அரசாணை திருத்தம் கோரி பிப்.2ல் 4 ஆயிரம் ஆசிரியர்கள் மொட்டையடித்து கோட்டை நோக்கி பேரணி!

அரசாணையில் திருத்தம் கோரி பிப்.2ல் 4 ஆயிரம் ஆசிரியர்கள் மொட்டையடித்து கோட்டை நோக்கி பேரணி செல்லவுள்ளதாக அறிவித்தனர்.

நாமக்கல்லில் இன்று முதுகலை பட்டதாரி ஆசிரியர்கள் கழகத்தின் மாநில பொதுக்குழுக் கூட்டம் நடைபெற்றது. இந்தக் கூட்டத்தில் எடுக்கப்பட்ட முடிவு:

1981ல் வெளியிடப்பட்ட அரசாணை எண் 720ல் திருத்தம்  செய்ய வேண்டும் என்று கோரிக்கை விடுத்து, வரும் பிப்ரவரி மாதம் 2ம் தேதி 4 ஆயிரம் ஆசிரியர்கள் மொட்டை அடித்துக் கொண்டு ராமாவரம் தோட்டத்தில் இருந்து கோட்டை நோக்கி பேரணி செல்வது என்று முடிவு செய்யப்பட்டது. எம்.ஜி.ஆர். காலத்தில் கொண்டு வரப்பட்ட அரசாணை என்பதால் ராமாவரத்தில் இருந்து பேரணை செல்வதாக முடிவு செய்ததாகத் தெரியவருகிறது.