தமிழக சட்டப்பேரவை குளிா்கால கூட்டத் தொடருக்கு வாய்ப்பில்லை? ஆற்று மணல் முறைகேடு: திமுக முன்னாள் அமைச்சர் துரைமுருகன் உள்பட 27 போ் பெயா்கள் வெளியீடு எஸ்ஐஆருக்கு எதிரான வழக்குகள்: டிச. 9-இல் உச்சநீதிமன்றம் விசாரணை பிரதமா் மோடி தலைமையில் இன்று மத்திய அமைச்சா்கள் கூட்டம்சென்னை, திருவள்ளூா் மாவட்டங்களுக்கு மஞ்சள் எச்சரிக்கைஅரக்கோணம் அரசு மருத்துவமனையில் தீவிர சிகிச்சைப் பிரிவு கட்டடம்: முதல்வா் திறந்து வைக்கிறாா்சிறப்பு டெட் தேர்வு: விண்ணப்பிக்க நாளை கடைசி

பிரதமா் மோடி தலைமையில் இன்று மத்திய அமைச்சா்கள், இணையமைச்சா்கள் கூட்டம்

புது தில்லியில் பிரதமா் மோடி தலைமையில், அனைத்து மத்திய அமைச்சா்கள், இணையமைச்சா்கள் பங்கேற்கும் கூட்டம் புதன்கிழமை நடைபெற உள்ளது.

மத்திய அமைச்சர்கள் கூட்டம் - கோப்புப் படம்

Updated On :

புது தில்லியில் பிரதமா் மோடி தலைமையில், அனைத்து மத்திய அமைச்சா்கள், இணையமைச்சா்கள் பங்கேற்கும் கூட்டம் புதன்கிழமை நடைபெற உள்ளது.

அரசு நிா்வாகம், சீா்திருத்தங்கள், நலத்திட்டங்கள் மற்றும் வளா்ச்சி திட்டங்கள் குறித்து பெண்கள், இளைஞா்களிடம் விழிப்புணா்வு ஏற்படுத்துவது உள்ளிட்டவை குறித்து, இந்தக் கூட்டத்தில் விவாதிக்கப்பட உள்ளதாக தெரிகிறது.

பிலிப்பின்ஸில் இந்தியா-ஆசியான் உச்சி மாநாட்டில் பங்கேற்று தாயகம் திரும்பிய பின்னா், அமைச்சா்கள் அனைவருடனும் புதன்கிழமை காலை பிரதமா் மோடி கலந்துரையாட உள்ளதாகக் கூறப்படுகிறது.

அரசு எதிா்கொண்டு வரும் பிரச்னைகள், சவால்களை அமைச்சா்கள் நன்கு புரிந்துகொள்ள உதவும் நோக்கில் மேற்கொள்ளப்படும் நடவடிக்கையின் ஒரு பகுதியாக, இந்தக் கூட்டம் நடைபெற உள்ளது.

கடந்த ஆண்டு செப்டம்பரில் ‘சிந்தன் ஷிவிா்’ என்ற பெயரில், மத்திய அமைச்சா்கள், இணையமைச்சா்கள் பங்கேற்ற கூட்டம் நடைபெற்றது. அவா்கள் 8 குழுக்களாகப் பிரிக்கப்பட்ட நிலையில், ஒவ்வொருவருடனும் பிரதமா் மோடி தனித்தனியாக கலந்துரையாடினாா்.

அந்தக் கூட்டத்தில் அரசின் அனைத்து திட்டங்களும் தகுதிவாய்ந்த பயனாளிகளுக்கு 100 சதவீதம் சென்றடைவதை உறுதி செய்வது குறித்தும், மக்களின் நலனுக்காக அரசு மேற்கொண்டுள்ள நடவடிக்கைகளை மக்களிடம் திறம்பட கொண்டு சோ்ப்பது தொடா்பாகவும் அமைச்சா்கள் விரிவாக விவாதித்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.