‘ஒடிய மக்களுக்கே ஒடிஸா’:காங்கிரஸின் புதிய பிரசார உத்தி

ஒடிஸா மாநிலத்தில் ‘ஒடிய மக்களுக்கே ஒடிஸா’ என்ற புதிய தோ்தல் பிரசார முழக்கத்தை முன்னெடுக்க மாநில காங்கிரஸ் முடிவு செய்துள்ளது.

ஒடிஸாவில் ஆளும் பிஜு ஜனதா தளம் கட்சியில் தமிழகத்தைச் சோ்ந்தவரும், முன்னாள் ஐஏஎஸ் அதிகாரியுமான வி.கே. பாண்டியன் செல்வாக்கு மிக்கவராகத் திகழ்கிறாா். இந்நிலையில், அவரை மையமாக வைத்து இந்தத் தோ்தல் உத்தியை காங்கிரஸ் வகுத்துள்ளது.

ஒடிஸாவில் அடுத்த சில மாதங்களில் மக்களவைத் தோ்தலுடன் சோ்த்து சட்டப்பேரவைத் தோ்தலும் நடைபெறவுள்ளது. கடந்த 2000-ஆம் ஆண்டுமுதல் பிஜு தனதா தளம் தலைவா் நவீன் பட்நாயக் முதல்வராக உள்ளாா்.

ஒடிஸா முதல்வரின் தனிச் செயலராக 12 ஆண்டுகள் பணியாற்றிய வி.கே.பாண்டியன், முதல்வரின் நம்பிக்கைக்குரியவராகவும் ஒடிஸா அரசில் செல்வாக்கு மிகுந்த அதிகாரியாகவும் விளங்கினாா். 49 வயதாகும் அவா் கடந்த அக்டோபரில் விருப்ப ஓய்வு பெற்றாா். பின்னா், முதல்வா் நவீன் பட்நாயக் முன்னிலையில் பிஜு ஜனதா தளம் கட்சியில் நவம்பா் மாதம் இணைந்தாா்.

இதையடுத்து, ஒடிஸா அரசில் ‘வெளிநபா்களின்’ (வேறு மாநிலத்தவா்) ஆதிக்கம் அதிகரித்துவிட்டதாக காங்கிரஸும் குற்றம்சாட்டியுள்ளது.

இந்நிலையில் ‘ஒடிய மக்களுக்கே ஒடிஸா’ என்ற புதிய தோ்தல் பிரசார முழக்கத்தை முன்னெடுக்க மாநில காங்கிரஸ் முடிவு செய்துள்ளது.

இது தொடா்பாக மாநில காங்கிரஸ் மேலிடப் பொறுப்பாளா் அஜய் குமாா் புவனேசுவரத்தில் ஞாயிற்றுக்கிழமை கூறியதாவது:

ஒடிஸா மாநில அரசியலில் ‘வெளிநபா்களின்’ ஆதிக்கம் அதிகரித்துவிட்டது. மாநிலத்தின் பொருளாதாரம், அரசு நிா்வாகம் என அனைத்து நிலைகளிலும் அவா்கள் ஆதிக்கம் அதிகரித்து வருகிறது. ஒடியா மக்களின் முக்கியத்துவம் குறைந்து வருகிறது.

அண்மையில் ரூ.35,000 கோடி மதிப்பிலான அரசு ஒப்பந்தம் ‘வெளிநபா்களுக்கு’ அளிக்கப்பட்டது. ஒடிஸாவில் இந்தப் பணிகளைச் செய்ய ஒப்பந்ததாரா்கள் இல்லையா? இந்த மாநில அரசு ‘வெளிநபா்களால்’ நடத்தப்படுவதே இதுபோன்ற நிகழ்வுகளுக்கு காரணம்.

ஒடிஸாவில் உள்ள முக்கியப் பதவிகள், சுரங்க ஒப்பந்தம், தொழில்கள், அரசியல் கட்சிகள் என அனைத்திலும் ‘வெளிநபா்களின்’ ஆதிக்கம் அதிகரித்துவிட்டது. ஒடிஸா மக்களின் பணம் அவா்களின் கைக்குச் செல்கிறது. இதனால் ஒடிய மக்கள் பலா் ஏழைகளாகவே உள்ளனா்.

இந்த விஷயத்தில் மாநிலத்தில் ஆளும் பிஜு ஜனதா தளமும், பிரதான எதிா்க்கட்சியான பாஜகவும் ஒன்றுதான். ஆனால், இந்தப் போக்கைத் தடுக்க வேண்டியது அவசியம். ‘ஒடிய மக்களுக்கே ஒடிஸா’ என்ற நிலை உருவாக வேண்டும். காங்கிரஸ் மட்டுமே இதை உருவாக்கித் தர முடியும் என்றாா்.