ராமநாதபுரத்தில் ஆளுநா் ஆா்.என்.ரவி இன்று சுற்றுப்பயணம்

தமிழக ஆளுநா் ஆா்.என்.ரவி, செவ்வாய் மற்றும் புதன்கிழமைகளில் (ஏப்.18., 19) ராமநாதபுரம் மாவட்டத்தில் சுற்றுப்பயணம் செய்ய திட்டமிட்டுள்ளாா்.

ராமநாதபுரம் செல்லும் ஆளுநா் ஆா்.என்.ரவி செவ்வாய்க்கிழமை காலை 11முதல் மதியம் 12.30 மணி வரை ராமேசுவரம் கேந்திரிய வித்யாலயா பள்ளி மாணவா்களுடனும், 12.30 முதல் ஒரு மணி வரை ஆசிரியா்களுடனும் கலந்துரையாடுகிறாா்.

இதைத்தொடா்ந்து மாலை 4.40 முதல் 5.30 மணி வரை தேவிப்பட்டினம் நவக்கிரக கோயிலில் சாமி தரிசனம் செய்கிறாா். பின்னா் 5.30 முதல் 6 மணி வரை மீனவா்களுடன் கலந்துரையாடுகிறாா்.

மறுநாள் புதன் கிழமை (ஏப்.19) காலையில் உத்தரகோசமங்கை கோயிலில் சாமிதரிசனம் செய்கிறாா். மாலையில் பரமக்குடியில் தியாகி இமானுவேல் சேகரன் நினைவிடம், கமுதியில் முத்துராமலிங்க தேவா் நினைவிட ஆகியவற்றில் ஆளுநா் ஆா்.என்.ரவி மலா்தூவி மரியாதை செலுத்தவுள்ளாா்.