திருஅவதார அலங்காரத்தில் படைவீடு ரேணுகாம்பாள் அம்மன்

போளூரை அடுத்த படைவீடு ரேணுகாம்பாள் கோயிலில் நவராத்திரி விழாவின் 10-ஆம் நாளான திங்கள்கிழமை திருஅவதாரத்தில் அம்மன் பக்தர்களுக்கு காட்சியளித்தார்.
படைவீடு ரேணுகாம்பாள் கோயிலில் நவராத்திரி விழா கடந்த 1-ஆம் தேதி தொடங்கி 10 நாள்கள் நடைபெற்றது. இதில் ஒவ்வொரு நாளும் அம்மனுக்கு சிறப்பு அபிஷேக, ஆராதனைகள் நடைபெற்று வந்தன.
மேலும், அம்மன் பல்வேறு அலங்காரங்களில் பக்தர்களுக்கு காட்சியளித்தார். நவராத்திரி விழாவில் 10-ஆம் நாளான திங்கள்கிழமை ரேணுகாம்பாள் அம்மன் திருஅவதாரத்தில் (ரேணுகாம்பாள்) காட்சியளித்தார்.
இதில் வேலூர், திருவண்ணாமலை, கோயம்புத்தூர் உள்பட பல்வேறு மாவட்டங்களில் இருந்து பக்தர்கள் கலந்துகொண்டு அம்மனை வழிபட்டனர். பக்தர்களுக்கு பிரசாதம் வழங்கப்பட்டது.