ஏற்காடு வாக்குப்பதிவு : 12 மணி நிலவரப்படி 43% வாக்குப்பதிவு

சேலம் மாவட்டம் ஏற்காடு தொகுதிக்கு நடைபெறும் இடைத் தேர்தலுக்கான வாக்குப்பதிவு இன்று காலை துவங்கியது. மதியம் 12 மணி நிலவரப்படி 43% வாக்குகள் பதிவானதாக தேர்தல் அதிகாரி தெரிவித்துள்ளார்.

இதுவரை நடந்த தேர்தல்களிலேயே 12 மணிக்கு 43% வாக்குகள் பதிவாகியிருப்பது இதுவே முதல் முறை என்றும், இது மிகவும் அதிகமான வாக்குப்பதிவு என்றும் என்றும் தெரிவிக்கப்பட்டுள்ளது.

இன்று காலை 8 மணிக்கு வாக்குப்பதிவு தொடங்கியது. இந்தத் தேர்தலில் அதிமுக சார்பில் மறைந்த பெருமாளின் மனைவி பெ.சரோஜாவும், திமுக சார்பில் வெ.மாறனும் போட்டியிடுகின்றனர்.

இவர்களுடன் 9 சுயேச்சை வேட்பாளர்களும் தேர்தல் களத்தில் உள்ளனர்.

நோட்டா' வசதி: யாருக்கும் வாக்களிக்க விரும்பாத வாக்காளர்கள், தங்களது எண்ணத்தை வெளிப்படுத்தும் விதமாக வாக்குப் பதிவு இயந்திரத்தில் "நோட்டா' பொத்தான் வசதி செய்யப்பட்டுள்ளது. ஏற்காடு தொகுதி முழுவதிலும் 120 மையங்களில் 290 வாக்குச் சாவடிகள் அமைக்கப்பட்டுள்ளன.