தமிழகம் உள்ளிட்ட மாநிலங்களில் விவசாய முறையில் மாற்றம்: ஐநா உணவுத் திட்ட பிரதிநிதிகள் ஆலோசனை

சிறு விவசாயிகளுக்கான உணவுப் பாதுகாப்பை மேம்படுத்த தமிழ்நாடு, அஸ்ஸாம், ஒடிஸா, ஆந்திரம் போன்ற மாநிலங்களில் விவசாய முறையை மாற்றியமைப்பது குறித்து ஐக்கிய நாடுகளின் சா்வதேச உணவுத் திட்ட அதிகாரிகள் மத்திய அரசுக்கு வியாழக்கிழமை ஆலோசனை கூறினா்.

கம்பு உள்ளிட்ட தானிய வகைகளை பிரதான நீரோட்டத்திற்கு கொண்டு வருவதற்கான நாடு தழுவிய முயற்சிகள் மேற்கொள்ளவும் இதில் தெரிவிக்கப்பட்டது.

மத்திய வேளாண்மை, விவசாயிகள் நலத்துறையும் ஐக்கிய நாடுகளின் சா்வதேச உணவு திட்ட அமைப்பும் கடந்தாண்டு புரிந்துணா்வு ஒப்பந்தத்தை மேற்கொண்டன. தேசிய முன்னுரிமைகளான உணவுப் பாதுக்காப்பு, ஊட்டச்சத்தில் திறன் மேம்பாடு, தொழில் நுட்ப ஆதரவுகளை நிவா்த்தி செய்ய 2023 முதல் 2027-ஆம் ஆண்டு காலம் வரையிலான ஒப்பந்தம் மேற்கொள்ளப்பட்டது. இந்த ஒப்பந்தத்தின் கீழ் அமைக்கப்பட்ட திட்ட ஆலோசனைக் குழு செயல்பாடுகளில் ஏற்பட்டுள்ள மேம்பாடு முன்னேற்றங்களை வியாழக்கிழமை மதிப்பாய்வு செய்யப்பட்டது.

மத்திய வேளாண் விவசாயிகள் நலத் துறை அமைச்சா் தேவேஷ் சதுா்வேதி தலைமையில் நடைபெற்ற இந்த மறு ஆய்வுக் கூட்டத்தில் ஐ.நா.வின் சா்வதேச உணவு திட்ட இந்திய இயக்குநா் எலிசபெத் ஃபாரே, நீதி ஆயோக், பல்வேறு மத்திய அரசு அமைச்சக இணைச் செயலா்கள் கலந்து கொண்டனா்.

இது குறித்து மத்திய வேளாண் துறை வட்டாரங்களில் கூறியது வருமாறு:

இந்த மதிப்பாய்வு கூட்டத்தில் நாட்டில் பயனுள்ள, திறன் அடிப்படையிலான சமூக உணவு பாதுகாப்பு அமைப்புகள், பலவகையான சத்தான செறிவூட்டப்பட்ட உணவுகளின் நுகா்வு அதிகரிப்பு இருப்பதை அறியப்பட்டதாக தெரிவிக்கப்பட்டது.

மேலும் பெண்கள் சமூக நிதி மேம்பாடு அதிகரிப்பு, பருவநிலை எதிா்ப்பு வாழ்வாதாரங்கள் உணவு முறைகளை உருவாக்குவதற்கான தழுவல் , திறனை வலுப்படுத்தல் போன்றவைகளில் கவனம் செலுத்தும் ஆலோசனைகள் வைக்கப்பட்டன.

இருப்பினும் ஐ.நா.வின் இந்திய திட்ட இயக்குநா் எலிசபெத் ஃபாரே, இலக்குகளுக்கான பல்வேறு விளைவுகளுக்கான ஆலோசனைகள் நிலை குறித்து குழுவிடம் வழங்கினாா். தமிழகம், அஸ்ஸாம், ஒடிஸா, ஆந்திரம் போன்ற மாநிலங்களில் விவசாய முறைகளை மாற்றியமைக்கப்படவேண்டிய ஆலோசனைகள், சிறு விவசாயிகளுக்கு உணவுப் பாதுகாப்பை மேம்படுத்துதல் உள்ளிட்ட பல்வேறு முயற்சிகள் குறித்துகள் குறிப்பிட்டாா். குறிப்பாக கம்பு போன்ற தானிய வகைகளை பிரதான நீரோட்டத்திற்கு கொண்டு வருவதற்கான நாடு தழுவிய முயற்சிகள் மேற்கொள்ளப்படவேண்டிது குறித்தும் வலியுறுத்தினாா்.

’பாதுகாப்பான மீன்பிடி’ செயலி மூலம் மீனவ சமூகங்களில் நெகிழ்ச்சியை(இணக்கத்தை) உருவாக்குதல்; பொது விநியோக முறை மேம்பாடு; அன்னபூா்த்தி முயற்சியாக தானிய ஏடிஎம்களை உருவாக்குதவது; பள்ளிகளில் ஊட்டச்சத்து தோட்டங்கள் அமைத்தல் போன்ற விவகாரங்களில் எலிசபெத் விரிவாக விளக்கியுள்ளாா்.

தலைமை தாங்கிய வேளாண்மை துறை செயலா் தேவேஷ் சதுா்வேதி, உணவு, ஊட்டச்சத்து பாதுகாப்பில் அடைந்த இலக்குகளையும் மேலும் முன்முயற்சிகளை அடையாளம் கண்டு அமைச்சகங்கள் துறைகளின் தற்போதைய திட்டங்களில் இந்த இலக்குகளை சோ்ப்பதற்கான வழிமுறைகளைத் தயாரிக்கவும் பரிந்துரைக்கப்பட்டுள்ளதாக தெரிவித்தாா். இந்திய மக்களுக்குப் பொருந்தக்கூடிய ஊட்டச்சத்துக்கான தரநிலைகளை காணவும் அவா் வலியுறுத்தினாா். பல்வேறு தானியங்களில் தற்போதைய செறிவூட்டப்பட்ட ரகங்களுடன், உள்ளூா் வகைகளான சிவப்பு, கருப்பு அரிசி வகைகள், தினைகள் ஆகியவை மேலும் பிரபலப்படுத்தப்படும் என்றாா். ஊட்டச் சத்து பாதுகாப்பில் உழவா் உற்பத்தியாளா் அமைப்புகள்(எஃப்பிஓ) மூலம் வித்தியாசமான முயற்சிகளைக் கொண்டு வருவதற்கான சாத்தியக்கூறுகளை ஆராயவும் அவா் அறிவுறுத்தினாா்.

கூட்டத்தில், உணவு, பொது விநியோகம், மகளிா், குழந்தைகள் மேம்பாடு, கிராமப்புற மேம்பாடு, சுற்றுச்சூழல், வனவியல், பருவநிலை மாற்றம், இந்திய வானிலை ஆய்வுத் துறை, புவி அறிவியல், பள்ளிக் கல்வி, வெளியுறவுத் துறை என ஒட்டுமொத்த மத்திய அரசு துறை இணைச் செயலா்கள், அதிகாரிகள் கூட்டத்தில் கலந்து கொண்டனா்.