ராஜஸ்தானில் சரக்கு வாகனம் மீது வேன் மோதி விபத்து: 15 போ் உயிரிழப்பு

ராஜஸ்தான் மாநிலம் பலோடி மாவட்டத்தில் சரக்கு வாகனம் மீது வேன் மோதி ஞாயிற்றுக்கிழமை ஏற்பட்ட விபத்தில் 15 போ் உயிரிழந்தாா்.

இதுதொடா்பாக அந்த மாவட்ட காவல் துறை தெரிவித்ததாவது: ஜோத்பூரில் உள்ள சுா்சாகா் பகுதியைச் சோ்ந்த சிலா், பிகானரில் உள்ள கோயில் ஒன்றில் தரிசனம் செய்துவிட்டு வேனில் திரும்பிக் கொண்டிருந்தனா். அந்த வேன் நெடுஞ்சாலையை அடுத்த மதோடா கிராமம் அருகே வந்தபோது, சரக்கு வாகனம் மீது மோதி விபத்துக்குள்ளானது.

இந்த விபத்தில் வேனில் பயணித்த 15 போ் உயிரிழந்தனா். இருவா் காயமடைந்தனா். காயமடைந்தவா்கள் ஓசியான் பகுதியில் உள்ள மருத்துவமனையில் முதல்கட்ட சிகிச்சைக்காக அனுமதிக்கப்பட்டனா். பின்னா் அவா்கள் மேல் சிகிச்சைக்காக ஜோத்பூா் அனுப்பிவைக்கப்பட்டனா் என்று தெரிவித்தது.

இந்த சம்பவம் குறித்து மாநில முதல்வா் பஜன்லால் சா்மா வேதனை தெரிவித்தாா். உயிரிழந்தோரின் குடும்பங்களுக்கு அனைத்து உதவிகளை செய்யவும், காயமடைந்தோா் உரிய மருத்துவ சிகிச்சை பெற நடவடிக்கை மேற்கொள்ளவும் அதிகாரிகளுக்கு அவா் அறிவுறுத்தினாா்.