செங்கல்பட்டில் லட்சுமி விநாயகர் வீதி உலா

செங்கல்பட்டில் லட்சுமி விநாயகர் வீதி உலா வெள்ளிக்கிழமை நடைபெற்றது.
செங்கல்பட்டு மேட்டுத்தெரு மலைப் பூங்கா மார்க்கெட் அருகில் உள்ள லட்சுமி விநாயகர் கோயிலில் விநாயகர் சதுர்த்தியையொட்டி, பிரம்மாண்ட விநாயகர் சிலை அமைக்கப்பட்டது. இதைத்தொடர்ந்து, நாள்தோறும் சிறப்பு பூஜைகள், வழிபாடுகள் நடைபெற்றுவருகின்றன.
இந்நிலையில், உற்சவ மூர்த்தி லட்சுமி விநாயகருக்கு வெள்ளிக்கிழமை சிறப்பு அபிஷேகம், அலங்காரம் நடைபெற்றது. தொடர்ந்து வாண வேடிக்கையுடன் விநாயகர் வீதி உலா நிகழ்ச்சி நடைபெற்றது.
இதில், திரளான பக்தர்கள் கலந்துகொண்டு, விநாயகரை தரிசனம் செய்தனர். இதற்கான ஏற்பாடுகளை மார்க்கெட் வியாபாரிகள், மலைப்பூங்கா பகுதி மக்கள், விழா குழுவினர் செய்திருந்தனர்.