தெலங்கானா, ஒடிஸா, பஞ்சாப், ராஜஸ்தான், ஜாா்க்கண்ட், மிஸோரம் ஆகிய 6 மாநிலங்கள் மற்றும் ஜம்மு-காஷ்மீா் யூனியன் பிரதேசத்தில் 8 தொகுதிகளுக்கு நடைபெற்ற இடைத்தோ்தலில் வெள்ளிக்கிழமை வாக்குகள் எண்ணப்பட்டு முடிவுகள் அறிவிக்கப்பட்டன.
பாஜக, காங்கிரஸ் ஆகிய கட்சிகள் தலா 2 இடங்களிலும், ஜாா்க்கண்ட் முக்தி மோா்ச்சா (ஜேஎம்எம்), ஆம் ஆத்மி, மக்கள் ஜனநாயகக் கட்சி (பிடிபி), மிஸோ தேசிய முன்னணி ஆகியவை தலா ஓரிடத்திலும் வெற்றி பெற்றன. இந்த 8 தொகுதிகளில் 4-இல் ஆளும் கட்சிகளும், பிற இடங்களில் எதிா்க்கட்சிகளும் வென்றுள்ளன.
தெலங்கானாவின் ஜூபிலி ஹில்ஸ், ஒடிஸாவின் நுவாபடா, ராஜஸ்தானின் அன்தா, பஞ்சாபின் தரன் தாரன், ஜாா்க்கண்டின் காட்சிலா, மிஸோரமின் தம்பா, ஜம்மு-காஷ்மீரின் நக்ரோட்டா, பட்காம் ஆகிய தொகுதிகளில் கடந்த நவ.11-ஆம் தேதி இடைத்தோ்தல் நடத்தப்பட்டது. வாக்கு எண்ணிக்கை வெள்ளிக்கிழமை நடைபெற்றது.
தெலங்கானாவில் காங்கிரஸ்: தெலங்கானா தலைநகா் ஹைதராபாதில் உள்ள ஜூபிலி ஹில்ஸ் தொகுதியில் பாரத ராஷ்டிர சமிதி (பிஆா்எஸ்) எம்எல்ஏவாக இருந்த மகந்தி கோபிநாத் கடந்த ஜூன் மாதம் மரணமடைந்தாா். இதன் காரணமாக இடைத்தோ்தல் நடைபெற்ற இத்தொகுதியில் ஆளும் காங்கிரஸ் சாா்பில் போட்டியிட்ட நவீன் யாதவ், 98,888 வாக்குகளுடன் வெற்றி பெற்றாா். பிஆா்எஸ் வேட்பாளா் மகந்தி சுனிதா கோபிநாத்துக்கு 74,259 வாக்குகளும், பாஜக வேட்பாளா் தீபக் ரெட்டிக்கு 17,061 வாக்குகளும் கிடைத்தன.
ஒடிஸாவில் பாஜக: ஒடிஸாவில் பிஜு ஜனதா தளம் (பிஜேடி) எம்எல்ஏ ராஜேந்திர டோலாகியா மரணத்தால் இடைத்தோ்தல் நடத்தப்பட்ட நுவாபடாவில் ஆளும் பாஜக வேட்பாளரும் ராஜேந்திர டோலாகியாவின் மகனுமான ஜெய் டோலாகியா 1,23,869 வாக்குகளுடன் அமோக வெற்றி பெற்றாா். அவரை எதிா்த்துப் போட்டியிட்ட காங்கிரஸ் வேட்பாளா் காசி ராம் மாஜீக்கு 40,121 வாக்குகளே கிடைத்தன. 38,408 வாக்குகளுடன் பிஜேடி வேட்பாளா் சினேஹாங்கினி சுரியா மூன்றாமிடத்துக்குத் தள்ளப்பட்டாா்.
ராஜஸ்தானில் காங்கிரஸ்: பாஜக ஆளும் ராஜஸ்தானில் அன்தா தொகுதி எம்எல்ஏவாக இருந்த கன்வாா் லால் மீனா (பாஜக), குற்ற வழக்கில் தண்டனை பெற்ால் தகுதிநீக்கம் செய்யப்பட்டாா். இதன் காரணமாக இடைத்தோ்தலை எதிா்கொண்ட இத்தொகுதியில் எதிா்க்கட்சியான காங்கிரஸ் வேட்பாளா் பிரமோத் ஜெயின், 69,571 வாக்குகளுடன் வெற்றி கண்டாா். சுமாா் 15,000 வாக்குகள் வித்தியாசத்தில், பாஜக வேட்பாளா் மோா்பால் சுமன் தோல்வியடைந்தாா்.
பஞ்சாபில் ஆம் ஆத்மி: பஞ்சாபில் ஆளும் ஆம் ஆத்மி எம்எல்ஏ காஷ்மீா் சிங் சோஹல் மரணத்தால் காலியான தரன் தாரன் தொகுதி இடைத்தோ்தலில் அக்கட்சி வேட்பாளா் ஹா்மீத் சிங் சாந்து 42,649 வாக்குகள் பெற்று வெற்றியடைந்தாா். சிரோமணி அகாலி தளம் வேட்பாளா் சுக்விந்தா் கெளருக்கு 30,558 வாக்குகள் கிடைத்தன. சுமாா் 15,000 வாக்குகளுடன் காங்கிரஸ் வேட்பாளா் கரண்பீா் சிங் 4-ஆவது இடத்துக்கு தள்ளப்பட்டாா்.
ஜாா்க்கண்டில் ஜேஎம்எம்: ஜாா்க்கண்டில் ஆளும் ஜாா்க்கண்ட் முக்தி மோா்ச்சா (ஜேஎம்எம்) எம்எல்ஏ ராம்தாஸ் சோரன் மறைவால் காட்சிலா தொகுதியில் இடைத்தோ்தல் நடத்தப்பட்டது. ஜேஎம்எம் கட்சிக்கு கெளரவப் பிரச்னையாக பாா்க்கப்பட்ட இத்தோ்தலில் 1,04,794 வாக்குகளுடன் அக்கட்சி வேட்பாளா் சோமேஷ் சந்திர சோரன் வெற்றியடைந்தாா். 38,000-க்கும் அதிக வாக்குகள் வித்தியாசத்தில் பாஜக வேட்பாளா் பாபுலால் சோரன் தோல்வியைத் தழுவினாா்.
மிஸோரமில் மிஸோ தேசிய முன்னணி: மிஸோரமின் தம்பா தொகுதியில் எதிா்க்கட்சியான மிஸோ தேசிய முன்னணி எம்எல்ஏவாக இருந்த லால்ரின்ட்லுவாங்கா கடந்த ஜூலையில் மரணமடைந்ததைத் தொடா்ந்து இத்தொகுதி காலியானது. இங்கு மிஸோ தேசிய முன்னணி சாா்பில் போட்டியிட்ட லால்தங்லியானா 6,981 வாக்குகளுடன் வெற்றி பெற்றாா். இவரை எதிா்த்து களமிறங்கிய ஆளும் ஸோரம் மக்கள் இயக்க வேட்பாளருக்கு 6,419 வாக்குகள் கிடைத்தன.
ஜம்மு-காஷ்மீரில் பிடிபி, பாஜக: ஜம்மு-காஷ்மீரில் நக்ரோட்டா, பட்காம் ஆகிய இரு தொகுதிகளுக்கு இடைத்தோ்தல் நடைபெற்றது.
ஜம்மு-காஷ்மீரில் கடந்த ஆண்டு பேரவைத் தோ்தலில் பட்காம், கந்தா்பால் ஆகிய இரு தொகுதிகளில் போட்டியிட்டு இரண்டிலும் வென்ற ஒமா் அப்துல்லா, பட்காம் தொகுதி எம்எல்ஏ பதவியை ராஜிநாமா செய்தாா். இதேபோல், நக்ரோட்டா தொகுதி பாஜக எம்எல்ஏவும் மத்திய அமைச்சா் ஜிதேந்திர சிங்கின் சகோதரருமான தேவேந்தா் சிங் ராணா மரணத்தால் இத்தொகுதி காலியானது.
பட்காம் தொகுதியில் மெஹபூபா முஃப்தியின் மக்கள் ஜனநாயக கட்சி சாா்பில் போட்டியிட்ட சையது முந்தாஸிா் மெஹ்தி, ஆளும் தேசிய மாநாட்டுக் கட்சி வேட்பாளா் சையது மஹ்மூத் அல்-மொசாவியை 4,000-க்கும் மேற்பட்ட வாக்குகள் வித்தியாசத்தில் தோற்கடித்தாா். இதன் மூலம் பட்காம் தொகுதி தேசிய மாநாட்டுக் கட்சியிடம் இருந்து மக்கள் ஜனநாயக கட்சி வசம் சென்றுள்ளது.
நக்ரோட்டா தொகுதியில் பாஜக சாா்பில் போட்டியிட்ட மறைந்த தேவேந்தா் சிங் ராணாவின் மகள் தேவயானி ராணா, 24,000-க்கும் மேற்பட்ட வாக்குகள் வித்தியாசத்தில் வெற்றி பெற்றாா். இத்தொகுதியில் இரண்டாவது இடத்தை ஜம்மு-காஷ்மீா் தேசிய பாந்தா்ஸ் கட்சி பிடித்தது. மூன்றாவது இடத்துக்கு தள்ளப்பட்ட ஆளும் தேசிய மாநாட்டுக் கட்சி, டெபாசிட் தொகையையும் இழந்தது.