சக மாணவியை பிளேடால் தாக்கிய வகுப்புத் தோழி கடும் நடவடிக்கை எடுக்க குடும்பத்தினா் கோரிக்கை

தில்லிய்ல் குலாபி பாக் பகுதியில் 14 வயது சிறுமியை வகுப்புத் தோழி பிளேடால் தாக்கிய சம்பவம் நிகழ்ந்துள்ளது. இதில் அந்தச் சிறுமியின் முகத்தில் 17 தையல்கள் போடப்பட்டுள்ளது. தாக்கிய மாணவா்கள் மீது கடும் கடுமையான நடவடிக்கை எடுக்க வேண்டும் என்று பாதிக்கப்பட்ட சிறுமியின் குடும்பத்தினா் கோரிக்கை விடுத்துள்ளனா்.

ஒரு பெண்ணின் முகத்தில் பலத்த காயங்களுடன் காணப்பட்டதாகக் கூறப்படும் காணொளி இணையத்தில் வெளியானதை தில்லி போலீஸாா் தாமாக முன்வந்து விசாரணையைத் தொடங்கியபோது இந்த விஷயம் புதன்கிழமை வெளிச்சத்திற்கு வந்தது. ‘ஆரம்பத்தில், பள்ளி வளாகத்திற்கு வெளியே ஒரு அரசுப் பள்ளியின் சில சிறுமிகளுக்கு இடையே ஒரு கைகலப்பு ஏற்பட்டது. அவா்களில் ஒருவா் மற்றொரு பெண்ணை சில கூா்மையான முனைகளால் தாக்கினாா் என்பதை நாங்கள் அறிந்தோம்‘ என்று ஒரு மூத்த போலீஸ் அதிகாரி முன்பு கூறினாா்.

ஏப்ரல் 29 அன்று, தானும் தனது வகுப்புத் தோழிகளும் காலை 11.20 மணியளவில் மதிய உணவு சாப்பிட்டுக் கொண்டிருந்தபோது, சில பெண்கள் தனது நண்பரின் டிபனைப் பறித்துக்கொண்டு தப்பிச் சென்ாக பாதிக்கப்பட்ட சிறுமி போலீஸாரிடம் கூறினாா். ‘எனது தோழி டிபனை அவரிடம் திருப்பிக் கேட்டாா். ஆனால், அவா்கள் எங்களைத் தவறாகப் பயன்படுத்தத் தொடங்கினா்’ என்றும் அவா் கூறினாா்.

நிலைமையை சமாதானம் செய்ய முற்பட்ட போது அவா்களுக்குள் வாய்த் தகராறு ஏற்பட்டதாகவும், சக மாணவி தன்னை பிளேடால் தாக்கியதாகவும் பாதிக்கப்பட்ட சிறுமி மேலும் தெரிவித்துள்ளாா்.

இதற்கிடையில், சம்பவத்திற்குப் பிறகு, பள்ளியைச் சோ்ந்த யாரும் அவருக்கு உதவவில்லை என்று பாதிக்கப்பட்ட சிறுமியின் குடும்பத்தினா் குற்றம் சாட்டியுள்ளனா். ‘எனது மகளின் முகத்தில் 17 தையல்கள் போடப்பட்டுள்ளன. அவரது உடல்நிலை இன்னும் மோசமாக உள்ளது. தாக்குதலுக்குப் பிறகு, அவரை மருத்துவமனைக்கு அழைத்துச் செல்ல யாரும் உதவவில்லை’ என்று பாதிக்கப்பட்ட சிறுமியின் தாய் குற்றம் சாட்டினாா்.

‘முகத்தில் காயம் அடைந்த எனது சகோதரி 9-ஆம் வகுப்பு படிக்கும் மாணவி. நண்பா்களிடையே சண்டை மூண்டபோது, அனைவரையும் சமாதானப்படுத்த முயன்றாா். ஆனால், அவா் தாக்கப்பட்டாா். அவா்கள் மீது காவல்துறை கடுமையான நடவடிக்கை எடுக்க வேண்டும்’ என்று பாதிக்கப்பட்ட சிறுமியின் மூத்த சகோதரி கூறினாா். ‘விடியோவில் காணக்கூடிய அனைவரும் சிறாா்களே என்பதால், நாங்கள் சிறாா் நீதிச் சட்டத்தின் கீழ் நடவடிக்கை எடுத்துள்ளோம்’ என்று போலீஸாா் முன்பு தெரிவித்தனா்.