மத்திய அரசுக்கு ராகுல் 3 கேள்விகள்: மக்களவை எஸ்ஐஆா் விவாதத்தில் பேச்சு
மக்களவையில் எஸ்ஐஆா் உள்ளிட்ட தோ்தல் சீா்திருத்தம் தொடா்பான விவாதத்தில் செவ்வாய்க்கிழமை பேசிய எதிா்க்கட்சித் தலைவா் ராகுல் காந்தி, மூன்று கேள்விகளை முன்வைத்தாா்.
தோ்தல் ஆணையத்தை மத்திய பாஜக அரசு எப்படி தனது கட்டுப்பாட்டில் வைத்துக்கொண்டு பயன்படுத்துகிறது என்பதை அந்தக் கேள்விகள் தெளிவுபடுத்துகின்றன என்று அவா் குறிப்பிட்டாா்.
மக்களவையில் தோ்தல் சீா்திருத்தம் தொடா்பான விவாததத்தில் ராகுல் காந்தி பேசுகையில், தலைமைத் தோ்தல் ஆணையா், இரண்டு தோ்தல் ஆணையா்களைத் தெரிவு செய்யும் தோ்வுக் குழுவில் இருந்து உச்சநீதிமன்றத் தலைமை நீதிபதி நீக்கப்பட்டது ஏன்?
குறிப்பிட்ட நபா்தான் தோ்தல் ஆணையராக வரவேண்டும் என்பதில் பிரதமா் நரேந்திர மோடியும், மத்திய உள்துறை அமைச்சா் அமித் ஷாவும் மிகுந்த ஆா்வத்தைக் காட்டுவது ஏன்?
தோ்தல் ஆணையராகப் பதவியில் இருக்கும்போது மேற்கொள்ளும் தவறான நடவடிக்கைகளுக்காக தோ்தல் ஆணையா்கள் தண்டிக்கப்படாத வகையில் சட்டத்தில் மாற்றம் செய்து, இதுவரை எந்தப் பிரதமரும் செய்யாத வரலாற்றை கடந்த 2023-ஆம் ஆண்டு டிசம்பரில் மத்திய அரசு செய்தது. தோ்தல் ஆணையருக்கு இந்த அளவுக்கு சட்டப் பாதுகாப்பை பிரதமரும், மத்திய உள்துறை அமைச்சரும் அளித்தது ஏன்? என்ற மூன்று முக்கியக் கேள்விகளை முன்வைத்தாா்.
மேலும், தோ்தல் முடிந்து 45 நாள்களுக்குப் பிறகு வாக்குச்சாவடி கண்காணிப்புக் கேமரா பதிவுகளை அழிக்க அனுமதிக்கும் வகையில் சட்டத்தில் மாற்றம் செய்தது ஏன் என்ற கூடுதல் கேள்வியையும் எழுப்பினாா்.
ராகுல் காந்தி மேலும் பேசியதாவது: இந்த நடவடிக்கைகள் அனைத்தும் பிரதமருக்காகவே செய்யப்பட்டுள்ளன. ஹரியாணா மாநில வாக்காளா் பட்டியலில் பிரேஸில் மாடல் அழகியின் புகைப்படம் 22 முறை இடம்பெற்றிருந்தது. அதன்மூலம், அந்த மாநிலத்தில் வாக்குத் திருட்டு நடைபெறுவதை தோ்தல் ஆணையம் உறுதிப்படுத்தியது. தோ்தல் சீா்திருத்தத்தை விரும்பினால் தோ்தல் ஆணையம் எளிதாக மேற்கொண்டுவிட முடியும். ஆனால், அவ்வாறு சீா்திருத்தத்தை மேற்கொள்ள ஆணையம் விரும்பவில்லை.
தேசவிரோத நடவடிக்கை: தோ்தல் ஆணையத்துடன் கைகோத்து, மிகப் பெரிய தேசவிரோத நடவடிக்கையாக வாக்குத் திருட்டில் பாஜக ஈடுபட்டு வருகிறது. அதன்மூலம், இந்திய ஜனநாயக கட்டமைப்பையும், நவீன இந்தியாவையும், இந்தியாவின் கருத்தையும் பாஜக அழித்து வருகிறது. நாட்டின் அனைத்து அரசமைப்பு நிறுவனங்களையும் பாஜகவும் ஆா்எஸ்எஸ் அமைப்பும் கைப்பற்றி வருகின்றன.
தோ்தல் நடைபெறுவதற்கு ஒரு மாதத்துக்கு முன்பாக கணினியில் படிக்கக்கூடிய வகையிலான வாக்காளா் பட்டியல் விவரங்களை அனைத்து கட்சிகளுக்கும் தோ்தல் ஆணையம் அளிக்க வேண்டும்; தோ்தல் முடிந்து 45 நாள்களுக்குப் பிறகு கண்காணிப்புக் கேமரா பதிவுகளை அழிக்க அனுமதிக்கும் சட்டத்தைத் திரும்பப் பெற வேண்டும்; மின்னணு வாக்குப் பதிவு இயந்திரங்களின் கட்டமைப்பு விவரத்தை தெரிவிப்பதோடு, அவற்றை அணுகவும் எதிா்க்கட்சிகளுக்கு அனுமதி அளிக்க வேண்டும்; தோ்தல் ஆணையா்கள் விரும்பியதைச் செய்ய அனுமதிக்கும் சட்டத்தை ரத்து செய்ய வேண்டும். இல்லையெனில் நாங்கள் ஆட்சிக்கு வரும்போது அந்த நடவடிக்கையை மேற்கொள்வோம் என்றாா் அவா்.
காங்கிரஸ் எம்.பி. மணீஷ் திவாரி: வாக்காளா் பட்டியல் சிறப்பு தீவிர திருத்தப் பணியை மேற்கொள்ள தோ்தல் ஆணையத்துக்கு சட்ட அடிப்படையில் எந்த உரிமையும் கிடையாது. எனவே, உடனடியாக அந்தப் பணி நிறுத்தப்பட வேண்டும்.
வாக்கு ஒப்புகைச் சீட்டு (விவிபேட்) 100 சதவீதம் எண்ணப்படுவதை கட்டாயமாக்க வேண்டும் அல்லது மீண்டும் வாக்குச் சீட்டு முறையை நடைமுறைப்படுத்த வேண்டும்.
தலைமைத் தோ்தல் ஆணையா் மற்றும் இரண்டு தோ்தல் ஆணையா்களைத் தெரிவு செய்யும் தோ்வுக் குழுவில் பிரதமா், மக்களவை எதிா்க்கட்சித் தலைவா் மற்றும் ஒரு மத்திய அமைச்சா் உள்ளிட்டோா் இடம்பெற 2023-ஆம் ஆண்டு சட்டம் அனுமதிக்கிறது. இந்தத் தோ்வுக் குழுவில் மேலும் இரு உறுப்பினா்களாக மநிலங்களவை எதிா்க்கட்சித் தலைவா் மற்றும் உச்சநீதிமன்றத் தலைமை நீதிபதியைச் சோ்க்க வேண்டும்.
தோ்தல் வந்துவிட்டாலே, அதற்கு ஒரு மாதம் அல்லது 2 மாதங்களுக்கு முன்பாக நலத் திட்ட உதவி என்ற பெயரில் மக்களுக்கு நேரடியாக வங்கிக் கணக்கில் பணம் அளிக்கப்படுகிறது. அரசின் பணம் தவறாகப் பயன்படுத்தப்படுகிறது. இது நாட்டையும் ஜனநாயகத்தையும் திவாலாக்கும் என்றாா்.
எதிா்க்கட்சிகள் சுய பரிசோதனை செய்ய வேண்டும்: பாஜக
‘மின்னணு வாக்குப் பதிவு இயந்திரத்தின் நம்பகத்தன்மை மற்றும் வாக்காளா் பட்டியல் சிறப்பு தீவிர திருத்த (எஸ்ஐஆா்) பணிக்கு பின்னணியில் உள்ள காரணம் குறித்து கேள்வி எழுப்புவதற்குப் பதிலாக எதிா்க்கட்சிகள் தங்களை சுயபரிசோதனை செய்துகொள்ள வேண்டும்’ என்று பாஜக தரப்பில் தெரிவிக்கப்பட்டது.
மக்களவையில் செவ்வாய்க்கிழமை நடைபெற்ற தோ்தல் சீா்திருத்தம் மீதான விவாதத்தின்போது காங்கிரஸ் தரப்பில் முன்வைக்கப்பட்ட விமா்சனங்களுக்குப் பதிலளித்து பாஜக எம்.பி. சஞ்சய் ஜெய்ஸ்வால் பேசியதாவது:
மக்களவைக்கும் மாநில சட்டப்பேரவைகளுக்கும் ஒரே நேரத்தில் தோ்தல் நடத்துவது மத்தியில் ஆளும் பாஜகவுக்கு சாதகமாக இருக்கும் என எதிா்க்கட்சிகள் கூறி வருகின்றன. ஆனால், அது நோ்மறையான தாக்கத்தை ஏற்படுத்தவும் வாய்ப்புள்ளது. தேசம் முதன்மையானது என்பதே பாஜகவின் தத்துவம். அதனடிப்படையிலேயே ஒரே நேரத்தில் தோ்தல் நடத்துவதற்கான முயற்சியை மேற்கொள்கிறது.
பிகாா் மாநிலத்தில் சட்டப்பேரவைத் தோ்தலுக்கு முன்பாக வாக்குத் திருட்டு பிரசாரத்தை எதிா்க்கட்சித் தலைவா் ராகுல் காந்தி மேற்கொண்டாா். ஆனால், மாநிலத்தில் பல ஆண்டுகளாக ஆட்சி செய்து வரும் தேசிய ஜனநாயக கூட்டணி அரசின் நிா்வாக கொள்கைகள் குறித்து அவா் எதுவும் பேசவில்லை. அவரின் வாக்குத் திருட்டு பிரசாரம் மக்களிடையே பெரும் குழப்பத்தை ஏற்படுத்தியது. அதே நேரம், தகுதியுள்ள ஒரு வாக்காளரும் வாக்காளா் பட்டியலில் இருந்து விடுபடாததை வாக்காளா் பட்டியல் சிறப்பு தீவிர திருத்தப் பணி உறுதி செய்தது.
ஒவ்வொரு தோ்தல் தோல்விக்குப் பிறகும், மின்னணு வாக்குப் பதிவு இயந்திரத்தின் நம்பகத்தன்மை குறித்து கேள்வி எழுப்புவதை எதிா்க்கட்சிகள் வாடிக்கையாகக் கொண்டுள்ளன. தற்போது, வாக்காளா் பட்டியல் சிறப்பு தீவிர திருத்த (எஸ்ஐஆா்) பணிக்கு பின்னணி குறித்தும் கேள்வி எழுப்புகின்றனா். இதை விடுத்து, எதிா்க்கட்சிகள் தங்களை சுய பரிசோதனை செய்து கொள்வது அவசியம்.
மறைந்த முன்னாள் பிரதமா் ராஜீவ் காந்தி படுகொலை செய்யப்பட்ட பிறகுதான் தோ்தல் ஆணையத்தால் உண்மையான வாக்குத் திருட்டு நடத்தப்பட்டது. ராஜீவ் காந்தி போட்டியிடவிருந்த தொகுதியில் தோ்தலை ஒத்திவைப்பதற்குப் பதிலாக, பல இடங்களில் வாக்குப் பதிவை ரத்து செய்தது. அதுபோல, நாடு சுதந்திரம் பெற்ற பிறகு 1947-இல் முதல் பிரதமா் பதவிக்கு காங்கிரஸ் செயற்குழு உறுப்பினா்கள் சா்தாா் வல்லபபாய் படேலுக்கு ஆதரவு தெரிவித்த நிலையில், அதை ஏற்காமல் ஜவாஹா்லால் நேரு பெயா் முன்மொழியப்பட்டபோது முதல் வாக்குத் திருட்டு நடைபெற்றது.
பின்னா், 1975-இல் நாட்டில் அவசரநிலை அமல்படுத்தப்பட்டபோது, மேலும் ஒரு வாக்குத் திருட்டு சம்பவம் நடைபெற்றது என்றாா்.