும் காலங்களில் இதுபோன்ற தவறான நடைமுறைகளை மத்திய அரசு மீண்டும் அறிமுகப்படுத்த முயற்சிக்காது என நம்புகிறோம்.- காங்கிரஸ் தலைவா் மல்லிகாா்ஜுன காா்கே தோ்தல் பத்திரங்கள் அரசமைப்புச் சட்டத்துக்கு புறம்பானவை என உச்சநீதிமன்றம் மிகச்சரியான தீா்ப்பை வழங்கியிருக்கிறது. இது வெளிப்படையான தோ்தல் நடைமுறையையும் அமைப்பின் ஒழுங்கையும் உறுதி செய்திடும். இந்தத் தீா்ப்பு மக்களாட்சியை மீட்டிருப்பதோடு அனைத்து அரசியல் கட்சிகளுக்கும் போட்டியிடும் வாய்ப்பை சமமாக வழங்கியிருக்கிறது.- முதல்வா் மு.க. ஸ்டாலின். தோ்தல்களில் பெரு நிறுவனங்களின் தலையீடுக்கு சித்தாந்த ரீதியில் எதிரான கட்சி இந்திய கம்யூனிஸ்ட். அந்த வகையில் உச்சநீதிமன்ற தீா்ப்பை வரவேற்கிறோம். - டி.ராஜா, பொதுச் செயலாளா் இந்திய கம்யூனிஸ்ட் வெளிப்படைத்தன்மையை கொண்டுவரும் நோக்கத்திலேயே இது அறிமுகப்படுத்தப்பட்டது. இருந்தபோதும், உச்சநீதிமன்ற தீா்ப்பை மதிக்கிறோம். - பாஜக மூத்த தலைவா் ரவிசங்கா் பிரசாத். தோ்தல் நன்கொடைகளில் வெளிப்படைத்தன்மையை உறுதிப்படுத்தும் முக்கியத்துவம் வாய்ந்த தீா்ப்பு. அரசியல் கட்சிகளுக்கு ஒவ்வொரு நபரும் எவ்வளவு நன்கொடை கொடுக்கின்றனா் என்பதைத் தெரியப்படுத்துவது நாட்டின் ஜனநாயகத்துக்கு முக்கியமானது.-தில்லி அமைச்சா் அதிஷி, ஆம் ஆத்மி. பெட்டி...2 நன்கொடை விவரம் 2018 முதல் 2023 வரையிலான அரசியல் கட்சிகளின் ஆண்டு தணிக்கை அறிக்கையில், பாஜக ரூ. 6,566.11 கோடியும், காங்கிரஸ் கட்சி ரூ. 1,123.3 கோடியும், திரிணமூல் காங்கிரஸ் ரூ. 1,092.98 கோடியும் பெற்றுள்ளதாக நீதிபதிகள் தங்கள் தீா்ப்பில் குறிப்பிட்டுள்ளனா். இதுவரை ரூ. 16,000 கோடிக்கும் அதிக மதிப்பிலான பத்திரங்கள் விற்பனையாகி உள்ளதாகவும், கடந்த நிதியாண்டு வரை அனைத்து அரசியல் கட்சிகளும் ஒட்டுமொத்தமாக ரூ. 12,000 கோடிக்கும் அதிகமாக நன்கொடை பத்திரங்கள் பெற்றுள்ளதாகவும் தோ்தல் சீா்திருத்தத்துக்கான சங்கம் (ஏடிஆா்) வெளியிட்ட புள்ளிவிவரத்தில் தெரியவந்துள்ளது.