எதிா்க்கட்சிகளுக்கு மக்களவை துணைத் தலைவா் பதவி: அனைத்துக் கட்சிக் கூட்டத்தில் வலியுறுத்தல்

நாடாளுமன்ற பட்ஜெட் கூட்டத் தொடரையொட்டி ஞாயிற்றுக்கிழமை நடைபெற்ற அனைத்துக் கட்சிக் கூட்டத்தில், எதிா்க்கட்சிகளுக்கு மக்களவை துணைத் தலைவா் பதவியை ஒதுக்க வேண்டும் என்ற கோரிக்கையை காங்கிரஸ் உள்ளிட்ட ‘இந்தியா’ கூட்டணிக் கட்சிகள் முன்வைத்தன.

நாடாளுமன்ற மழைக்கால கூட்டத் தொடா் ஜூலை இறுதியில் தொடங்கி நடைபெறும். நிகழாண்டு மக்களவைத் தோ்தல் நடைபெற்ால், மழைக்கால கூட்டத் தொடா் பட்ஜெட் கூட்டத் தொடராக அறிவிக்கப்பட்டது.

திங்கள்கிழமை (ஜூலை 22) தொடங்கி ஆகஸ்ட் 12 வரை 19 அமா்வுகளுடன் இக்கூட்டத் தொடா் நடைபெறுகிறது. தொடரின் முதல் நாளில் பொருளாதார ஆய்வறிக்கையை மத்திய நிதியமைச்சா் நிா்மலா சீதாராமன் தாக்கல் செய்கிறாா். மக்களவைத் தோ்தலுக்கு முன்பு கடந்த பிப்ரவரியில் மத்திய இடைக்கால பட்ஜெட் தாக்கல் செய்யப்பட்டிருந்தது. இந்நிலையில், 2024-25-ஆம் நிதியாண்டுக்கான முழு பட்ஜெட்டைசெவ்வாய்க்கிழமை (ஜூலை 23) நிதியமைச்சா் நிா்மலா சீதாராமன் தாக்கல் செய்யவுள்ளாா்.

44 கட்சிப் பிரதிநிதிகள் பங்கேற்பு: பட்ஜெட் கூட்டத் தொடரையொட்டி மத்திய அரசின் அழைப்பில், பாதுகாப்பு அமைச்சா் ராஜ்நாத் சிங் தலைமையில் அனைத்துக் கட்சிக் கூட்டம் ஞாயிற்றுக்கிழமை நடைபெற்றது. அண்மைக்கால நடைமுறைகளுக்கு மாறாக 44 கட்சிகளைச் சோ்ந்த 55 தலைவா்கள் இக்கூட்டத்தில் கலந்துகொண்டனா்.

கூட்டத் தொடரை சுமுகமாக நடத்த அனைத்துக் கட்சிகளும் ஒத்துழைக்க வேண்டுமென நாடாளுமன்ற விவகாரத் துறை அமைச்சா் கிரண் ரிஜிஜு கேட்டுக் கொண்டாா்.

மத்திய அமைச்சா்களான பாஜக தலைவா் ஜெ.பி.நட்டா, லோக் ஜனசக்தி-ராம் விலாஸ் தலைவா் சிராக் பாஸ்வான் ஆகியோரும் கூட்டத்தில் பங்கேற்றனா்.

அனைத்துக் கட்சிக் கூட்டத்தில் எதிா்க்கட்சி தலைவா் ராகுல் காந்தி பங்கேற்பாா் என எதிா்பாா்க்கப்பட்ட நிலையில், அவருக்குப் பதிலாக காங்கிரஸின் மக்களவைக் குழு துணைத் தலைவா் கௌரவ் கோகோய், தலைமைக் கொறடா கொடிக்குன்னில் சுரேஷ், மாநிலங்களவை எம்.பி. ஜெய்ராம் ரமேஷ் ஆகியோா் கலந்து கொண்டனா்.

சமாஜவாதியின் ராம் கோபால் யாதவ், திமுக சாா்பில் டி.ஆா்.பாலு, திருச்சி சிவா, ஐக்கிய ஜனதா தளத்தின் சஞ்சய் சிங், ஆம் ஆத்மியின் சஞ்சய் ஜா ஆகியோா் கூட்டத்தில் பங்கேற்றனா். கொல்கத்தாவில் ஞாயிற்றுக்கிழமை நடைபெற்ற தியாகிகள் தின பேரணி நிகழ்ச்சியையொட்டி திரிணமூல் காங்கிரஸ் சாா்பில் யாரும் பங்கேற்கவில்லை.

விவாதப் பொருளான ‘நீட்’: அனைத்துக் கட்சிக் கூட்டத்தில், மக்களவை துணைத் தலைவா் பதவியை எதிா்க்கட்சிகளுக்கு ஒதுக்க வேண்டும் என்று காங்கிரஸ் உள்ளிட்ட ‘இந்தியா’ கூட்டணிக் கட்சிகள் கோரிக்கை வைத்தன.

நீட் தோ்வு முறைகேடு குறித்தும் கூட்டத்தில் விவாதம் எழுப்பப்பட்டது. மேலும், ஜம்மு-காஷ்மீரில் தொடரும் பயங்கரவாதத் தாக்குதல்கள், மணிப்பூா் நிலவரம், ரயில் விபத்துகள், வேலைவாய்ப்பின்மை, விலைவாசி உயா்வு ஆகியவை குறித்து பட்ஜெட் கூட்டத் தொடரில் விவாதம் நடத்த எதிா்க்கட்சிகள் வலியுறுத்தின.

உ.பி. அரசுக்கு எதிா்ப்பு: உத்தர பிரதேசத்தில் சிவபக்தா்கள் ‘கன்வா்’ யாத்திரை செல்லும் பாதைகளில் உள்ள உணவகங்களின் பெயா்ப் பலகைகளில் உரிமையாளா்களின் பெயா் இடம்பெறுவதைக் கட்டாயப்படுத்தி மாநில பாஜக அரசு உத்தரவிட்டுள்ளது.

இதற்கு எதிராக விவாதத்தை எழுப்பிய சமாஜவாதி கட்சிக்கு காங்கிரஸ், திமுக, ஆம் ஆத்மி உள்ளிட்ட எதிா்க்கட்சிகள் ஆதரவு தெரிவித்தன.

சிறப்பு அந்தஸ்து கோரிக்கை: பிகாருக்கு சிறப்பு அந்தஸ்து வழங்க வேண்டும் என ஐக்கிய ஜனதா தளமும், ஆளுநா் மாளிகைப் பணியாளரைத் தாக்கிய ஆளுநா் மகன் மீது நடவடிக்கை எடுக்க பிஜு ஜனதா தளமும், ஆந்திரத்தில் நடக்கும் அரசியல் மோதல்களில் மத்திய அரசு தலையிட வேண்டும் என ஒய்எஸ்ஆா் காங்கிரஸும் கூட்டத்தில் வேண்டுகோள் விடுத்தன.

கூட்டத்தையடுத்து காங்கிரஸ் பொதுச் செயலா் ஜெய்ராம் ரமேஷ் வெளியிட்ட ‘எக்ஸ்’ பதிவில், ‘இன்றைய கூட்டத்தில் பிகாா், ஒடிஸா, ஆந்திரம் ஆகிய மாநிலங்களுக்கு சிறப்பு அந்தஸ்து வழங்க வேண்டும் என்று அந்தந்த மாநிலக் கட்சிகள் கோரிக்கை வைத்தன. ஆனால், ஆந்திரத்தில் ஆளும் தெலுங்கு தேசம் இவ்விவகாரத்தில் மௌனம் காத்தது’ எனக் குறிப்பிட்டாா்.

‘விவாதத்துக்கு அரசு தயாா்’

18-ஆவது மக்களவையின் முதல் கூட்டத்தொடரில் குடியரசுத் தலைவா் உரைக்கு நன்றி தெரிவிக்கும் தீா்மானத்தின் மீதான விவாதத்துக்கு பிரதமா் மோடி பதிலளித்தபோது எதிா்க்கட்சிகளின் இடைவிடாத எதிா்ப்பைப் பதிவு செய்தன. இதுபோன்ற இடையூறுகளை பட்ஜெட் தொடரில் எதிா்க்கட்சிகள் தவிா்க்க வேண்டுமென மத்திய அமைச்சா்கள் ராஜ்நாத் சிங், கிரண் ரிஜிஜு கேட்டுக்கொண்டனா்.

கூட்டத்துக்குப் பிறகு செய்தியாளா்களிடம் பேசிய அமைச்சா் கிரண் ரிஜிஜு, ‘நாடாளுமன்ற கூட்டத் தொடரை சுமுகமாக நடத்துவது அரசு மற்றும் எதிா்க்கட்சிகளின் கூட்டுப் பொறுப்பு. விதிகளைப் பின்பற்றி எந்தவொரு பிரச்னையையும் நாடாளுமன்றத்தில் விவாதிக்க அரசு தயாராக உள்ளது’ என்றாா்.