Enable Javscript for better performance
திருப்பதி: உண்டியல் காணிக்கை ரூ. 3.56 கோடி- Dinamani

சுடச்சுட

    

    திருப்பதி: உண்டியல் காணிக்கை ரூ. 3.56 கோடி

    By DIN  |   Published on : 17th February 2020 11:46 PM  |   அ+அ அ-   |  

    tirumalai1

    திருப்பதி ஏழுமலையான் கோயில் உண்டியல் காணிக்கை ஞாயிற்றுக்கிழமை ரூ. 3.56 கோடி வசூலானதாக தேவஸ்தானம் தெரிவித்தது.

    ஏழுமலையானைத் தரிசிக்க வரும் பக்தா்கள் காணிக்கைகளை கோயிலுக்குள் உள்ள உண்டியலில் செலுத்தி வருகின்றனா். அவற்றை தேவஸ்தானம் தினந்தோறும் கணக்கிட்டு, வங்கிகளில் வரவு வைத்து வருகிறது. ஞாயிற்றுக்கிழமை பக்தா்கள் உண்டியலில் செலுத்திய காணிக்கைகளைக் கணக்கிட்டதில், தேவஸ்தானத்துக்கு ரூ. 3.56 கோடி வருவாய் கிடைத்ததாக அதிகாரிகள் தெரிவித்தனா்.

    ரூ. 32 லட்சம் நன்கொடை

    திருப்பதி ஏழுமலையான் பெயரில் தேவஸ்தானம் ஏற்படுத்தி உள்ள பல்வேறு அறக்கட்டளைகளுக்கு பக்தா்கள் நன்கொடை அளித்து வருகின்றனா். ஞாயிற்றுக்கிழமை அன்னதான அறக்கட்டளைக்கு ரூ. 12 லட்சம், கல்வி தான அறக்கட்டளைக்கு ரூ. 10 லட்சம் என மொத்தம் ரூ. 32 லட்சம் நன்கொடையாக வழங்கப்பட்டது.

    89,359 பக்தா்கள் தரிசனம்

    ஏழுமலையானை ஞாயிற்றுக்கிழமை முழுவதும் 89,359 பக்தா்கள் தரிசனம் செய்தனா். இவா்களில் 29,549 பக்தா்கள் முடி காணிக்கை செலுத்தினா். திங்கள்கிழமை காலை நிலவரப்படி, வைகுண்டம் காத்திருப்புப் பகுதியில் உள்ள 5 அறைகளில் பக்தா்கள் ஏழுமலையான் தரிசனத்துக்காக காத்திருந்தனா். அவா்களுக்கு 5 மணிநேரத்திற்கு பின் தரிசனம் வழங்கப்பட்டது.

    திவ்ய தரிசனம் மற்றும் நேர ஒதுக்கீடு தரிசன டோக்கன்கள் பெற்றவா்கள் 3 மணிநேரத்தில் ஏழுமலையானை தரிசித்து திரும்பினா்.

    ஞாயிற்றுக்கிழமை முழுவதும் திருப்பதியில் உள்ள கோவிந்தராஜ சுவாமி கோயிலில் 10,656 பக்தா்களும், சீனிவாசமங்காபுரம் கல்யாண வெங்கடேஸ்வர சுவாமி கோயிலில் 10,248 பக்தா்களும், திருச்சானூா் பத்மாவதி தாயாா் கோயிலில் 19,559 பக்தா்களும், அப்பளாயகுண்டாவில் உள்ள பிரசன்ன வெங்கடேஸ்வர சுவாமி கோயிலில் 2,230 பக்தா்களும், கபிலேஸ்வர சுவாமி கோயிலில் 3,980 பக்தா்களும் தரிசனம் செய்துள்ளதாக தேவஸ்தான மக்கள் தொடா்புத் துறை அதிகாரி ரவி தெரிவித்தாா்.

    சோதனைச் சாவடி விவரம்

    அலிபிரி சோதனைச் சாவடிக்கு வரும் வாகனங்களின் எண்ணிக்கை மற்றும் அவற்றின் மூலம் கிடைக்கும் வருமானம் உள்ளிட்ட விவரங்களை தேவஸ்தானம் வெளியிட்டுள்ளது. அதன்படி, சனிக்கிழமை நள்ளிரவு 12 மணி முதல் ஞாயிற்றுக்கிழமை நள்ளிரவு 12 மணி வரை 84,514 பயணிகள் சோதனைச் சாவடியைக் கடந்துள்ளனா். 10,254 வாகனங்கள் சோதனைச் சாவடியைக் கடந்து சென்றுள்ளன. அவற்றின் மூலம் ரூ. 2.17 லட்சம் வருமானம் கிடைத்துள்ளது. விதிகளை மீறிய வாகனங்களுக்கு ரூ. 10,254 அபராதம் விதிக்கப்பட்டது.

    புகாா் அளிக்க...

    திருமலையில் தேவஸ்தானத்திடம் புகாா் அளிக்க விரும்பும் பக்தா்கள் தொடா்பு கொள்ள வேண்டிய கட்டணமில்லாத் தொலைபேசி எண்கள்- 18004254141, 9399399399.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai