அருந்தவம்புலத்தில் டாஸ்மாக் கடையை அகற்றக்கோரி பெண்கள்,சிறுவர்கள் முற்றுகை

நாகை மாவட்டம்,வேதாரண்யத்தை அடுத்த அருந்தவம்புலம் கடைவீதியில் உள்ள டாஸ்மாக் மதுபானக் கடையை அகற்றக்கோரி மகளிர்குழு பெண்கள் இன்று கடையை முற்றுகையிட்டனர்.

அருந்தவம்புலத்தில் செயல்படும் டாய்மாக் கடை (எண்:5725) பொது மக்களுக்கு இடையூரு அளிப்பதாக கூறி,அதனை அகற்றக்கோரி பொது மக்கள் தொடர்ந்து போராடி வருகின்றனர். கடந்த மே மாதம் 26-ம் தேதி அந்த பகுதி பெண்கள் கடையை முற்றுகையிட்டனர்அரசு தரப்பில் பேச்சுவார்த்தை நடத்தி,ஜூலை 10-ம் தேதிக்குள் கடையை இடமாற்றம் செய்வதாக உறுதியளித்தனர்.ஆனால்,குறிப்பிட்ட தேதியில் (வெள்ளிக்கிழமை)நடவடிக்கை இல்லை.

இந்த நிலையில்,சனிக்கிழமை காலை பத்து மணிக்கு திறக்கப்பட்ட கடையை மூட வலியுறுத்தி பெண்கள் கடையை முற்றுக்கையிட்டு அமர்ந்தனர்.லதா உள்ளிட்ட நூற்றுக்கும் மேலான மகளிர் குழு உறுப்பினர்கள்,சிறுவர்கள் சமூக ஆர்வலர்கள் பங்கேற்றனர்.