ஜோ பைடனை சந்தித்தார் பிரதமர் மோடி!

க்வாட் உச்சிமாநாட்டில் பங்கேற்பதற்காக அமெரிக்கா சென்றுள்ள பிரதமர் நரேந்திர மோடி, அதிபர் ஜோ பைடனை சந்தித்தார்.

‘க்வாட்’ உச்சிமாநாடு உள்பட பல்வேறு நிகழ்ச்சிகளில் பங்கேற்க மூன்று நாள் அரசுமுறைப் பயணமாக பிரதமா் நரேந்திர மோடி அமெரிக்காவுக்கு சனிக்கிழமை (செப். 21) சென்றாா்.

மாநாட்டின் ஒரு பகுதியாக தெற்கு கரோலினாவின் கிரீன்வில்லே நகரிலுள்ள ஜோ பைடன் இல்லத்திற்குச் சென்ற பிரதமர் மோடியை அதிபர் ஜோ பைடன் வரவேற்றார்.

அங்கு இரு தலைவர்களும் இந்தியா - அமெரிக்கா இடையிலான உறவை மேலும் ஆழப்படுத்துவது, இரு நாடுகளின் உலகளாவிய கூட்டு யுக்தியை விரிவுபடுத்துவது குறித்து ஆலோசிக்கவுள்ளனர்.

க்வாட் உச்சி மாநாடு

இந்தியா, அமெரிக்கா, ஜப்பான், ஆஸ்திரேலியா ஆகிய நாடுகள் அங்கம் வகிக்கும் க்வாட் கூட்டமைப்பின் 4-ஆவது உச்சிமாநாடு, அமெரிக்காவின் டெலாவா் மாகாணத்தின் வில்மிங்டன் நகரில் செப். 21-ல் நடைபெறவுள்ளது.

இந்த மாநாடு உள்பட பல்வேறு நிகழ்வுகளில் பங்கேற்பதற்காக, பிரதமா் மோடி அமெரிக்காவுக்கு மூன்று நாள்கள் அரசுமுறைப் பயணம் மேற்கொண்டுள்ளார்.

தனது பயணத்தை தொடங்கும் முன்னா் அவா் வெளியிட்ட அறிக்கையில், ‘இந்திய-பசிபிக் பிராந்தியத்தின் அமைதி, ஸ்திரத்தன்மைக்காக பணியாற்றும் முக்கியக் கூட்டமைப்பாக க்வாட் உருவெடுத்துள்ளது’ என்று குறிப்பிட்டாா்.

இந்தியா, அமெரிக்கா, ஜப்பான், ஆஸ்திரேலியா ஆகிய நாடுகள் அங்கம் வகிக்கும் ‘க்வாட்’ கூட்டமைப்பின் வருடாந்திர உச்சிமாநாடு, அமெரிக்காவின் டெலாவா் மாகாணத்தில் உள்ள அதிபா் ஜோ பைடனின் சொந்த நகரமான வில்மிங்டனில் நடைபெறுகிறது.

முக்கியத்துவம் வாய்ந்த இந்த மாநாட்டில் பங்கேற்கும் பிரதமா் மோடி உள்ளிட்ட தலைவா்கள், இந்திய-பசிபிக் பிராந்தியத்தின் அமைதி, வளா்ச்சி, ஸ்திரத்தன்மையை உறுதி செய்வதோடு, உக்ரைன் மற்றும் காஸா பிரச்னைக்கு அமைதித் தீா்வைக் கண்டறிவதற்கான வழிமுறைகள் குறித்து விரிவாக ஆலோசிக்கவுள்ளனா்.

மேலும், சுகாதார பாதுகாப்பு, பருவநிலை மாற்றம், வளரும் தொழில்நுட்பங்கள், உள்கட்டமைப்பு, போக்குவரத்து தொடா்புகள், பயங்கரவாத எதிா்ப்பு உள்ளிட்ட துறைகளில் ஒத்துழைப்பை வலுப்படுத்துவது குறித்தும் விவாதிக்கவுள்ளனா். இந்திய-பசிபிக் பிராந்தியத்தில் ஆதிக்கம் செலுத்த முயற்சிக்கும் சீனாவுக்கு எதிரான கூட்டமைப்பாக ‘க்வாட்’ பாா்க்கப்படுகிறது.

வாஷிங்டனில் செய்தியாளா்களிடம் பேசிய அமெரிக்க தேசிய பாதுகாப்பு ஆலோசகா் ஜேக் சல்லிவன், ‘பிராந்திய ஒருமைப்பாடு மற்றும் இறையாண்மை கொள்கைகளுக்கு இந்தியா ஆதரவளிக்க வேண்டும்’ என்று வலியுறுத்தினாா்.

இந்திய சமூகத்தினருடன் சந்திப்பு: நியூயாா்க்கின் லாங் தீவில் ஞாயிற்றுக்கிழமை (செப். 22) நடைபெறும் இந்திய சமூகத்தினரின் நிகழ்ச்சியில் பிரதமா் மோடி பங்கேற்றுப் பேசவுள்ளாா்.

மேலும், செயற்கை நுண்ணறிவு தொழில்நுட்பம், செமிகண்டக்டா் உள்ளிட்ட அதிநவீன தொழில்நுட்பங்கள் தொடா்புடைய அமெரிக்க நிறுவனங்களின் தலைமைச் செயல் அதிகாரிகளுடனும் அவா் கலந்துரையாடவுள்ளாா்.

‘எதிா்காலத்துக்கான ஒப்பந்தம்’: ஐ.நா. பொதுச் சபையில் செப்டம்பா் 22, 23 ஆகிய தேதிகளில் ‘எதிா்காலத்துக்கான உச்சி மாநாடு’ நடைபெறவுள்ளது. இந்த மாநாட்டின் இறுதியில், எதிா்கால சந்ததியினரின் வளமை மற்றும் முன்னேற்றத்துக்கான பிரகடனம் உள்ளடங்கிய ‘எதிா்காலத்துக்கான ஒப்பந்தம்’ உறுப்பு நாடுகளால் ஏற்கப்படும் என எதிா்பாா்க்கப்படுகிறது.

இந்த மாநாட்டில் பங்கேற்கும் பிரதமா் மோடி, உலகுக்கு முன்னுதாரணமாக விளங்கும் இந்தியாவின் உள்நாட்டு வளா்ச்சிப் பயணத்தை குறிப்பிட்டு பேசுவாா் என்று ஐ.நா.வுக்கான இந்தியாவின் நிரந்தர பிரதிநிதி பி.ஹரீஷ் தெரிவித்தாா்.