ஆம் ஆத்மி எம்.பி. ராகவ் சத்தா உடல் நலமடைந்தவுடன் மக்களவைத் தோ்தல் பிரசாரத்தில் பங்கேற்பாா்

புது தில்லி: ஆம் ஆத்மி மாநிலங்களவை எம்.பி. ராகவ் சத்தாவுக்கு முக்கிய கண் அறுவை சிகிச்சை செய்யப்பட்டுள்ளது என்றும் அவா் குணமடைந்தவுடன் மக்களவைத் தோ்தல் பிரசாரத்தில் பங்கேற்பாா் என்று சுகாதாரத் துறை அமைச்சா் செளரவ் பரத்வாஜ் தெரிவித்தாா்.

இது தொடா்பாக தனியாா் செய்தி நிறுவனத்திற்கு செவ்வாய்க்கிழமை அவா் அளித்த பேட்டியில் கூறியிருப்பதாவது:

ஆம் ஆத்மி கட்சியின் மூத்த தலைவரும், மாநிலங்களவை எம்.பி.யுமான ராகவ் சத்தாவிற்கு இங்கிலாந்தில் முக்கியக் கண் அறுவை சிகிச்சை செய்யப்பட்டுள்ளது. அவருக்கு கடுமையான கண் நோய் ஏற்பட்டதால், அது பாா்வை குறைபாட்டிற்கு வழிவகுப்பதைத் தடுப்பதற்காக இந்த அறுவை சிகிச்சை மேற்கொள்ளப்பட்டுள்ளது. எனவே, ராகவ் சத்தாவின் உடல் நலமடைந்தவுடன் அவா் இந்தியாவிற்கு வந்து மக்களவைத் தோ்தல் பிரசாரத்தில் பங்கேற்பாா் என்றாா் செளரவ் பரத்வாஜ்.

திகாா் சிறையிலுள்ள முதல்வா் அரவிந்த் கேஜரிவாலை சந்தித்த பின்னா் ராகவ் சத்தா தொடா்புடைய கேள்விக்கு பதிலளித்து பஞ்சாப் முதல்வா் பகவந்த் மான் கூறியது,‘ ராகவ் சத்தா கண்டிப்பாக பிரச்சாரம் செய்வாா். கிரிக்கெட் போட்டியில் ஒரு அணிக்கு மொத்தமாக 11 வீரா்கள் விளையாடுகின்றனா். மேலும், அந்த அணிக்காக பயிற்சி ஊழியா்கள், வலைகளில்

பந்து வீசுபவா்கள்,பேட்டிங் செய்பவா்கள் உள்பட நான்கு கூடுதல் வீரா்களும் உள்ளனா். அனைவரும் தங்கள்

பொறுப்புகளை நிறைவேற்றுகிறாா்கள். எங்களிடமும் ஒரு அமைப்பு உள்ளது, யாருக்கு சில கடமைகள் வழங்கப்படுகிறதோ, அவா்கள் அதைச் செய்வாா்கள். ஜூன் 4-ஆம்தேதி வெளியாகும் மக்களவைத் தோ்தல் முடிவுக்குப் பின்னா் ஆம் ஆத்மி கட்சி ஒரு வலுவான அரசியல் சக்தியாக உருவெடுக்கும் என்றாா் பகவந்த் மான்.