செய்தி மடல்
இ-பேப்பர்
மக்களவைத் தோ்தலை முன்னிட்டு 56 தொகுதிகளுக்கான 3-ஆம் கட்ட வேட்பாளா்கள் பட்டியலை காங்கிரஸ் வியாழக்கிழமை (மாா்ச் 21) வெளியிட்டது. புதுச்சேரி தொகுதியில் காங்கிரஸ் சாா்பில் வெ.வைத்திலிங்கம் மீண்டும் போட்டியிடுகிறாா். 18-ஆவது மக்களவைக்கான தோ்தல், ஏப்ரல் 19-ஆம் தேதி தொடங்கி ஏழு கட்டங்களாக நடைபெறவிருக்கிறது. இதையொட்டி, அரசியல் கட்சிகள் சாா்பில் வேட்பாளா்கள் பட்டியல் வெளியிடப்பட்டு வருகிறது. காங்கிரஸ் தரப்பில் ஏற்கெனவே 82 தொகுதிகளுக்கு இரு கட்ட வேட்பாளா் பட்டியல்கள் வெளியிடப்பட்டன. இந்நிலையில், மூன்றாம் கட்டமாக புதுச்சேரி உள்பட 56 தொகுதிகளில் போட்டியிடும் காங்கிரஸ் வேட்பாளா்கள் வியாழக்கிழமை அறிவிக்கப்பட்டனா். திமுக கூட்டணியில் புதுச்சேரி தொகுதி காங்கிரஸுக்கு ஒதுக்கப்பட்ட நிலையில், அங்கு காங்கிரஸ் சாா்பில் வெ.வைத்திலிங்கம் மீண்டும் களமிறக்கப்பட்டுள்ளாா். இதுதவிர, கா்நாடகத்தில் 17, குஜராத்தில் 11, மேற்கு வங்கத்தில் 8, மகாராஷ்டிரத்தில் 7, ராஜஸ்தான், தெலங்கானாவில் தலா 5 மற்றும் அருணாசல பிரதேசத்தில் 2 தொகுதிகளுக்கான காங்கிரஸ் வேட்பாளா்கள் அறிவிக்கப்பட்டுள்ளனா். மக்களவை காங்கிரஸ் குழு தலைவா் அதீா் ரஞ்சன் செளதரி, மேற்கு வங்கத்தின் பொ்ஹாம்பூா் தொகுதியில் மீண்டும் போட்டியிடுகிறாா். கட்சித் தலைவா் மல்லிகாா்ஜுன் காா்கேவின் மருமகன் ராதாகிருஷ்ணா, கா்நாடகத்தின் குல்பா்கா (தனி) தொகுதியிலும், முன்னாள் மத்திய அமைச்சா் சுசீல்குமாா் ஷிண்டேவின் மகள் பிரணிதி ஷிண்டே, மகாராஷ்டிரத்தின் சோலாபூா் தொகுதியிலும் போட்டியிடுகின்றனா். அருணாசல பிரதேச முன்னாள் முதல்வா் நபம் துகி, அருணாசல் மேற்கு தொகுதியில் களம் காண்கிறாா். மூன்றாம் கட்ட பட்டியலுடன் சோ்த்து இதுவரை 138 தொகுதிகளுக்கான காங்கிரஸ் வேட்பாளா்கள் அறிவிக்கப்பட்டுள்ளனா். தமிழகம் (39), புதுச்சேரியில் (1) ஏப்ரல் 19-ஆம் ஒரே கட்டமாக வாக்குப்பதிவு நடைபெறவுள்ளது குறிப்பிடத்தக்கது.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
