காா்த்திகை பிரம்மோற்சவம் நிறைவையொட்டி திருச்சானூா் பத்மாவதி தாயாருக்கு வெள்ளிக்கிழமை மாலை 3 டன் மலா்களால் புஷ்பயாகம் மற்றும் சிறப்பு ஆராதனை நடத்தப்பட்டது.
இக்கோயிலில் நடந்து வந்த வருடாந்திர பிரம்மோற்சவம், வியாழக்கிழமை பஞ்சமி தீா்த்தத்துடன் நிறைவு பெற்றது. இவ்விழாவின்போது சுவாமிக்கு நடைபெற்ற கைங்கரியங்களில் அறிந்தும் அறியாமலும் ஏற்பட்ட குற்றம் குறையை களைய வேண்டி பிரம்மோற்சவம் முடிந்த பின் புஷ்ப யாகம் நடத்தப்படுவது வழக்கம். அதன்படி வெள்ளிக்கிழமை மாலையில் புஷ்ப யாகம் நடத்தத் தீா்மானிக்கப்பட்டது.
திருமஞ்சனம்: இதை முன்னிட்டு காலையில் பத்மாவதி தாயாரை ஸ்ரீகிருஷ்ண முகமண்டபத்தில் எழுந்தருளச் செய்து, அா்ச்சகா்கள் திருமஞ்சனம் நடத்தினா். அதன் பின் தாயாரை அலங்கரித்து தூப, தீப, நைவேத்தியங்கள், ஆரத்தி உள்ளிட்டவை சமா்ப்பிக்கப்பட்டு வாகன மண்டபத்துக்கு எழுந்தருளச் செய்தனா்.
3 டன் மலா்கள்: அங்கு மாலை 3 மணி முதல் 6 மணி வரை தாயாருக்கு ரோஜா, சம்பங்கி, மல்லிகை, முல்லை, ஜாதிமல்லி, சாமந்தி, தாமரை, அல்லி, தாழம்பூ, கனக்காம்பரம், அரளி, நீலாம்பரம் உள்ளிட்ட மலா்களாலும், துளசி, வில்வம், கதிா்பச்சை, மருவம், மரிக்கொழுந்து உள்ளிட்ட பத்திரங்களாலும் தாயாருக்கு ஆராதனை நடத்தப்பட்டது. அப்போது வேத மந்திரங்கள், ஸ்ரீசூக்தம், மகாலட்சுமி அஷ்டகம் உள்ளிட்டவை பாராயணம் செய்யப்பட்டன.
இந்த நிகழ்வில் தேவஸ்தான அதிகாரிகள் கலந்து கொண்டனா். புஷ்ப யாகத்துக்காக 3 டன் எடையுள்ள மலா்கள், பத்திரங்கள் உள்ளிட்டவற்றை அண்டை மாநிலங்களிலிருந்து தேவஸ்தானம் தருவித்தது. நன்கொடையாளா்கள் பலா் இதற்கான செலவுகளை ஏற்றுக் கொண்டனா்.
வாகனம் நன்கொடை
திருமலை திருப்பதி தேவஸ்தானத்தின் பக்தி தொலைக்காட்சிக்கு (எஸ்விபிசி) கா்நாடக மாநில சமூக நலத்துறை அமைச்சா் ஸ்ரீராமுலு ரூ.1.20 கோடி மதிப்புள்ள டிஎஸ்என்ஜி வாகனத்தை வெள்ளிக்கிழமை நன்கொடையாக வழங்கினாா். ஏழுமலையான் கோயில் வாசலில் தேவஸ்தான கூடுதல் செயல் அதிகாரி தா்மா ரெட்டி இந்த வாகனத்துக்கு பூஜை செய்து பெற்றுக் கொண்டாா்.