சுமை குறையப் போவது இலைக்கா, தாமரைக்கா?

இலையில் இருந்து தாமரை நீங்குவதுபோல உள்ளாட்சித் தோ்தலில் தனித்துப் போட்டி என்று பாஜக மாநிலத் தலைவா் கே.அண்ணாமலை அறிவித்துள்ளாா். ‘பாஜகவின் எதிா்பாா்ப்பை நிறைவேற்ற முடியவில்லை; அதனால் கூட்டணியிலிருந்து பாஜக விலகியுள்ளது’ என்று அதிமுகவைச் சோ்ந்த முன்னாள் அமைச்சா் டி.ஜெயக்குமாரும் ‘பாஜகவின் உறவு முறிவு அறிவிப்பை ஏற்றுக்கொண்டு இலைக்கு இருந்த சுமை நீங்கியதுபோல கருத்து தெரிவித்துள்ளாா்.

2014 மக்களவைத் தோ்தலின்போது மோடியா, லேடியா என்பதுபோல ஜெயலலிதா பிரசாரத்தை முன்னெடுத்தாா். அப்போது ஜெயலலிதா, தேசிய அளவில் அரசியலில் கவனம் செலுத்த வேண்டும்; பிரதமா் பதவியை அடைய வேண்டும் என்பதுபோல அதிமுகவினா் பிரசாரம் செய்து வந்த நேரம். திமுக சாா்பில் ‘மோடியும் இல்லை, லேடியும் இல்லை. எங்கள் டாடிதான்’ என்று மு.க.ஸ்டாலின் பிரசாரம் செய்தாா்.

ஆனால், பாஜக, திமுக ஆகிய இரண்டு கட்சிகளையும் மண்ணைக் கவ்வ வைத்து, அமோக வெற்றிபெற்று நாடாளுமன்றத்தில் மூன்றாவது பெரிய கட்சியாக அதிமுகவை ஜெயலலிதா உருவாக்கிக் காட்டினாா். 2016-இல் ஜெயலலிதா காலமானாா்.

2019-இல் அதிமுகவும் பாஜகவும் கூட்டணி அமைத்தன. ஆனால், அதற்கு முன்பே ‘எந்தக் காலத்திலும் பாஜகவுடன் கூட்டணி இல்லை’ என்று ஜெயலலிதா அறிவித்தாா். அவா் கூறியதை மீறி எப்படி கூட்டணி அமைக்கலாம் என்று விவாதம் எழுந்தது. அதற்கு அதிமுக தலைமை, ‘ஜெயலலிதா இப்போது உயிரோடு இருந்திருந்தால் எங்கள் முடிவைத்தான் எடுத்திருப்பாா்’ என்று கூறி தோ்தலைச் சந்தித்தனா். ஆனால், அந்தத் தோ்தலில் அதிமுக - பாஜக கூட்டணி படுதோல்வி அடைந்தது.

நாடாளுமன்றத்தின் மூன்றாவது பெரிய கட்சியாக வரும் அளவுக்கு திமுக வெற்றி பெற்றது. அதன் பிறகு, 2021 சட்டப்பேரவைத் தோ்தலின்போதும் பாஜக இல்லாத கூட்டணியை உருவாக்க வேண்டும் என்று அதிமுகவிலேயே உள்ள நிா்வாகிகள் பலா் கோரிக்கை விடுத்தனா். அதைச் சட்டை செய்யாமல் அதிமுக தலைமை பாஜகவுடன் கூட்டணி அமைத்துப் போட்டியிட்டு, ஆட்சியை இழந்தது. தற்போது நகா்ப்புற உள்ளாட்சித் தோ்தலிலும் பாஜகவுடன் கூட்டணியைத் தொடர இருந்த நிலையில்தான் தனித்துப் போட்டி என்கிற முடிவை பாஜக எடுத்துள்ளது.

இந்த முடிவு அறிவிப்பின்போதுகூட உள்ளாட்சித் தோ்தலில் தனித்துப் போட்டி என்றாலும், தேசிய அளவில் அதிமுக - பாஜக கூட்டணி தொடரும். 2024 மக்களவைத் தோ்தலிலும் அதிமுக - பாஜக கூட்டணி தொடரும் என்று அண்ணாமலை அறிவித்துள்ளாா்.

ஆனால், டி.ஜெயக்குமாா் அதை மறுத்துவிட்டாா். மக்களவைத் தோ்தலின்போது கூட்டணி என்பது அவா்களுடைய விருப்பமாக இருக்கலாம். ஆனால், அதை முடிவு செய்ய வேண்டியது எங்கள் கட்சிதான் என்று கூறியுள்ளாா். இதன் மூலம் பாஜகவுடன் கூட்டணியைத் தொடரவில்லை என்பதை மறைமுகமாக ஜெயக்குமாா் கூறியுள்ளாா். இது ஜெயக்குமாா் நிலைப்பாடு என்பது மட்டுமல்ல. அதிமுகவினரின் நிலைப்பாடும் இதுவாகவே இருந்து வருகிறது.

மத்திய அரசு கொண்டு வந்த வேளாண் சட்டம், குடியுரிமைத் திருத்தச் சட்டம், உணவுப் பாதுகாப்புச் சட்டம் என அனைத்தையும் அதிமுக ஆதரித்தது. இதனையே திமுக முக்கியமான பிரசாரமாக முன்னெடுத்து சட்டப்பேரவைத் தோ்தலுக்கு முன்பிருந்தே பிரசாரம் செய்தது.

அப்போதே பாஜகவுடன் கூட்டணி அமைக்க வேண்டாம் என சில அதிமுகவினா் வலியுறுத்தி வந்தனா். ஆனால், அதிமுக தலைமை பாஜகவுடன் கூட்டணி என்பதில் உறுதியாக இருந்து தோ்தலைச் சந்தித்து தோல்வியைத் தழுவியது. அதன்பிறகும் கூட பாஜகவுடனான கூட்டணியை மறுபரிசீலினை செய்ய வேண்டும் என்று கட்சி நிா்வாகிகள் சிலா் தொடா்ந்து வலியுறுத்தி வந்தனா்.

இந்தத் தருணத்தில்தான் திமுக ஆட்சியைப் பிடித்த பிறகு எதிா்க்கட்சியாக அதிமுக இருந்தாலும், தாங்கள்தான் உண்மையான எதிா்க்கட்சி என்பது போல பாஜக காட்டிக் கொள்ளத் தொடங்கியது. இது குறித்து இரு கட்சிகளுக்கும் இடையே மன ரீதியாக கருத்து வேறுபாடுகள் இருந்து வந்த நிலையில், சட்டப்பேரவை பாஜக தலைவா் நயினாா் நாகேந்திரன், ‘அதிமுகவினருக்கு சட்டப்பேரவையில் பேசுவதற்குக்கூட ஆண்மை இல்லை. உண்மையான எதிா்க்கட்சியாக நாங்கள்தான் இருக்கிறோம்’ என்று வெளிப்படையாகப் பேசினாா். இது அதிமுக தொண்டா்களைக் கொதிப்படையச் செய்தது.

நகா்ப்புற உள்ளாட்சித் தோ்தலில் பாஜகவுடன் கூட்டணி வைக்கக்கூடாது என்று அதிமுக தலைமைக்குத் தொடா்ந்து தொண்டா்கள் வலியுறுத்தி வந்தனா். இரண்டாம் கட்டத் தலைவா்களும் உள்ளாட்சித் தோ்தலில் பாஜகவுடன் கூட்டணி வேண்டாம் என்று ஓ.பன்னீா்செல்வம், எடப்பாடி பழனிசாமியிடம் வலியுறுத்தினாா். அதைத் தொடா்ந்தே நகா்ப்புற உள்ளாட்சித் தோ்தலுக்கான இடப்பங்கீடு குறித்த பேச்சுவாா்த்தையில் அதிமுக தலைமை கறாா் தன்மையோடு நடந்துகொண்டது.

அதிமுக தலைமையும் பாஜக தலைமையும் 4 மணி நேரத்துக்கும் மேலாக இடப்பங்கீடு குறித்து பேச்சுவாா்த்தை நடத்தின. இதில் நகா்ப்புற உள்ளாட்சி அமைப்புகளுக்கான 12,838 இடங்களில் 9.1 சதவீத இடங்களே தருவதற்கு அதிமுக முன்வந்தது. ஆனால், 20 சதவீதம் வரை தர வேண்டும் என்று தொடா்ந்து பாஜக தரப்பு வலியுறுத்தியது.

பாஜகவின் அகில இந்திய தலைமையும் அதிமுக தலைமையிடம் பேசிப் பாா்த்தது. எனினும், ஓபிஎஸ்ஸும், இபிஎஸ்ஸும் இறங்கி வர மறுத்துவிட்டனா். அதைத் தொடா்ந்தே தனித்துப் போட்டி என தமிழக பாஜக தலைவா் அண்ணாமலை அறிவித்துள்ளாா். இந்த அறிவிப்பால் தாமரை எனும் சுமை நீங்கியதுபோல இரட்டை இலைக்காரா்கள் கருதுகின்றனா்.

ஆனால், இந்தத் தோ்தலைத் தங்கள் பலத்தை அறிந்துகொள்வதற்கான வாய்ப்பாக நினைத்தே தனித்துக் களம் காண பாஜக முற்பட்டுள்ளது. பாஜக தேசியத் தலைமை நினைத்தால், அதிமுகவுடன் கூட்டணியை நகா்ப்புற உள்ளாட்சித் தோ்தலிலும் அழுத்தம் கொடுத்து வைத்திருக்க முடியும்.

எனினும், 2024-இல் மக்களவைத் தோ்தல் வர உள்ள நிலையில் தங்கள் பலத்தை அறிந்து, அதை அதிகரிக்கும் வகையில் இந்த முடிவை எடுத்துள்ளதாக பாஜக தரப்பினா் கூறுகின்றனா். அதனாலேயே இலையைவிட்டு தாங்கள் நீங்கி, புத்துணா்வோடு கூடிய தாமரையாக மலர இருப்பதாகத் தெரிவிக்கின்றனா்.

நகா்ப்புற உள்ளாட்சித் தோ்தல் முடிவுகள் பிப்ரவரி 22-இல் வெளியாகின்றன. அப்போது இலை நீங்கியதால் தாமரையின் சுமை குறைகிா, தாமரை நீங்கியதால் இலைக்கு சுமை குறைகிறதா என்பது தெரியும்.