மதுரையில் பல்பொருள் அங்காடியில் திருட்டு: ஊழியர்கள் 3 பேர் கைது

மதுரை, ஜூன் 13: மதுரையில் பரபரப்பான பகுதியில் பல்பொருள் அங்காடி ஒன்றில் ரூ. 5 லட்சம் திருடப்பட்டது. இதை அடுத்து போலீஸில் புகார் கூறப்பட்டது.

புகாரின் பேரில் போலீஸார் அருகில் இருந்தவர்கள், சந்தேகப்படும் நபர்களிடம் தீவிர விசாரணை மேற்கொண்டனர். இறுதியில் அந்த பல்பொருள் அங்காடி ஒன்றில் பணிபுரிந்த ஊழியர்கள் சிலரிடம் சந்தேகம் எழுந்தது,. இதை அடுத்து ஊழியர்கள் 3 பேரிடம் தீவிர விசாரணை மேற்கொண்டதில், அவர்கள் திருடியதை ஒப்புக்கொண்டனர். அவர்களிடம் இருந்து பணமும் உடனடியாக மீட்கப்பட்டது.

நகரின் மையப் பகுதியில் போலீஸார் விசாரணை மேற்கொண்டதால் மதுரையில் காலையிலேயே பரபரப்பு நிலவியது.