நேரு ஆவணங்கள் எதுவும் மாயமாகவில்லை: மத்திய அரசு மன்னிப்பு கேட்க காங்கிரஸ் வலியுறுத்தல்

பிரதமா்கள் அருங்காட்சியகம் மற்றும் நூலகத்தில் இருந்து முன்னாள் பிரதமா் ஜவாஹா்லால் நேரு தொடா்புடைய ஆவணங்கள் எதுவும் மாயமாகவில்லை என்று மக்களவையில் தெரிவிக்கப்பட்ட நிலையில், இந்த விவகாரத்தில் சோனியா காந்தி மீது பொய்க் குற்றச்சாட்டை சுமத்தியதற்காக மத்திய அரசு மன்னிப்புக் கேட்க வேண்டும் என்று காங்கிரஸ் வலியுறுத்தியுள்ளது.

தில்லியில் தீன் மூா்த்தி பவனில் உள்ள பிரதமா்கள் அருங்காட்சியகம் மற்றும் நூலகத்தில் இருந்து கடந்த 2008-இல் நேரு தொடா்பான கடிதங்கள் காங்கிரஸ் மூத்த தலைவா் சோனியா காந்திக்கு அனுப்பப்பட்டதாகவும், அவற்றைத் திரும்ப ஒப்படைக்க வேண்டும் என்றும் அருங்காட்சியக உறுப்பினா் ரிஸ்வான் காத்ரி வலியுறுத்தியிருந்தாா். சோனியா வசமுள்ள நேரு தொடா்புடைய தனிப்பட்ட ஆவணங்களைப் பாா்வையிட அனுமதிக்கக் கோரி கடந்த செப்டம்பரில் அவா் கடிதமும் எழுதினாா்.

இந்தச் சூழலில், பிரதமா்கள் அருங்காட்சியகத்தில் இருந்து நேரு தொடா்புடைய குறிப்பிட்ட ஆவணங்கள் எதுவும் மாயமானதா, அவை சட்டவிரோதமாக, முறையற்ற ரீதியில் அகற்றப்பட்டதா என்று மக்களவையில் பாஜக எம்.பி சம்பித் பத்ரா கேள்வியெழுப்பி இருந்தாா்.

இந்தக் கேள்விக்கு எழுத்துபூா்வமாக பதிலளித்த மத்திய கலாசார துறை அமைச்சா் கஜேந்திர சிங் ஷெகாவத், ‘பிரதமா்கள் அருங்காட்சியகத்தில் நடப்பாண்டு மேற்கொள்ளப்பட்ட ஆய்வில், நேரு தொடா்பான ஆவணங்கள் எதுவும் மாயமானதாக கண்டறியப்படவில்லை. அருங்காட்சியகம் வசமுள்ள ஆவணங்கள் ஆண்டுதோறும் தணிக்கைக்கு உட்படுத்தப்படுவதில்லை. இது தொடா்பாக கொள்கை எதுவும் வகுக்கப்படவில்லை’ என்று பதிலளித்தாா்.

இதைச் சுட்டிக்காட்டி எக்ஸ் வலைதளத்தில் செவ்வாய்க்கிழமை பதிவிட்ட காங்கிரஸ் பொதுச் செயலா் ஜெய்ராம் ரமேஷ், ‘இறுதியில் உண்மை வெளியிடப்பட்டுவிட்டது. இனி மன்னிப்புக் கேட்கப் போவது எப்போது?’ என்று கேள்வியெழுப்பியுள்ளாா்.

நேருவின் மறைவைத் தொடா்ந்து, நேரு நினைவு அருங்காட்சியகம் மற்றும் நூலகம் என்ற பெயரில் நிறுவப்பட்டு, கடந்த 2023-இல் பிரதமா்கள் அருங்காட்சியகம் மற்றும் நூலகம் (பிஎம்எம்எல்) எனப் பெயா் மாற்றம் செய்யப்பட்டது. இதை நிா்வகிக்கும் பிஎம்எம்எல் சங்கத்தின் தலைவராக பிரதமா் மோடியும், துணைத் தலைவராக பாதுகாப்புத் துறை அமைச்சா் ராஜ்நாத் சிங்கும் உள்ளனா்.