குழந்தைகளின் ஓய்வூதியத்துக்காக பெற்றோா் சேமிக்கும் வாத்சல்யா திட்டம்: மத்திய நிதியமைச்சா் தொடங்கி வைத்தாா்

குழந்தைகளின் ஓய்வூதியத்துக்காக பெற்றோா் சேமிக்கும் என்பிசி வாத்சல்யா திட்டத்தை மத்திய நிதியமைச்சா் நிா்மலா சீதாராமன் தில்லியில் புதன்கிழமை தொடங்கி வைத்தாா்.

இது ஏற்கெனவே நடைமுறையில் உள்ள சிறாா் தேசிய ஓய்வூதியத் திட்டத்தின் (என்பிசி) நீட்சியாகும். இந்தத் திட்டத்தில் பெற்றோா் தங்கள் குழந்தைகளின் பெயரில் ஓய்வூதியக் கணக்கு தொடங்க முடியும். வங்கி, அஞ்சலகம் மற்றும் இணையவழியில் 18 வயதுக்குள்பட்ட தங்கள் பிள்ளைகளுக்காக ஓய்வூதிய நிதியை பெற்றோா் சேமிக்கலாம். வாத்சல்யா ஓய்வூதியக் கணக்கை ரூ.1,000 செலுத்தி தொடங்கலாம். அதன் பிறகு ஆண்டுக்கு குறைந்தபட்சம் ரூ.1,000 கண்டிப்பாக கணக்கில் செலுத்த வேண்டும். அதிகபட்ச தொகை வரம்பு ஏதுமில்லை.

18 வயது நிரம்பும்போது, இத்திட்டத்திலிருந்து வெளியேறிக் கொள்ளவோ அல்லது தொடா்ந்து தேசிய ஓய்வூதியத் திட்டத்தில் இணைவதற்கோ அனுமதி அளிக்கப்படும். இதன் மூலம் பெற்றோா் அல்லது வருவாய் ஈட்டும் வயதை எட்டிய பிள்ளைகள் தொடா்ந்து பணத்தை சேமிக்க முடியும். 60 வயதை எட்டிய பிறகு ஓய்வூதியம் கிடைக்கத் தொடங்கும்.

குழந்தைகளுக்காக அவா்கள் பிறந்ததில் இருந்து முதலீடு செய்து அதிக அளவிலான பணத்தை ஓய்வூதிய பலனாகப் பெற்றுத் தர விரும்பும் பெற்றோருக்கான திட்டமாக இது தொடங்கப்பட்டுள்ளது.

கடந்த ஜூலை மாதம் நிதியமைச்சா் நிா்மலா சீதாராமன் தாக்கல் செய்த மத்திய பட்ஜெட்டில் இத்திட்டம் குறித்த அறிவிப்பு வெளியானது.

வங்கிகள், அஞ்சலகங்கள் மூலம் இத்திட்டத்தை தொடங்க முடியும். இந்த ஓய்வூதியத் திட்டம் மக்களின் தேவைக்கு ஏற்ப தொடா்ந்து மேம்படுத்தப்படும் என்றும் மத்திய அரசு தரப்பில் கூறப்பட்டுள்ளது.

குழந்தையின் கல்வி, குறிப்பிட்ட சில உடல்நலக் குறைபாடு, உடல் ஊனத்திற்கான சிகிச்சைப் போன்ற தேவைகளுக்காக, முதலீடு தொடங்கியதிலிருந்து 3 ஆண்டுகளுக்குப் பிறகு, மொத்த பங்களிப்பில் 25 சதவீதத்தை திரும்பப் பெற்றுக் கொள்ளலாம். இது போன்று 3 முறை திரும்பப் பெற அனுமதிக்கப்படும்.

கணக்குத் தொடங்கப்படும் குழந்தையின் வயது சான்றாக, பிறப்பு சான்றிதழ், பள்ளி மாற்று சான்றிதழ் போன்றவற்றையும் அடையாளமாக பயன்படுத்தலாம். இதுபோல பெற்றோா் தரப்பில் ஆதாா், பான் காா்டு உள்ளிட்டவை தேவையான ஆவணமாக ஏற்றுக் கொள்ளப்படும். பெற்றோா் வெளிநாடுவாழ் இந்தியராக இருந்தால் அதற்கான வங்கி ஆவணங்களை சமா்ப்பிக்க வேண்டும்.

இந்தத் திட்டத்தை தொடங்கி வைத்து நிா்மலா சீதாராமன் பேசியதாவது:

சமூகத்தின் அனைத்துப் பிரிவினருக்கும் சமூக பாதுகாப்பை வழங்க மத்திய அரசு உறுதிபூண்டுள்ளது. அந்த வகையில் ஏற்கனவே அரசு ஊழியா்களுக்கான தேசிய ஓய்வூதியத் திட்டம், தனியாா் துறையினா் மற்றும் பொது மக்களுக்கும் விரிவுபடுத்தப்பட்டு, 18 வயதுக்குட்பட்டவா்களும் ஓய்வூதியத் திட்டத்தில் இணையும் என்பிஎஸ் வாத்சல்யா திட்டம் தொடங்கப்பட்டுள்ளது.

குறைந்த செலவிலான ஓய்வூதியத் திட்டமான அடல் ஓய்வூதியத் திட்டத்தில் இதுவரை 6.9 கோடி போ் இணைந்துள்ளனா். இந்த ஓய்வூதியத் திட்டத்தில் இதுவரை ரூ.35,149 கோடி முதலீடு செய்யப்பட்டுள்ளது என்றாா்.

அடல் ஓய்வூதியத் திட்டத்தில் குறைந்தபட்சம் ரூ.1,000 முதல் அதிகபட்சம் ரூ.5,000 வரை ஓய்வூதியம் பெற முடியும். திட்டத்தில் இணைபவரின் வயதுக்கு ஏற்ப செலுத்த வேண்டிய பங்களிப்புத் தொகை நிா்ணயம் செய்யப்படுகிறது.