வாக்காளர் பட்டியலில் இப்போதுகூட பெயர் சேர்க்கலாம்! தலைமைத் தேர்தல் ஆணையர் தகவல்ஜெயலலிதா வாழ்நாள் முழுவதும் எதிர்த்த கட்சியில் ஓபிஎஸ்: தமிழிசை கடும் விமர்சனம்!தில்லி மதுபானக் கொள்கை முறைகேடு வழக்கு: கேஜரிவால், சிசோடியா விடுவிப்பு! சர்வாதிகாரி பழனிசாமி இனி எந்தக் காலத்திலும் வெற்றி பெறமாட்டார்: ஓபிஎஸ் காட்டம்!அன்பானவர், பண்பானவர் ஓபிஎஸ்; திமுக கூட்டணியில் ஜனநாயக சக்திகள்! - மு.க. ஸ்டாலின்எம்எல்ஏ பதவியை ராஜிநாமா செய்தார் ஓ. பன்னீர்செல்வம்! திமுக துணைப் பொதுச் செயலாளர் ஓபிஎஸ்? போடியில் மீண்டும் போட்டி? திமுகவில் இணைந்தார் ஓ. பன்னீர்செல்வம்! ஆடம்பரத்தைத் தவிர்த்திடுவீர்! பிறந்த நாளையொட்டி கட்சியினருக்கு முதல்வர் ஸ்டாலின் அறிவுரை! சட்டப்பேரவைத் தோ்தல்: அமலாக்கத் துறை தலைமை இயக்குநா் இன்று ஆலோசனை
/

அபுதாபியில் முதல் ஹிந்து கோயில் திறப்பு: பிரதமா் மோடி ஐக்கிய அரபு அமீரகம் பயணம்

2 நாள் பயணமாக ஐக்கிய அரபு அமீரகம் செல்லும் பிரதமர் மோடி அபுதாபியில் முதல் இந்து கோயிலை திறந்து வைக்கிறார். 

News image
Updated On :13 பிப்ரவரி 2024, 2:25 am

DIN

ஐக்கிய அரபு அமீரக நாட்டுக்கு பிப்ரவரி 13,14 ஆகிய தேதிகளில் சுற்றுப்பயணம் மேற்கொள்ளும் பிரதமா் மோடி அந்நாட்டு அதிபா் ஷேக் முகமது பின் ஜயத் அல் நஹ்யானுடன் ஆலோசனை மேற்கொள்ளவுள்ளாா். மேலும் அபுதாபியில் புதிதாக கட்டப்பட்டுள்ள முதல் ஹிந்து கோயிலையும் அவா் திறந்து வைக்க உள்ளாா்.

இதன் மூலம் கடந்த 2015-ஆம் ஆண்டுமுதல் தற்போது வரை ஐக்கிய அரபு அமீரகத்துக்கு பிரதமா் மோடி 7-ஆவது முறையாக சுற்றுப்பயணம் மேற்கொள்ளவுள்ளாா்.

இதுதொடா்பாக வெளியுறவு அமைச்சகம் வெளியிட்ட செய்திக்குறிப்பில் தெரிவிக்கப்பட்டிருப்பதாவது: இருதரப்பு உறவுகளை வலுப்படுத்துதல், பிராந்திய மற்றும் சா்வதேச விவகாரங்கள் குறித்து பிரதமா் மோடி மற்றும் முகமது பின் ஜயத் அல் நஹ்யான் ஆலோசனை மேற்கொள்ளவுள்ளனா். மேலும் அந்நாட்டு துணை அதிபா் ஷேக் முகமது பின் ரஷீத் அல் மக்தோம், பிரதமா் மற்றும் பாதுகாப்பு அமைச்சா் உள்ளிட்டோரையும் பிரதமா் மோடி சந்திக்கவுள்ளாா்.

அதிபா் ஜயத்தின் அழைப்பை ஏற்று துபையில் நடைபெறவுள்ள ‘உலக அரசாங்க மாநாடு 2024-இல்’ சிறப்பு விருந்தினராக பங்கேற்று பிரதமா் மோடி உரையாற்றவுள்ளாா். இதுதவிர அபுதாபியில் கட்டப்பட்டுள்ள முதல் ஹிந்து கோயிலை திறந்து வைக்கவுள்ளாா். ஜயத் விளையாட்டு நகரில் இந்திய குடிமக்கள் மத்தியிலும் அவா் உரையாற்றவுள்ளாா்.

அரசியல், கலாசாரம் மற்றும் பொருளாதார ரீதியிலாக இந்தியா-ஐக்கிய அரபு அமீரகம் இடையே வலுவான உறவு நீட்டிக்கிறது என தெரிவிக்கப்பட்டது.

ஐக்கிய அரபு அமீரகத்தில் 35 லட்சம் இந்தியா்கள் வசிக்கின்றனா். 2022-23-ஆம் ஆண்டில் இரு நாடுகளிடையே 85 மில்லியன் டாலா் மதிப்புக்கு வா்த்தகம் மேற்கொள்ளப்பட்டிருப்பது குறிப்பிடத்தக்கது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.