பட்டுப் புடவை போன்ற விலையுர்ந்த புடவைகளை வாங்குவதற்கு முன் அதை கடையை விட்டு வெளியில் சூரிய வெளிச்சத்தில் சரி பார்த்து வாங்கவும்.
விலை உயர்ந்த புடவையை அணிவதற்கு முன், மறக்காமல் அதில் ஃபால்ஸ் தைத்து அணியவும்.
புடவையை அணிந்து கழற்றியவுடன் மடித்து வைப்பதைத் தவிர்க்கவும். துணிகளில் உள்ள வியர்வை, கறைகளை ஏற்படுத்தும்.
சாப்பிடும் போது ஏதேனும் கறை பட்டால் உடனே தண்ணீரில் அந்த இடத்தை சுத்தம் செய்துவிடவும்.
வார்ட்ரோபில் பூச்சிகளை விரட்ட ஒரு துணியில் ஓடோனில் சுற்றி வைக்கவும். நேரடியாக வைத்தால் இதன் வாசனை துணிகளில் ஒட்டிக் கொள்ளும்.
ரச கற்பூரத்தை தவிர்க்கவும். இதில் உள்ள ரசாயனப் பொருட்கள் ஜரிகை கறுப்பதற்கு காரணமாகிறது.
வாசனைப் பொருட்களை நேரடியாக ஜரிகையில் தெளிப்பதைத் தவிர்ப்பது நல்லது.
விலை உயர்ந்த துணி வாங்கி உடைகள் தைக்க வேண்டும் என்றால் அதற்கு மறக்காமல் நல்ல தரமான, அதே நிறத்தில் உள்ள லைனிங் துணியை வாங்கவும். லைனிங் வைக்கவில்லை என்றால் வியர்வையால் உடை கெட்டுப் போக வாய்ப்புண்டு.
டிஷ்யு, பனாரஸ் போன்ற புடவைகளை மடித்து வைத்தால் விரைவில் மடிப்பில் கிழிந்து போகும். எனவே, நூல்கண்டு போல சுற்றிதான் வைக்க வேண்டும்.
ஜர்தோசி, சமிக்கி வேலைப்பாடு உள்ள புடவைகளை வெள்ளை பருத்தித் துணியில் சுற்றி வைக்க வேண்டும்.
காஞ்சிபுரம் பட்டுப் புடவைகளை ஒன்று இரண்டாக மடிக்க வேண்டும். பட்டுப்புடவைகளை டிரைகிளீன் மட்டுமே செய்ய வேண்டும்.
நிறைய புடவைகளை ஒரே பெட்டியிலோ, பீரோவிலோ அழுத்தி அடுக்கி வைக்கக் கூடாது. இப்போது புடவைகளுக்கான கவர் கிடைக்கிறது. அதில் புடவைகளை மடித்து வைக்கலாம்.
ஷிபான் புடவைகளை ஹாங்கரில் தொங்கவிட வேண்டும்.
சமிக்கி வேலைப்பாடு உள்ள புடவைகளை பிரஷ் போட்டு துவைக்காமல், சோப்புத் தண்ணீரில் நனைத்து அலசினால் போதுமானது.
