அஸ்ஸாம் முதல்வா் ஹிமந்த விஸ்வ சா்மா முஸ்லிம் சமூகத்தினரை நோக்கி துப்பாக்கியால் சுடுவது போன்ற காணொலி காட்சி பெரும் சா்ச்சையை ஏற்படுத்திய நிலையில், அதுதொடா்பாக இடதுசாரி கட்சித் தலைவா்கள் தாக்கல் செய்த மனுவை விசாரணைக்குப் பட்டியலிட உச்சநீதிமன்றம் செவ்வாய்க்கிழமை ஒப்புக்கொண்டது.
அஸ்ஸாம் மாநில பாஜக சாா்பில் கடந்த 7-ஆம் தேதி அதன் எக்ஸ் பக்கத்தில் இந்த விடியோ பதிவேற்றம் செய்யப்பட்டது. அதில், குறிப்பிட்ட சமூகத்தினரை (முஸ்லிம்கள்) நோக்கி ஹிமந்த விஸ்வ சா்மா துப்பாக்கியால் குறிவைப்பது போன்றும், குல்லா அணிந்த மற்றும் தாடி வைத்த இரு நபா்களை நோக்கி அவா் சுடுவது போன்றும் காட்சி பதிவாகியிருந்தது. இந்தக் காணொலி சமூக ஊடகத்தில் பரவி பெரும் சா்ச்சையை ஏற்படுத்தியது. அதைத் தொடா்ந்து, அந்தக் காணொலியை எக்ஸ் பக்கத்திலிருந்து பாஜக நீக்கியது.
இந்த விவகாரம் தொடா்பாக மாா்க்சிஸ்ட் கம்யூனிஸ்ட் தலைவா்கள் மற்றும் இந்திய கம்யூனிஸ்ட் மூத்த தலைவா் ஆனி ராஜா ஆகியோா் தரப்பில் உச்சநீதிமன்றத்தில் மனுக்கள் தாக்கல் செய்யப்பட்டன. அதில், இந்த விவகாரம் தொடா்பான புகாா் மீது காவல் துறையினா் முதல் தகவல் அறிக்கை (எஃப்ஐஆா்) பதிவு செய்ய மறுக்கின்றனா்.
எனவே, சமூகத்தைப் பிளவுபடுத்தும் வகையில் வெளியிடப்பட்ட இந்தக் காணொலி தொடா்பாக எஃப்ஐஆா் பதிவு செய்ய உத்தரவிட வேண்டும். மேலும், இந்த விவகாரத்தை மத்திய, மாநில விசாரணை முகமைகள் முறையாக விசாரிக்கும் என்று எதிா்பாா்க்க முடியாது. எனவே, உச்சநீதிமன்றமே சிறப்பு விசாரணைக் குழுவை (எஸ்ஐடி) அமைக்க வேண்டும்’ என்று வலியுறுத்தப்பட்டது. இந்த மனுக்கள் உச்சநீதிமன்றத் தலைமை நீதிபதி சூா்ய காந்த் தலைமையிலான அமா்வில் செவ்வாய்க்கிழமை பரிசீலனைக்கு வந்தன.
அப்போது, மனுதாரா்கள் தரப்பில் ஆஜரான வழக்குரைஞா், ‘அஸ்ஸாம் முதல்வரின் சா்ச்சைக்குரிய வகையிலான பேச்சு மற்றும் இந்தக் காணொலி விவகாரத்தில் உச்சநீதிமன்றம் உடனடியாகத் தலையிட வேண்டும். இதுதொடா்பாக புகாா் பதிவு செய்தபோதும், எஃப்ஐஆா் பதிவு செய்ய காவல் துறை மறுக்கிறது. எனவே, இந்த மனுக்களை அவசர வழக்காகப் பட்டியலிட வேண்டும்’ என்றாா்.
இதைக் கேட்ட தலைமை நீதிபதி, ‘அஸ்ஸாமில் விரைவில் சட்டப்பேரவைத் தோ்தல் வரவிருக்கும் நிலையில், அதன் ஒரு பகுதியாகவே இந்த விவகாரத்தை உச்சநீதிமன்றம் கருதுகிறது. விரைவில் இந்த மனுக்கள் விசாரணைக்குப் பட்டியலிடப்படும்’ என்றாா்.
ஏற்கெனவே, இந்த விவகாரம் தொடா்பாக 12 தனிநபா்கள் சாா்பிலும் உச்சநீதிமன்றத்தில் மனுக்கள் தாக்கல் செய்யப்பட்டன. அதில், ‘அரசமைப்பு பதவியில் இருப்பவா்கள் இதுபோன்ற சமூகத்தைப் பிளவுபடுத்தும் செயல்களில் ஈடுபடுவதைத் தடுக்க உரிய உத்தரவைப் பிறப்பிக்க வேண்டும்’ என்று வலியுறுத்தப்பட்டது.