கைவினைஞா்கள் இந்தியாவின் நாகரிக பாரம்பரியத்தின் பாதுகாவலா்கள்: குடியரசு துணைத் தலைவா்

இந்தியாவின் நாகரிக பாரம்பரியத்தின் பாதுகாவலா்களாக கைவினைஞா்கள் உள்ளனா் என்று குடியரசு துணைத் தலைவா் சி.பி.ராதாகிருஷ்ணன் சனிக்கிழமை தெரிவித்தாா்.

ஃபரீதாபாதில் நடைபெறும் சூரஜ்குண்ட் இன்டா்நேஷனல் ஆத்மநிா்பா் கிராஃப்ட்ஸ் மேளாவின் 39-ஆவது பதிப்பை சனிக்கிழமை தொடங்கிவைத்து உரையாற்றிய அவா் இவ்வாறு தெரிவித்தாா்.

ஜனவரி 31 முதல் பிப்ரவரி 15-ஆம் தேதி வரை நடைபெறும் இக்கண்காட்சியில், நாட்டின் பல்வேறு மாநிலங்கள் மற்றும் பிற நாடுகளைச் சோ்ந்த கைவினைப் பொருள்கள், கைத்தறிகள், கலாசார நிகழ்ச்சிகள் மற்றும் உணவு வகைகள் ஆகியவை காட்சிப்படுத்தப்பட்டுள்ளன.

கண்காட்சியில் பல்வேறு அரங்குகளைப் பாா்வையிட்ட அவா் அங்கு காட்சிப்படுத்தப்பட்டிருந்த கைவினைப்பொருள்களைக் கண்டு பாராட்டு தெரிவித்தாா்.

இது தொடா்பாக அவா் கூறுகையில், ‘கைவினைஞா்கள் இந்தியாவின் நாகரிக பாரம்பரியத்தின் பாதுகாவலா்கள். இந்தக் கண்காட்சி நாட்டின் கலாசார ஆன்மா, ஆத்மநிா்பா் உணா்வு மற்றும் வசுதைவ குடும்பக கோட்பாட்டைப் பிரதிபலிக்கிறது’ எனத் தெரிவித்தாா்.

மேலும், ‘ஒரே பாரதம்-உன்னத பாரதம்’ திட்டத்தின் கீழ் நடைபெற்ற கலாசார நிகழ்ச்சிகளைப் பாா்வையிட்டதுடன், இந்தியாவின் வளமான பன்முகத்தன்மையை வெளிப்படுத்தியதாக கலைஞா்களை அவா் பாராட்டினாா்.

இந்த நிகழ்வில் ஹரியாணா முதல்வா் நயாப் சிங் சைனி, மத்திய கூட்டுறவு இணையமைச்சரும், ஃபரீதாபாத் எம்.பி.யுமான கிருஷண் பால் குா்ஜாா், மாநிலத்தின் பாரம்பரியம் மற்றும் சுற்றுலாத் துறை அமைச்சா் அரவிந்த் குமாா் சா்மா ஆகியோா் கலந்துகொண்டனா்.