போதைப்பொருள் வழக்கில் கைதான குட் பேட் அக்லி பட நடிகர் ஷைன் டாம் சாக்கோவை எர்ணாகுளம் நீதிமன்றம் ஜாமீனில் விடுவித்துள்ளது.
கொச்சியில் உள்ள ஹோட்டலில் போதைப்பொருள் தடுப்புப் பிரிவு போலீஸார் சோதனை நடத்தியபோது சாக்கோ அங்கிருந்து தப்பியோடும் சிசிடிவி காட்சி அண்மையில் வெளியானது.
இதுதொடர்பாக வழக்கு பதிவு செய்த போலீஸார், விசாரணைக்கு ஆஜராக வேண்டும் என்று அவருக்கு நேற்று சம்மன் அனுப்பி இருந்தது.
இன்று ஆஜரான அவரிடம் 4 மணி நேரத்திற்கு மேலாக விசாரணை நடத்திய கொச்சி நகர வடக்கு போலீஸார் பின்னர் சாக்கோவை கைது செய்தனர்.
அஜித்குமார் நடிப்பில் அண்மையில் வெளியான குட் பேட் அக்லி திரைப்படத்தில் துணைப் பாத்திரத்தில் சாக்கோ நடித்திருந்தார்.
நடிகர் ஷைன் டாம் சாக்கோ கடந்த சில ஆண்டுகளுக்கு முன்பு போதைப்பொருள் வழக்கில் கைது செய்யப்பட்டு விடுதலையானவர் என்பது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.