‘மகாநதி’ யில் அனுஷ்காவும் நடிக்கப் போகிறாராம்... அப்போ கீர்த்தி சுரேஷ்?

நடிகையர் திலகம் சாவித்ரியின் வாழ்க்கை ‘மகாநதி’ என்ற பெயரில் தெலுங்கு மற்றும் தமிழில் திரைப்படமாகவிருப்பது தெரிந்த செய்தி. அதில் கீர்த்தி சுரேஷ் ‘சாவித்திரி’ கதாபாத்திரத்தில் நடிக்கவிருப்பதாகவும், சமந்தாவும் அப்படத்தில் முக்கிய கதாபாத்திரம் ஏற்கவிருப்பதும் நாம் முன்னரே அறிந்த செய்திகள் தான். மகாநதியைப் பொறுத்தவரை இன்றைய புதுச் செய்தி என்னவென்றால்? அத்திரைப்படத்தில் அனுஷ்காவும், பிரகாஷ் ராஜும் கூட நடிக்கவிருக்கிறார்கள் என்பது தான்.

அனுஷ்கா ‘மகாநதி’ க்குள் வரும்பட்சத்தில் அவர் ஏற்று நடிக்கவிருப்பது எந்த நடிகையுடைய கதாபாத்திரம்? எனும் ஆர்வம் அவரது ரசிகர்களுக்கு நிச்சயம் வரும். அனுஷ்காவும், பிரகாஷ் ராஜும் இதுவரை மகாநதிக்கென தேர்வாகி இருக்கும் மற்ற எல்லா நடிகர்களை விடவும் அதிக திறமையும், அனுபவமும் கொண்ட நடிகர்கள் என்பது திரை உலகினர் மட்டுமல்ல ரசிகர்களும் அறிந்த விசயமே! அப்படி இருக்கும் பட்சத்தில் கதா பாத்திரங்கள் மாற வாய்ப்பிருக்கிறதோ! அல்லது இன்னும் எத்தனை அனுபவம் வாய்ந்த நடிகர், நடிகைகள் எல்லாம் மகாநதி சாவித்திரிக்காக இத்திரைப்படத்தில் பணியாற்றவிருக்கிறார்கள் எனும் எதிர்பார்ப்பில் இந்த திரைப்படத்துக்கான வரவேற்பு இப்போதே எகிறிக் கொண்டிருக்கிறதாம்.