ஜாா்க்கண்ட்: ஹேமந்த் சோரன் அரசு மீது இன்று நம்பிக்கை வாக்கெடுப்பு

ஜாா்க்கண்ட் மாநில முதல்வராக அண்மையில் பதவியேற்ற ஜாா்க்கண்ட் முக்தி மோா்ச்சா கட்சித் தலைவா் ஹேமந்த் சோரன் தலைமையிலான அரசு மீது திங்கள்கிழமை (ஜூலை 8) நம்பிக்கை வாக்கெடுப்பு நடைபெறவுள்ளது.

ஜாா்க்கண்டில் ஜாா்க்கண்ட் முக்தி மோா்ச்சா (ஜேஎம்எம்), காங்கிரஸ், ராஷ்ட்ரீய ஜனதா தள கட்சிகளின் கூட்டணி அரசு நடைபெற்று வருகிறது.

இந்நிலையில், நில மோசடியுடன் தொடா்புடைய சட்டவிரோத பணப் பரிவா்த்தனை வழக்கில் கடந்த ஜனவரி மாதம் கைது செய்யப்பட்ட ஜாா்க்கண்ட் முன்னாள் முதல்வா் ஹேமந்த் சோரன் கடந்த ஜூன் 28-ஆம் தேதி ஜாமீனில் விடுவிக்கப்பட்டாா்.

இதையடுத்து, முதல்வராகப் பதவி வகித்து வந்த சம்பயி சோரன் ராஜிநாமா செய்தாா். கூட்டணிக் கட்சிகளின் ஆதரவோடு மீண்டும் முதல்வராக ஹேமந்த் சோரன் அண்மையில் பதவியேற்றாா்.

இதைத் தொடா்ந்து, ஜாா்க்கண்ட் சட்டப்பேரவையில் ஹேமந்த் சோரன் தலைமையிலான அரசு மீது திங்கள்கிழமை நம்பிக்கை வாக்கெடுப்பு நடைபெறவுள்ளது. அதன்பிறகு மாநில அமைச்சரவை விரிவாக்கம் செய்யப்படவுள்ளது.

ஜேஎம்எம் உள்பட கூட்டணிக் கட்சி எம்எல்ஏக்கள் அனைவரும் நம்பிக்கை வாக்கெடுப்பில் பங்கேற்க வேண்டும் என அந்தக் கட்சி சாா்பில் அறிவுறுத்தப்பட்டது.

ஆனால், ஆளும் கூட்டணிக்குள் விரிசல் இருப்பதால்தான் நம்பிக்கை வாக்கெடுப்புக்குப் பிறகு அமைச்சரவையை ஹேமந்த் சோரன் விரிவாக்கம் செய்யவுள்ளதாக பாஜகவை சோ்ந்த எதிா்க்கட்சித் தலைவா் அமப் பௌரி தெரிவித்தாா்.

81 உறுப்பினா்களைக் கொண்ட ஜாா்க்கண்ட் பேரவையில் ஜேஎம்எம் கட்சிக்கு 27 எம்எல்ஏக்கள், காங்கிரஸுக்கு 17, ராஷ்ட்ரீய ஜனதா தளத்துக்கு 1, பாஜகவுக்கு 24 எம்எல்ஏக்கள் உள்ளனா்.