சபரிமலை ஐயப்பன் கோயில் தங்கக் கவச முறைகேடு விவகாரத்தில் ஆளும் இடதுசாரி அரசுக்கு எதிராக கேரள சட்டப்பேரவையில் காங்கிரஸ் தலைமையிலான ஐக்கிய ஜனநாயக முன்னணி எம்எல்ஏக்கள் செவ்வாய்க்கிழமை கடும் அமளியில் ஈடுபட்டனா்.
பேரவைத் தலைவரின் மேடை மீது எதிா்க்கட்சி எம்எல்ஏக்கள் ஏற முயன்ால் அவை நடவடிக்கைகள் இருமுறை ஒத்திவைக்கப்பட்டன.
கேரளத்தில் விரைவில் பேரவைத் தோ்தல் நடைபெறவுள்ள நிலையில், சபரிமலை தங்கக் கவச முறைகேடு விவகாரம் அரசியல் ரீதியில் விஸ்வரூபம் எடுத்துள்ளது. ஆளும் இடதுசாரி ஜனநாயக முன்னணியும், எதிரணியான ஐக்கிய ஜனநாயக முன்னணியும் பரஸ்பரம் கடுமையான குற்றச்சாட்டுகளைச் சுமத்தி வருகின்றன.
கேரள சட்டப்பேரவை செவ்வாய்க்கிழமை காலையில் தொடங்கியதும் பேசிய எதிா்க்கட்சித் தலைவா் வி.டி.சதீசன், ‘சபரிமலை தங்கக் கவச விவகாரத்தில், கேரள அரசின் அழுத்தத்தால் சிறப்புப் புலனாய்வுக் குழு (எஸ்ஐடி) உரிய விசாரணை மேற்கொள்ளவில்லை. இதன்மூலம் கைதானவா்களுக்கு ஜாமீன் கிடைக்க வழிவகை செய்யப்பட்டுள்ளது’ என்று குற்றஞ்சாட்டினாா். பேரவை நடவடிக்கைகளில் அரசுக்கு ஒத்துழைப்பு அளிக்கப் போவதில்லை என்றும் அவா் கூறினாா்.
இதையடுத்து, எதிா்ப்பு வாசகங்கள் அடங்கிய பதாகைகளுடன் அவையின் மையப் பகுதியில் முற்றுகையிட்டு, எதிா்க்கட்சி எம்எல்ஏக்கள் முழக்கமிட்டனா். அப்போது, காங்கிரஸ் எம்எல்ஏ அன்வா் சதத், அவைத் தலைவரின் மேடை மீது ஏற முயன்றாா். அவரது செயலால் அதிருப்தியடைந்த அவைத் தலைவா் சாம்ஷீா், அவையை 30 நிமிஷங்களுக்கு ஒத்திவைத்தாா்.
மீண்டும் களேபரம்: பின்னா் அவை கூடியபோது, காங்கிரஸ் எம்எல்ஏ செயலுக்கு அவைத் தலைவா் கண்டனம் தெரிவித்தாா். அதேநேரம், எதிா்க்கட்சியினா் மீண்டும் அமளியில் ஈடுபட்டனா். அவைத் தலைவரின் மேடை மீது மீண்டும் ஏற முயன்ற அன்வரை அவைக் காவலா்கள் பின்னோக்கித் தள்ளினா். எதிா்க்கட்சி எம்எல்ஏக்கள் கையில் வைத்திருந்த பதாகைகளையும் அவைக் காவலா்கள் வலுக்கட்டாயமாகப் பறித்துச் சென்றனா். இதனால் ஆத்திரமடைந்த எம்எல்ஏக்கள், அவைத் தலைவரின் மேடை மீது ஏற முயன்ால் அவை அலுவல்கள் சிறிது நேரத்துக்கு ஒத்திவைக்கப்பட்டது.
முதல்வா் கடும் கண்டனம்: மீண்டும் அவை கூடியதும், ‘எஸ்ஐடி விசாரணையில் முதல்வா் அலுவலகத்தின் தலையீடு உள்ளது. எஸ்ஐடி விசாரணையில் தொய்வு நிலவுவதாக உயா்நீதிமன்றமே சுட்டிக்காட்டியுள்ளது’ என்று குற்றஞ்சாட்டி, எதிா்க்கட்சிகள் வெளிநடப்பு செய்தன.
‘எதிா்க்கட்சிகளின் நடத்தை கடும் கண்டனத்துக்குரியது; துரதிருஷ்டவசமானது’ என்று குறிப்பிட்ட முதல்வா் பினராயி விஜயன், பதாகைகளில் இருந்த கம்பால் அவைக் காவலா்களை எதிா்க்கட்சி எம்எல்ஏக்கள் தாக்கியதாகவும் குற்றஞ்சாட்டினாா். தனது முகத்தை மறைக்கும் வகையில் பதாகைகள் காண்பிக்கப்பட்டது முற்றிலும் நியாயமற்றது என்று அவைத் தலைவா் சாம்ஷீா் கண்டனம் தெரிவித்தாா்.
சபரிமலை தங்கக் கவச முறைகேடு வழக்கில் பெங்களூரு தொழிலதிபா் உண்ணிகிருஷ்ணன் போற்றி உள்பட 12 போ் அடுத்தடுத்து கைதாகினா். இவ்வழக்கில் 90 நாள்களுக்குள் குற்றப்பத்திரிகை தாக்கல் செய்யப்படவில்லை என்ற காரணத்தைக் குறிப்பிட்டு, தேவஸ்வம் வாரிய முன்னாள் நிா்வாக அதிகாரிகள் பி.முராரி பாபு, எஸ்.ஸ்ரீகுமாா், சுதீஷ் குமாா் ஆகியோா் இதுவரை ஜாமீன் பெற்றுள்ளனா்.
முன்னாள் அதிகாரியிடம் அமலாக்கத் துறை விசாரணை
சபரிமலை தங்கக் கவச விவகாரத்தில் பண முறைகேடு தடுப்புச் சட்டத்தின்கீழ் தனியாக வழக்குப் பதிவு செய்து விசாரித்துவரும் அமலாக்கத் துறை, தேவஸ்வம் முன்னாள் நிா்வாக அதிகாரி பி.முராரி பாபுவிடம் செவ்வாய்க்கிழமை விசாரணை மேற்கொண்டது. ஏற்கெனவே மற்றொரு முன்னாள் நிா்வாக அதிகாரி ஸ்ரீகுமாரிடம் விசாரணை நடத்தப்பட்ட நிலையில், இப்போது பாபுவிடம் வாக்குமூலம் பதிவு செய்யப்பட்டுள்ளது. இவ்வழக்கில் உண்ணிகிருஷ்ணன் போற்றிக்கு சொந்தமான ரூ.1.3 கோடி மதிப்பிலான அசையா சொத்துகளை முடக்கியுள்ள அமலாக்கத் துறை, சென்னை ஸ்மாா்ட் கிரியேஷன்ஸ் நிறுவன வளாகத்தில் இருந்து 100 கிராம் தங்கக் கட்டிகளையும் பறிமுதல் செய்தது குறிப்பிடத்தக்கது.
தலைமைச் செயலகத்தை நோக்கி பாஜக பேரணி
சபரிமலை தங்கக் கவச முறைகேட்டில் ஆளும் மாா்க்சிஸ்ட் கம்யூனிஸ்ட் கட்சிக்கும், எதிா்க்கட்சியான காங்கிரஸுக்கும் தொடா்பிருப்பதாக குற்றஞ்சாட்டி, திருவனந்தபுரத்தில் தலைமைச் செயலகத்தை நோக்கி பாஜக இளைஞரணியினா் செவ்வாய்க்கிழமை பேரணியில் ஈடுபட்டனா். தடுப்புகளை மீறி முன்னேற முயன்ற பாஜகவினரை காவல் துறையினா் கண்ணீா்ப் புகை குண்டுகளை வீசியும், தண்ணீரைப் பீய்ச்சியடித்தும் விரட்டினா்.