விருதுநகர் மாவட்டத்தில் அங்கிகாரம் பெறாத பள்ளிகளில் குழந்தைகளை சேர்க்க கூடாது 

விருதுநகர் மாவட்டத்தில் அங்கிகாரம் பெறாத பள்ளிகளில் குழந்தைகளை பெற்றோர்கள் சேர்ப்பதை தவிர்க்க வேண்டும் என மாவட்ட முதன்மைக் கல்வி அலுவலர் கேட்டுக் கொண்டுள்ளார்.

 இது குறித்து மாவட்ட முதன்மைக் கல்வி அலுவலர் வி.ஜெயக்குமார் சனிக்கிழமை வெளியிட்டுள்ள செய்திக் குறிப்பு விவரம்: இம்மாவட்டத்தில் அரசு அங்கிகாரம் இல்லாமல் 18 நர்சரி மற்றும் தொடக்கப்பள்ளிகள் செயல்பட்டு வருகின்றன. அப்பள்ளிகளில் மாணவ, மாணவிகளை எக்காரணம் கொண்டும் பெற்றோர்கள் சேர்க்கக் கூடாது.

   அந்த வகையில் அங்கிகாரம் பெறாத பள்ளிகளின் விவரம் வருமாறு: பெருந்தலைவர் காமராஜர் நர்சரி தொடக்கப்பள்ளி-சின்னவள்ளிக்குளம், கிரீன் ஆப்பிள் நர்சரி தொடக்கப்பள்ளி-சொக்கலிங்காபுரம், கிரீன் விஸ்டம் நர்சரி தொடக்கப்பள்ளி, பொன்பழனி நர்சரி தொடக்கப்பள்ளி-மல்லாங்கிணர், பஸ்ட் டெப் நர்சரி தொடக்கப்பள்ளி, லயன் நர்சரி தொடக்கப்பள்ளி-ராஜபாளையம், கிரேஸ் நர்சரி தொடக்கப்பள்ளி-முகவூர், கே.வி.டி.எஸ் நர்சரி தொடக்கப்பள்ளி-சிவகாசி, ஆட்ரல் அரசு கே.ஆறுமுகசாமி நர்சரி தொடக்கப்பள்ளி-விளாம்பட்டி, பத்ரகாளியம்மன் நர்சரி தொடக்கப்பள்ளி-திருச்சுழி, ரோஜா நர்சரி தொடக்கப்பள்ளி-பரளச்சி, விஸ்வாஸ் வித்யாலயா நர்சரி தொடக்கப்பள்ளி-மூன்றடைப்பு), குட்செபர்ட் நர்சரி தொடக்கப்பள்ளி-ஆலங்குளம், கலைவாணி நர்சரி தொடக்கப்பள்ளி-செவல்பட்டி, மாரியம்மன் நர்சரி தொடக்கப்பள்ளி, சந்திரா நர்சரி தொடக்கப்பள்ளி, ஆர்.ஜே.மந்த்ரா நர்சரி தொடக்கப்பள்ளி-விருதுநகர்.

எனவே மேற்குறிப்பிட்ட நர்சரி தொடக்கப்பள்ளிகளில் மாணவ, மாணவிகளை பெற்றோர்கள் சேர்க்க வேண்டாம் என அவர் கேட்டுக் கொண்டுள்ளார்.