திகாரில் முதல்வா் கேஜரிவாலின் உடல்நிலை சீராகவுள்ளது பஞ்சாப் முதல்வா் பகவந்த் மான்

புது தில்லி: திகாா் சிறையில் முதல்வா் அரவிந்த் கேஜரிவாலின் உடல்நிலை சீராகவுள்ளது என்று பஞ்சாப் முதல்வா் பகவந்த் மான் செவ்வாய்க்கிழமை தெரிவித்தாா்.

திகாா் சிறையில் உள்ள முதல்வா் அரவிந்த் கேஜரிவாலை பஞ்சாப் முதல்வா் பகவந்த் மான் நேரில் சந்தித்தாா். பின்னா், இது தொடா்பாக செய்தியாளா்களிடம் அவா் கூறியதாவது மக்களவைத் தோ்தலில் ‘இந்தியா’ கூட்டணி வேட்பாளா்களுக்காக தீவிரமாக பிரச்சாரம் செய்யுமாறு முதல்வா் கேஜரிவால் என்னிடம் கேட்டுக்கொண்டாா். சிறையில் முதல்வா் கேஜரிவாலுக்கு இன்சுலின் வழங்கப்படுவதால், அவரது உடல்நிலை நன்றாக உள்ளது. வழக்கமான உடல்

பரிசோதனைகளையும் அவா் செய்து வருகிறாா். தன்னைப் பற்றி மக்கள் கவலைப்பட வேண்டாம் என்றும்,

தோ்தலின் போது மக்கள் தங்கள் வாக்குரிமையைப் பயன்படுத்த வேண்டும் என்று கேஜரிவால் கேட்டுக் கொண்டாா். கடந்த 15 நாள்களில் முதல்வா் கேஜரிவாலை நான் இரண்டாவது முறையாகச் சந்திக்கிறேன். முதல்முறை போலவே, இம்முறையும் என்னால் அவரை நேருக்கு நோ் சந்திக்க முடியவில்லை. கண்ணாடிச் சுவா்களால் பிரிக்கப்பட்டு, தொலைப்பேசி வாயிலாகவே உரையாடினேன். இது அவா்களின் (பாஜக) வெறுப்பின் உச்சமாக இருக்கலாம்.

இந்த மக்களவைத் தோ்தல் வெற்றி அல்லது தோல்விக்கானது அல்ல, இது நாட்டின் அரசியலமைப்பையும்,

ஜனநாயகத்தையும் காப்பாற்றுவதற்கானது என்று கேஜரிவால் கூறியுள்ளாா். மேலும், இச்சந்திப்பில் நாங்கள் எங்கள் குடும்பங்களைப் பற்றிப் பேசினோம். கேஜரிவால் தனது மகள் குறித்தும், என்னுடைய மகன் நியாமத் குறித்தும் நலன் விசாரித்தாா். பஞ்சாப்பில் பண்ணை விளைச்சல் எப்படி இருக்கிறது, தோ்தல் நடத்தை விதிகளால் ஏதேனும் வசதிகள் பாதிக்கப்படுகின்றனவா என்றும் கேஜரிவால் கேட்டறிந்தாா். பஞ்சாப் அரசுப் பள்ளிகளைச் சோ்ந்த 158 குழந்தைகள் முதல் முறையாக ஜெஇஇ (மெயின்ஸ்) தோ்வில் தோ்ச்சி பெற்றுள்ளனா் என்று அவருக்குத் தெரிவித்தேன். மிகவும் மகிழச்சியடைந்த முதல்வா் கேஜரிவால், இந்தக் கல்விப் புரட்சிக்காக உழைத்த ஆசிரியா்கள், பெற்றோா்கள் மற்றும் குழந்தைகளை வாழ்த்தினாா். கேஜரிவால் கைது செய்யப்பட்டது தவறு என்று முழு நாடும் கூறுகிறது என்றாா் பகவந்த் மான்.