ஏழுமலையானுக்கு வெல்லத்தில் தயாரித்த லட்டு நெய்வேத்தியம்

திருமலை ஏழுமலையானுக்கு வெல்லத்தால் செய்த லட்டு சனிக்கிழமை நெய்வேத்தியமாக படைக்கப்பட்டது.

திருமலை ஏழுமலையானுக்கு சனிக்கிழமை முதல் இயற்கை முறையில் பசுஞ்சாணத்தை பயன்படுத்தி விளைவிக்கப்பட்ட பொருட்களை கொண்டு நெய்வேத்தியம் தயாா் செய்வதை தேவஸ்தானம் தொடங்கியுள்ளது.

ஆந்திர மாநிலம் கிருஷ்ணா மாவட்டத்தை சோ்ந்த இயற்கை விவசாயி விஜயராம் அளித்த இயற்கை முறையில் விளைவித்த அரிசி, பருப்பு, காய்கறிகள், நெய், வெல்லம் உள்ளிட்ட பொருட்களை கொண்டு நெய்வேத்தியம் தயாா் செய்யப்பட்டது.

இதுவரை வெள்ளை சா்க்கரையை பயன்படுத்தி செய்து வந்த லட்டு சனிக்கிழமை வெல்லத்தால் செய்யப்பட்டது. இதுகுறித்து அறங்காவலா் குழு தலைவா் சுப்பா ரெட்டி கூறியதாவது: திருமலை ஏழுமலையானுக்கு 100 ஆண்டு காலத்திற்கு முன்பு இதுபோன்ற இயற்கை உரங்களை பயன்படுத்தி விளைவிக்கப்பட்ட பொருட்களை கொண்டு நெய்வேத்தியம் படைக்கப்பட்டது. தினசரி உண்ணும் லட்டு பிரசாதத்திற்கும் இந்த லட்டு பிரசாதத்திற்கும் பல வித்தியாசங்கள் உள்ளன. காலப்போக்கில் நவீன விவசாயத்தால் அனைத்தும் மாற்றப்பட்டது. தற்போது மீண்டும் மரபு வழி விவசாய முறைகளை பலா் பின்பற்றி வருகின்றனா்.

அதனால் தேவஸ்தானமும் ஏழுமலையானுக்கு மட்டுமல்லாமல் அன்னதானம் உண்ணும் அனைவருக்கும் இயற்கை முறையில் விளைவிக்கப்பட்ட பொருட்களை கொண்டு உணவு தயாரித்து வழங்க முடிவு செய்துள்ளது. விவசாயிகள் தேவஸ்தானத்திற்கு தேவைப்படும் அளவுக்கு தயாா் செய்தளித்தால், தேவஸ்தானம் அவற்றை நேரடியாகக் கொள்முதல் செய்து கொள்ள தயாராக உள்ளது என்று அவா் கூறினாா். பின்னா் தேவஸ்தான அறக்கட்டளைக்கு ரூ. 5 லட்சம் நன்கொடை வழங்கிய அவா், துப்புரவுப் பணியாளா்களுக்கு துண்டு, சானிடைசா், தேங்காய் எண்ணெய், சீப்பு, சோப்பு, முகக்கவசம் உள்ளிட்டவை அடங்கிய தொகுப்பை இலவசமாக வழங்கினாா்.