கொல்கத்தா பெண் மருத்துவா் படுகொலை வழக்கு: சஞ்சய் ராய் குற்றவாளி

கொல்கத்தா பெண் மருத்துவா் பாலியல் வன்கொடுமை செய்து கொல்லப்பட்ட வழக்கில் சஞ்சய் ராய் குற்றவாளி என்று சியால்டா நீதிமன்றம் சனிக்கிழமை தீா்ப்பளித்தது.

தண்டனை விவரம் திங்கள்கிழமை (ஜன.20) அறிவிக்கப்படும் என்று நீதிபதி தெரிவித்தாா்.

கடந்த ஆண்டு ஆகஸ்ட் 9-ஆம் தேதி கொல்கத்தாவில் உள்ள அரசு மருத்துவக் கல்லூரி மருத்துவமனையில் 31 வயது முதுநிலை பெண் பயிற்சி மருத்துவா் பாலியல் வன்கொடுமை செய்து கொல்லப்பட்டாா்.

அவரை பாலியல் வன்கொடுமை செய்து கொன்ாகக் காவல் துறைக்கு உதவும் தன்னாா்வலராகப் பணியாற்றிய சஞ்சய் ராய் என்பவரை காவல் துறை கைது செய்தது.

கொல்கத்தா உயா்நீதிமன்ற உத்தரவின்பேரில், இந்த வழக்கை சிபிஐ விசாரித்தது. இதைத்தொடா்ந்து கொலை தொடா்பாக வழக்குப் பதிய தாமதித்ததாக தாலா காவல் நிலைய பொறுப்பு அதிகாரி அபிஜீத் மோண்டல், கொலை சம்பவம் தொடா்பான ஆதாரத்தை சேதப்படுத்தியதாக அந்த மருத்துவக் கல்லூரி மருத்துவமனையின் முன்னாள் முதல்வா் சந்தீப் கோஷ் ஆகியோரை சிபிஐ கைது செய்தது. இந்த சம்பவம் நாடு முழுவதும் அதிா்வலைகளை ஏற்படுத்தி, மருத்துவா்களின் போராட்டத்துக்கு வழிவகுத்தது.

இந்நிலையில், கொல்கத்தாவில் உள்ள சியால்டா நீதிமன்றத்தில் கூடுதல் மாவட்ட மற்றும் அமா்வு நீதிபதி அனிா்பன் தாஸ் முன்பாக, இந்த வழக்கு விசாரணை கடந்த நவ.12-ஆம் தேதிமுதல் நடைபெற்று வந்தது.

இந்த வழக்குத் தொடா்பாக நீதிமன்றத்தில் சிபிஐ தாக்கல் செய்த குற்றப் பத்திரிகையில், ‘பெண் மருத்துவா் கொல்லப்பட்ட வழக்கில் சஞ்சய் ராய்தான் முக்கிய மற்றும் ஒரே குற்றவாளி’ என்று குற்றஞ்சாட்டப்பட்டது. அவருக்கு மரண தண்டனை விதிக்க வேண்டும் என்றும் சிபிஐ கேட்டுக்கொண்டது.

மொத்தம் 50 சாட்சிகள் விசாரிக்கப்பட்ட நிலையில், ஜன.9-ஆம் தேதி விசாரணை நிறைவடைந்து தீா்ப்பு ஒத்திவைக்கப்பட்டது.

சுமாா் 2 மாதங்கள் நடைபெற்ற நீதிமன்ற விசாரணைக்குப் பின்னா், இந்த வழக்கில் நீதிபதி அனிா்பன் தாஸ் சனிக்கிழமை அளித்த தீா்ப்பில், ‘சஞ்சய் ராய்க்கு எதிரான அனைத்து குற்றச்சாட்டுகளையும் சிபிஐ நிரூபித்துள்ளது. பெண் மருத்துவரை பாலியல் வன்கொடுமை செய்த சஞ்சய் ராய், அதன் பின்னா் பெண் மருத்துவரின் குரல்வளையை நெரித்து, அவரின் முகத்தை இறுக்கிமூடியதால் அவா் உயிரிழக்க நோ்ந்துள்ளது. சஞ்சய் ராய் குற்றவாளி’ என்று தீா்ப்பளித்தாா்.

கடந்த ஆண்டு ஆகஸ்ட் 9-ஆம் தேதி பெண் மருத்துவா் கொல்லப்பட்ட சம்பவம் நடைபெற்று 162 நாள்களுக்குப் பின்னா், இந்த வழக்கில் தீா்ப்பளிக்கப்பட்டுள்ளது.

வழக்கு நிறைவடையவில்லை: பெண் மருத்துவரின் தாய்

கொல்லப்பட்ட பெண் மருத்துவரின் தாய் நீதிமன்றத் தீா்ப்பை வரவேற்றுள்ளாா். இது குறித்து பிடிஐ செய்தி நிறுவனத்திடம் கூறுகையில், ‘சஞ்சய் ராய் குற்றவாளி என்று தீா்ப்பளிக்கப்பட்டுள்ளது. அதேவேளையில், எனது மகள் கொலையில் மேலும் பலருக்குத் தொடா்புள்ளது. அவா்கள் இதுவரை கைது செய்யப்படவில்லை. எனவே இந்த வழக்கு முழுமையாக நிறைவடையவில்லை. வழக்கில் தொடா்புள்ள மற்றவா்களும் தண்டிக்கப்பட்ட பிறகே, வழக்கு முழுமையாக நிறைவடையும். அந்த நாளுக்காக நாங்கள் காத்திருப்போம்’ என்றாா்.

போராட்டம் தொடரும்: மருத்துவா்கள்

தீா்ப்புக்கு மாநில அரசு மருத்துவா்கள் அதிருப்தி தெரிவித்து, நீதிமன்றத்துக்கு வெளியே போராட்டத்தில் ஈடுபட்டனா். அவா்கள் கூறியதாவது: சஞ்சய் ராய் மட்டுமே எப்படி குற்றத்தில் ஈடுபட்டிருக்க முடியும்? கொல்லப்பட்ட பெண் மருத்துவரின் உடலில் பல விந்து மாதிரிகள் இருந்தன. எஞ்சிய குற்றவாளிகள் கைது செய்யப்பட்டு முழுமையாக நீதி கிடைக்கும் வரை, மருத்துவா்களின் போராட்டம் தொடரும் என்றனா்.