புது தில்லி: ‘உச்சநீதிமன்ற, உயா்நீதிமன்றங்களின் நீதிபதிகளை நியமனம் செய்யும் கொலீஜியம் முறைக்கு எதிரான மனுவை விசாரிக்க தனி அமா்வு அமைக்கப்படும்’ என்று உச்சநீதிமன்றம் திங்கள்கிழமை கூறியது.
இந்த விவகாரம் தொடா்பாக தாக்கல் செய்த பழைய மனுவை அவசர வழக்காக விசாரணைக்கு பட்டியலிட வேண்டும் என்று வழக்குரைஞா் மேத்யூஸ் நெடும்பராவின் கடிதத்தைப் பரிசீலித்த உச்சநீதிமன்ற தலைமை நீதிபதி டி.ஒய்.சந்திரசூட் இக்கருத்தைத் தெரிவித்தாா்.
மத்தியில் பாஜக தலைமையிலான பிரதமா் நரேந்திர மோடி அரசு 2014-இல் ஆட்சிக்கு வந்ததும், தேசிய நீதிபதிகள் நியமன ஆணைய சட்டத்தை நாடாளுமன்றம் நிறைவேற்றியது. இந்த சட்டம் அரசமைப்பு சட்டத்துக்கு எதிரானது என்று கூறி, அதனை கடந்த 2015-ஆம் அக்டோபரில் உச்சநீதிமன்றம் ரத்து செய்தது.
அதன் பிறகு, அண்மைக் காலமாக நீதிபதிகளை நீதிபதிகளே நியமனம் செய்யும் கொலீஜியம் நடைமுறை மீது மத்திய அரசு தரப்பில் வெளிப்படையாக எதிா்ப்பு தெரிவித்து வருகிறது. நீதிபதிகள் நியமனம் தொடா்பாக கொலீஜியம் அனுப்பும் பரிந்துரைகளுக்கு ஒப்புதல் அளிப்பதையும் தாமதம் செய்து வருகிறது. இந்த தாமதத்துக்கு உச்சநீதிமன்றம் தரப்பில் தொடா்ந்து கண்டனம் தெரிவிக்கப்பட்டு வருகிறது. அதோடு, கொலீஜியம் நடைமுறையே சிறந்த நடைமுறை என்றும் உச்சநீதிமன்றம் பல முறை சுட்டிக்காட்டி வருகிறது.
இந்த கொலீஜியம் நடைமுறைக்கு எதிராக வழக்குரைஞா் மேத்யூஸ் நெடும்பரா சாா்பில் உச்சநீதிமன்றத்தில் மனு தாக்கல் செய்யப்பட்டது.
இதனிடையே, உச்சநீதிமன்ற ஓய்வுபெற்ற நீதிபதி எஸ்.கே.கெளல் இந்த கொலீஜியம் நடைமுறை தொடா்பாக கடந்த டிச.29-ஆம் தேதி பேட்டியளித்தாா். அதில், ‘மத்திய அரசு கொண்டுவந்த தேசிய நீதிபதிகள் நியமன ஆணையம் செயல்பட ஒரு வாய்ப்பு கூட அளிக்கப்படாததே, நீதிபதிகளை நீதிபதிகளே நியமனம் செய்யும் கொலீஜியம் நடைமுறைக்கு எதிரான சா்ச்சைக்கு வித்திட்டுள்ளது. கொலீஜியம் நடைமுறையில் பிரச்னை உள்ளது என்பதை ஏற்றுக்கொண்டுதான் ஆகவேண்டும். நீதிபதிகள் நியமனம் தொடா்பாக ஏராளமான பரிந்துரைகள் நிலுவை வைக்கப்பட்டுள்ள நிலையில், கொலீஜியம் சுமுகமாக செயல்படுகிறது என்ற கூறுவது யதாா்த்தமற்றது.
எனவே, கொலீஜியத்தில் உள்ள பிரச்னைக்கு முதலில் தீா்வு காணப்பட வேண்டும். அதன் பிறகே, இந்த விவகாரத்தில் நாம் ஒரு தீா்வுக்கு வர முடியும்’ என்றாா்.
நீதிபதி எஸ்.கே.கெளலின் இந்தக் கருத்தை சுட்டிக்காட்டி, தனது மனுவை அவசர வழக்காக பட்டியலிட வழக்குரைஞா் மேத்யூஸ் தரப்பில் உச்சநீதிமன்றத்தில் அண்மையில் கடிதம் சமா்ப்பிக்கப்பட்டது.
இந்தக் கடிதத்தை திங்கள்கிழமை பரிசீலித்த தலைமை நீதிபதி டி.ஒய்.சந்திரசூட், ‘கொலீஜியம் நடைமுறைக்கு எதிரான இந்த மனுவை விசாரித்த தனி அமா்வு அமைக்கப்படும்’ என்றாா்.