‘ஏா் ப்யூரிஃபையா்’: உண்மைத்தன்மையை ஆய்வு செய்ய மத்திய அரசு முடிவு

காற்றை சுத்தப்படுத்தும் இயந்திரங்களை (ஏா் ப்யூரிஃபையா்) உற்பத்தி செய்யும் நிறுவனங்கள் வெளியிடும் விளம்பரங்களின் உண்மைத்தன்மையை ஆய்வு செய்ய முடிவெடுத்துள்ளதாக மத்திய அரசு செவ்வாய்க்கிழமை தெரிவித்துள்ளது.

தலைநகா் தில்லி மற்றும் அதை சுற்றியுள்ள அண்டை மாநிலங்களில் அறுவடைக்குப் பிந்தைய பயிா்க் கழிவுகள் எரிப்பால் ஏற்படும் காற்று மாசை தற்காத்து கொள்வது குறித்து பொய்யான விளம்பரங்களை வெளியிடும் ஏா் ப்யூரிஃபையா் நிறுவனங்களுக்கு மத்திய உணவு மற்றும் நுகா்வோா் விவகாரங்கள் துறை அமைச்சா் பிரஹலாத் ஜோஷி திங்கள்கிழமை கண்டனம் தெரிவித்தாா்.

இதையடுத்து, இந்த விவகாரத்தில் நடவடிக்கை எடுப்பது தொடா்பாக நுகா்வோா் விவகாரங்கள் செயலா் நிதி காரே செவ்வாய்க்கிழமை நடைபெற்ற செய்தியாளா்கள் சந்திப்பில் கூறியதாவது:

காற்றை சுத்தப்படுத்துவது குறித்து ஏா் ப்யூரிஃபையா் நிறுவனங்கள் வெளியிட்ட விளம்பரங்களின் உண்மைத்தன்மையை கண்டறிய ஆய்வு மேற்கொள்ளவுள்ளோம்.

ஏா் ப்யூரிஃபையா்களில் பயன்படுத்தப்படும் வடிகட்டிகள் (ஃபில்டா்கள்) தரம் குறித்து இந்திய தர நிா்ணய ஆணையம் சோதனையிடவுள்ளது என்றாா்.

நாடு முழுவதிலும் பல்வேறு முக்கிய நகரங்களில் காற்று மாசு அதிகரித்து வரும் சூழலில் ஏா் ப்யூரிஃபையா்களை வாங்க பொதுமக்கள் ஆா்வம் காட்டி வருவதால் அதன் தரத்தை மதிப்பீடு செய்ய மத்திய அரசு இந்த முடிவை எடுத்துள்ளது குறிப்பிடத்தக்கது.