தவெக-வில் இணைகிறீா்களா? செங்கோட்டையன் மௌனம்

ஈரோடு/ கோவை: நடிகா் விஜய்யின் கட்சியான தவெக-வில் இணைவது குறித்த செய்தியாளா்களின் கேள்விக்கு முன்னாள் அமைச்சா் கே.ஏ.செங்கோட்டையன் கைகூப்பியபடி மௌனமாகச் சென்றாா்.

நடிகா் விஜய் முன்னிலையில் தமிழக வெற்றிக் கழகத்தில் கே.ஏ.செங்கோட்டையன் வரும் 27-ஆம் தேதி இணைய உள்ளதாகத் தகவல்கள் வெளியாகி உள்ளன.

இந்நிலையில், கோபி அருகே குள்ளம்பாளையத்தில் உள்ள தனது வீட்டில் ஆதரவாளா்களுடன் கே.ஏ.செங்கோட்டையன் செவ்வாய்க்கிழமை காலை ஆலோசனை மேற்கொண்டாா்.

இதையடுத்து, தனது இல்லத்திலிருந்து கோவை விமான நிலையத்துக்கு செவ்வாய்க்கிழமை மாலை புறப்பட்டுச் சென்ற செங்கோட்டையனிடம் தவெக-வில் இணைவது குறித்து செய்தியாளா்கள் கேள்வி எழுப்பியபோது பதிலளிக்காமல் புன்னகையோடு கைகூப்பியபடி சென்றாா்.

நீக்கப்பட்டதுதான் பரிசு:

சென்னைக்குச் செல்வதற்காக கோவை விமான நிலையம் வந்த அவா் செய்தியாளா்களிடம் கூறியதாவது: 50 ஆண்டுகள் அதிமுகவுக்காக உழைத்துள்ளேன். அதற்காக எனக்கு கிடைத்த பரிசுதான் கட்சியிலிருந்து நீக்கப்பட்டது. அரசியல் வாழ்க்கையில் நான் பல்வேறு ஏற்றத்தாழ்வுகளைச் சந்தித்துள்ளேன் என்றாா் அவா்.

30-ஆம் தேதிக்குள் முடிவு:

கோபியில் அதிமுக பொதுச்செயலாளா் எடப்பாடி கே.பழனிசாமி வரும் 30-ஆம் தேதி பிரசாரம் மேற்கொள்ள திட்டமிட்டுள்ள நிலையில், அந்தப் பிரசாரத்தால் ஏற்படும் தாக்கத்தை தடுக்க தவெக-வில் இணைய உள்ளதாக செங்கோட்டையன் ஆதரவாளா்கள் செய்தியைப் பரப்பி வருகின்றனா் என அதிமுக நிா்வாகிகள் தெரிவித்தனா்.

இதுகுறித்து செங்கோட்டையன் ஆதரவாளா்கள் சிலா் கூறியதாவது: தவெக தரப்பில் செங்கோட்டையனிடம் பேசி வருகின்றனா். 50 ஆண்டுகளுக்கு மேலாக அதிமுகவிலிருந்து விட்டு, ஒரு புதிய கட்சியில் சேருவதில் செங்கோட்டையனுக்குத் தயக்கம் உள்ளது. ஓ.பன்னீா்செல்வம் தனிக் கட்சி தொடங்கினாலும் அவருக்கு கொங்கு மண்டலத்தில் ஆதரவு இல்லை என்பதால் அதிலும் செங்கோட்டையன் இணைய முடியாது. தனிக் கட்சி தொடங்கும் சூழல் இல்லை என்பதையும் அவா் உணா்ந்திருக்கிறாா்.

தவெக முயற்சி எடுத்து வரும் நிலையில் திமுக தரப்பிலும் செங்கோட்டையனிடம் பேச்சுவாா்த்தை நடத்தப்பட்டுள்ளது. கோபியில் எடப்பாடி பழனிசாமி வரும் 30-ஆம் தேதி பிரசாரம் மேற்கொள்ளும் முன்னா் செங்கோட்டையன் முடிவு எடுப்பாா் என்ற நம்பிக்கை உள்ளது என்றனா்.