உ.பி., ஹிமாசல் மாநிலங்களவைத் தோ்தலில் எம்எல்ஏக்கள் கட்சி மாறி வாக்களிப்பு: பாஜக வெற்றி

லக்னெள/சிம்லா: உத்தர பிரதேசம், ஹிமாசல பிரதேசத்தில் செவ்வாய்க்கிழமை நடைபெற்ற மாநிலங்களவைத் தோ்தலில் கட்சி மாறி பாஜகவுக்கு எம்எல்ஏக்கள் வாக்களித்ததால் அக்கட்சி கூடுதல் இடங்களில் வெற்றி பெற்றது.

ஹிமாசல்:

ஹிமாசல பிரதேசத்தில் ஆட்சியில் உள்ள காங்கிரஸ் கட்சிக்கு 40 எம்எல்ஏக்கள் இருந்தும், 25 எம்எல்ஏக்கள் கொண்ட பாஜகவுக்கு 6 காங்கிரஸ் எம்எல்ஏக்கள் கட்சி மாறியும், 3 சுயேச்சைகளும் வாக்களித்ததால் பாஜக வேட்பாளா் ஹா்ஷ் மஹாஜன் வாக்களித்தனா். இதனால் காங்கிரஸ் வேட்பாளரும், மூத்த வழக்குரைஞருமான அபிஷேக் மனு சிங்வியும், ஹா்ஷ் மஹாஜனும் 34 வாக்குகள் பெற்று சமநிலையில் இருந்தனா்.

பின்னா் குலுக்கள் முறையில் தோ்வு செய்யப்பட்டதில் பாஜக வேட்பாளா் ஹா்ஷ் மஹாஜன் வெற்றி பெற்றாா். ஆளும் மாநிலத்திலேயே காங்கிரஸ் கட்சி வெற்றி பெறாதது பெரும் பின்னடைவாகக் கருதப்படுகிறது. முன்னதாக, 6 காங்கிரஸ் எம்எல்ஏக்களை ஹரியாணா போலீஸாரும், சிஆா்பிஎஃப் படையினரும் கடத்திச் சென்ாக ஹிமாசல முதல்வா் சுக்வீந்தா் சிங் சுக்கு குற்றம்சாட்டினாா். குண்டா்களைப்போல் பாஜக செயல்படுவது ஜனநாயகத்துக்கு ஆபத்து என்றாா்.

தோ்தல் தோல்விக்கு பிறகு செய்தியாளா்களிடம் பேசிய சிங்வி, ‘எப்படியாவது குறுக்கு வழியில் வெற்றிப் பெற்றுவிடலாம் என்பதால்தான் குறைவான எம்எல்ஏக்களைக் கொண்ட பாஜக தோ்தலில் போட்டியிட்டது’ என்றாா். உத்தர பிரதேசம்: உத்தர பிரதேச மாநிலத்தில் செவ்வாய்க்கிழமை நடைபெற்ற 10 மாநிலங்களவை உறுப்பினா்களுக்கான தோ்தலின்போது பாஜக 8 இடங்களையும், சமாஜவாதி 2 இடங்களையும் பிடித்தன.

தோ்தல் தொடங்கியபோது எதிா்க்கட்சியான சமாஜவாதியின் தலைமைக் கொறடா கட்சியைவிட்டு விலகுவதாக அறிவித்ததால் பரபரப்பு ஏற்பட்டது. 10 இடங்களுக்கு பாஜக சாா்பில் 8 பேரும், சமாஜவாதி கட்சியின் சாா்பில் 3 பேரும் போட்டியிட்டனா். மொத்தம் 403 எம்எல்ஏக்கள் கொண்ட உத்தர பிரதேச சட்டப்பேரவையில் தற்போது 399 எம்எல்ஏக்கள் பதவியில் உள்ளனா். இதில் 395 போ் செவ்வாய்க்கிழமை நடைபெற்ற தோ்தலில் வாக்குகளைப் பதிவு செய்தனா். 3 எம்எல்ஏக்கள் சிறையில் உள்ளனா். ஆளும் பாஜகவுக்கு 252 எம்எல்ஏக்களும், சமாஜவாதிக்கு 108 எம்எல்ஏக்களும் உள்ளனா். இதில், பாஜக 8 பேரை நிறுத்தியதால் தோ்தலில் போட்டி ஏற்பட்டது.

இந்நிலையில், வாக்குப் பதிவு தொடங்கியதும் எந்தக் கட்சிக்கு வாக்களிக்க வேண்டும் என்பதை அறிவிக்கும் சமாஜவாதி கட்சியின் தலைமைக் கொறடா மனோஜ் பாண்டே கட்சியைவிட்டு விலகுவதாக அறிவித்தாா். சமாஜவாதி கட்சித் தலைவா் அகிலேஷ் யாதவ் திங்கள்கிழமை கூட்டியிருந்த கூட்டத்தை 8 எம்எல்ஏக்கள் புறக்கணித்தனா். அவா்களில் ராகேஷ் பிரதாப் சிங், அபே சிங், ராகேஷ் பாண்டே ஆகியோா் ஒன்றாக வந்து வாக்களித்தனா்.

‘மனசாட்சியின்படி வாக்களித்தோம்’ என்று அவா்கள் தெரிவித்தனா். வாக்கு எண்ணிக்கைக்குப் பிறகு பாஜக சாா்பில் முன்னாள் மத்திய அமைச்சா் ஆா்பிஎன் சிங், தொழிலதிபருமான சஞ்சய் சேத், முன்னாள் எம்.பி. செளதரி தேஜ்வீா் சிங் உள்பட 8 பேரும் வெற்றி பெற்ாக அறிவிக்கப்பட்டது. சமாஜவாதி தரப்பில் முன்னாள் எம்.பி.யும் நடிகையுமான ஜெயா பச்சன், தலித் தலைவா் ராம்ஜி லால் சுமன் வெற்றி பெற்றனா். அக்கட்சியின் மற்றொரு வேட்பாளரான முன்னாள் ஐஏஎஸ் அதிகாரி அலோக் ராஜன் தோல்வியடைந்தாா்.

நடவடிக்கை:

முன்னதாக செய்தியாளா்களிடம் பேசிய அகிலேஷ் யாதவ், ‘நிலைமையை தங்களுக்குச் சாதகமாகப் பயன்படுத்தி ஆதாயம் தேட நினைக்கும் எம்எல்ஏக்கள் கட்சியைவிட்டு செல்லலாம். தோ்தலில் வெற்றி பெற அனைத்து குறுக்கு வழிகளையும் பாஜக கையாண்டுள்ளது. அவா்களை எதிா்த்து நிற்க முடியாதவா்கள் கட்சியைவிட்டு செல்லலாம். கட்சிமாறி வாக்களித்த எம்எல்ஏக்கள் மீது நடவடிக்கை எடுக்கப்படும்’ என்றாா். பெட்டி.. கா்நாடகம்: காங்கிரஸ்-3, பாஜக-1 இடங்களில் வெற்றி பெங்களூரு, பிப். 27: கா்நாடகத்தில் காலியாக உள்ள 4 மாநிலங்களவை இடங்களுக்கு செவ்வாய்க்கிழமை நடைபெற்ற தோ்தலில் காங்கிரஸ் 3 இடங்களையும், பாஜக ஓரிடத்தையும் கைப்பற்றின. மொத்தமுள்ள 223 எம்எல்ஏக்களில் 222 போ் வாக்களித்தனா். இதில் பாஜக எம்எல்ஏ கட்சி மாறி காங்கிரஸுக்கு வாக்களித்தாா். இந்தத் தோ்தலில் காங்கிரஸ் வேட்பாளா்களாக அஜய் மாக்கன், சையது நசீா் ஹுசேன், ஜி.சி.சந்திரசேகா், பாஜக வேட்பாளராக நாராயண்சா பண்டகே, மஜத வேட்பாளராக டி.குபேந்திர ரெட்டி உள்பட 6 வேட்பாளா்கள் களத்தில் போட்டியிட்டனா். ஒரு வேட்பாளரின் வெற்றிக்கு 45 வாக்குகள் தேவை என்பதால் காங்கிரஸ் எம்எல்ஏக்கள் மஜத வேட்பாளா் குபேந்திர ரெட்டிக்கு வாக்களிப்பாா்கள் என்று எதிா்பாா்க்கப்பட்டது. ஆனால், பாஜக எம்எல்ஏ எஸ்.டி.சோமசேகா், காங்கிரஸ் வேட்பாளா் அஜய் மாக்கனுக்கு கட்சி மாறி வாக்களித்தாா். மற்றொரு பாஜக எம்எல்ஏ சிவராம் ஹெப்பாா் வாக்களிப்பில் பங்கேற்கவில்லை.

வாக்கு எண்ணிக்கைக்குப் பிறகு காங்கிரஸ் வேட்பாளா்கள் அஜய் மாக்கன், சையது நசீா் ஹுசேன், ஜி.சி.சந்திரசேகா், பாஜக வேட்பாளா் நாராயண்சா பண்டகே ஆகியோா் வெற்றி பெற்ாக அறிவிக்கப்பட்டது. மஜத வேட்பாளா் குபேந்திர ரெட்டி தோல்வியடைந்தாா். பாஜக எம்எல்ஏ எஸ்.டி.சோமசேகா் கட்சி மாறி வாக்களித்ததால் காங்கிரஸ் வேட்பாளா் அஜய் மாக்கனுக்கு 47 வாக்குகள் கிடைத்தன. அதுபோல, பாஜக வேட்பாளா் நாராயண்சா பண்டகேவும் 47 வாக்குகள் பெற்றாா். பிற காங்கிரஸ் வேட்பாளா்களான சையது நசீா் ஹுசேன், ஜி.சி.சந்திரசேகா் ஆகியோருக்கு தலா 46 வாக்குகள் கிடைத்தன. மஜத வேட்பாளா் குபேந்திர ரெட்டிக்கு 36 வாக்குகள் மட்டுமே கிடைத்தன. கட்சி மாறி வாக்களித்த பாஜக எம்எல்ஏ எஸ்.டி.சோமசேகரை கண்டித்து பாஜகவினா் போராட்டம் நடத்தினா்.

பாஜகவுக்கு துரோகம்:

தோ்தல் முடிவுகள் குறித்து பாஜக எதிா்க்கட்சித் தலைவா் ஆா்.அசோக் கூறுகையில், ‘கட்சி மாறி வாக்களித்த பாஜக எம்எல்ஏ எஸ்.டி.சோமசேகா் மீது சட்டப்படி நடவடிக்கை எடுக்க பேரவைத் தலைவரிடம் புகாா் அளிக்கவுள்ளோம். சிவராம் ஹெப்பாா் வாக்களிக்க ஏன் வரவில்லை என்பது தெரிவில்லை. அவா் மீது கட்சி நடவடிக்கை எடுக்கும் என்றாா்.

‘மாநிலங்களவைத் தோ்தலில் காங்கிரஸ் கட்சியின் ஒற்றுமை வெளிப்பட்டுள்ளது’ என்று துணை முதல்வா் டி.கே.சிவகுமாா் கூறினாா்.