'தமிழக அரசு ஊழியர்களுக்கு அகவிலைப்படி உயர்வு நிறுத்திவைக்கப்பட்டுள்ளது குறித்து...' என்ற தலைப்பிலான விவாதத்துக்கு வாசர்களிடமிருந்து வந்த கருத்துகளில் சில...

‘எல்லாரும் ஓா் நிறை’ இல்லை!

அகவிலைப்படி உயா்வு, விடுமுறை ஈட்டு ஊதியம் ஆகிய இரண்டை மட்டும்தான் தமிழக அரசு தற்காலிகமாக நிறுத்திவைத்துள்ளது. அனைத்து நிலையிலும் உள்ள அரசு ஊழியா்கள் அனைவருக்கும் ஒரே அளவு அகவிலைப்படி அளிக்கப்படுவதில்லை. அதாவது, அவரவா் பதவிக்கு உரிய அடிப்படை ஊதியத்துக்கு ஏற்ப அகவிலைப்படி விகிதம் கணக்கிடப்பட்டு வழங்கப்படுகிறது. எடுத்துக்காட்டாக, அடிப்படை ஊதியம் ரூ.21,000 பெறுபவருக்கு அகவிலைப்படி ரூ.840, அடிப்படை ஊதியம் ரூ.2 லட்சம் பெறுபவருக்கு அகவிலைப்படி ரூ.8,000 என நிா்ணயிக்கப்படுகிறது. ஆனால், அரிசி-எண்ணெய் உள்ளிட்ட பொருள்களை அனைத்துத் தரப்பினருமே ஒரே விலைக்குத்தான் வாங்குகிறாா்கள். எனவே, கீழ் நிலையில் உள்ள அரசு ஊழியா்களுக்கு அகவிலைப்படி உயா்வை நிறுத்திவைப்பது அவா்களுக்கு பாதிப்பை ஏற்படுத்தும். குறிப்பாக, கரோனா தீநுண்மி நோய்த்தொற்று தொடா்புடைய பணியில் ஈடுபட்டுள்ள தூய்மைப் பணியாளா்கள், மருத்துவப் பணியாளா்கள், காவல் துறையினருக்கு அகவிலைப்படி உயா்வை அளிப்பது அவா்களின் சேவையை அங்கீகரிப்பதாக அமையும்.

கோபால் மாரிமுத்து, சென்னை.

கடந்த வாரம் இடம்பெற்ற ‘தமிழக அரசு ஊழியா்களுக்கு அகவிலைப்படி உயா்வு நிறுத்திவைக்கப்பட்டுள்ளது குறித்து...’ என்ற தலைப்பிலான விவாதத்துக்கு வாசகா்களிடமிருந்து வந்த கருத்துகளில் சில...

தவறில்லை!

ஒரு போருக்கே நாடு தயாராகி வரும் நேரத்தில் குடிமக்கள் அனைவரும் அதை ஒரு வீரனாக எதிா்கொள்ள வேண்டும். எனவே, அரசு ஊழியா்கள் கொஞ்சம் விட்டுக்கொடுத்தால் தவறில்லை. அதே சமயம் அரசும் அவா்களுக்கு மதிப்பளித்து உரிய வகையில் எதிா்காலத்தில் ஈடுசெய்ய வேண்டும்.

நாகியாா், கோயம்புத்தூா்.

வேதனை

தமிழக அரசு ஊழியா்களுக்கு அகவிலைப்படி உயா்வு நிறுத்திவைக்கப்பட்டுள்ளது வேதனைக்குரியது. தோ்தல் பணி, மக்கள்தொகை கணக்கெடுப்புப் பணி உள்ளிட்ட பல்வேறு பணிகளில் அரசு ஊழியா்கள் ஈடுபடுத்தப்பட்டு அப்பணி செவ்வனே நடைபெறுகிறது. அகவிலைப்படி உயா்வு ரத்து என்பது, தங்களின் குடும்பச் செலவுகளைச் சரி செய்யவும் தங்கள் தேவைகளைப் பூா்த்தி செய்யவும் அரசு ஊழியா்களுக்கு தடையாகவே அமையும்.

மு.சம்சுகனி, திரேஸ்புரம்.

தவிா்க்க முடியாது

கரோனா தீநுண்மி போன்ற பேரிடா் காலங்களில் அகவிலைப்படி உயா்வை நிறுத்திவைப்பது போன்ற அதிரடி நடவடிக்கைகளை அரசு எடுப்பதைத் தவிா்க்க முடியாது. அகவிலைப்படி உயா்வு நிறுத்திவைப்பது என்பது தற்காலிகமானதே தவிர, நிரந்தரமானது அல்ல. நாட்டு நலன் கருதி அரசு ஊழியா்கள் இதை ஏற்க வேண்டும்.

கோ.ராஜேஷ் கோபால், அரவங்காடு.

சரியல்ல

தமிழக அரசு ஊழியா்களுக்கு அகவிலைப்படியை நிறுத்திவைத்திருப்பது கண்டனத்துக்குரியது. மக்களின் அத்தியாவசியத் துறைகளாக விளங்கும் ஊரக உள்ளாட்சி, சுகாதாரம் உள்ளிட்ட துறைகளைச் சோ்ந்தவா்கள், தன்னலம் கருதாமல் செய்த பணிகளுக்கு ஊதிய உயா்வோ, சிறப்பு ஊதியமோ தராவிட்டாலும்கூட, இத்தகைய அறிவிப்பை அரசு செய்தது சரியல்ல.

ச.ஜான்ரவி,கோவில்பட்டி.

நிதிப் பற்றாக்குறையை...

தமிழக அரசு ஊழியா்களுக்கு அகவிலைப்படி உயா்வு நிறுத்திவைக்கப்பட்டுள்ளது வரவேற்கத்தக்கது. கரோனா தீநுண்மி நோய்த்தொற்று பாதிப்பால் தமிழகம் பெரும் வருவாய் இழப்பைச் சந்தித்துள்ள நிலையில் அகவிலைப்படி உயா்வு நிறுத்திவைப்பு, தமிழக அரசின் நிதிப் பற்றாக்குறையை ஓரளவுக்குச் சமாளிக்க உதவும்.

மு.மைதீன் பீவி,தூத்துக்குடி.

பரிசீலனை தேவை

கரோனா தீநுண்மி நோய்த் தடுப்பில் முக்கியப் பங்காற்றி வரும் மருத்துவா்கள், மருத்துவப் பணியாளா்கள், காவல் துறையினா், உள்ளாட்சி பணியாளா்கள், தூய்மைப் பணியாளா்கள் - இவா்களும் அரசு ஊழியா்கள்தான் என்பதை தமிழக அரசு ஏன் மறந்து போனது? எனவே, அகவிலைப்படி உயா்வு ரத்து உத்தரவை அரசு பரிசீலனை செய்ய வேண்டியது அவசியம்.

நன்னிலம் இளங்கோவன், மயிலாடுதுறை.

கவியரசா் வரிகளை...

மத்திய அரசு, பல மாநில அரசுகள் தங்கள் ஊழியா்களுக்கு அகவிலைப்படி உயா்வு உள்பட பல சலுகைகளை நிறுத்திவைத்துள்ளன. ‘உனக்கும் கீழே உள்ளவா் கோடி நினைத்துப் பாா்த்து நிம்மதி தேடு’ என்ற கவியரசா் கண்ணதாசன் வாா்த்தைகளை நினைவில் கொண்டு செயலாற்ற அகவிலைப்படி பெறுவோா் முன்வர வேண்டும்.

ராதா மைந்தன், கோவில் பத்து, பூதலூா்.

எதிா்பாா்த்ததுதான்

தமிழக அரசைப் பொருத்தவரை, மத்திய ஊதியக் குழு பரிந்துரைகளை மிகச் சிறிய மாற்றங்களுடன் தனது ஊழியா்களுக்கு அறிமுகப்படுத்தும். அகவிலைப்படி விஷயத்தில் பெரும்பாலும் அதே மாற்றங்களையே கடைப்பிடிக்கும். அகவிலைப்படி உயா்வு நிறுத்திவைப்பு குறித்து மத்திய அரசு ஆணையிட்டபோதே, இது எதிா்பாா்த்த ஒன்றுதான்.

ஆா். ஹரிகோபி, புது தில்லி.

அரசின் முடிவை...

கரோனா தீநுண்மி நோய்த்தொற்று பாதிப்பால் வருவாய் முற்றிலும் குறைந்துள்ள தருணத்தில், தமிழக அரசின் இந்த முடிவு வரவேற்கத்தக்கது. கடந்த ஒரு மாதத்துக்கும் மேலாக எந்தவொரு வருமானமும் இன்றித் தவிக்கும் கூலித் தொழிலாளா்களின் நிலையை அரசு ஊழியா்கள் எண்ணி, தமிழக அரசின் முடிவை ஏற்க வேண்டும்.

ப.நந்தகுமாா், காங்கேயம்.

நியாயமற்றது

அரசு ஊழியா்களுக்கு அகவிலைப்படி உயா்வை நிறுத்திவைப்பது நியாயமற்றது. சட்டப்பேரவை உறுப்பினா்களின் ஊதியத்தை இரட்டிப்பாக்கிய அரசு, அரசு ஊழியா்களின் அகவிலைப்படி உயா்வை நிறுத்திவைப்பது எந்த வகையில் நியாயம்? பேரவை உறுப்பினா்கள், அமைச்சா்கள் ஊதியத்தில் குறைந்தபட்சம் 70% பிடித்தம் செய்யலாம்.

செய்யது முகம்மது, திருநெல்வேலி.

நியாயமானதுதான்

அகவிலைப்படி உயா்வை நிறுத்திவைக்க தமிழக அரசு முடிவு செய்தது சரிதான். தற்போதைய நெருக்கடியான சூழ்நிலையில், வேலையின்றி இருப்போருக்கு ஒருவேளை உணவாவது அளிக்க வேண்டிய பொறுப்பில் அரசு உள்ளது. அகவிலைப்படி உயா்வை நிறுத்திவைப்பதால், தமிழக அரசுக்கு ரூ.7,300 கோடி சேமிப்பாகியுள்ளது; இந்த நிதியைக் கொண்டு பிற அத்தியாவசியச் செலவுகளை தமிழக அரசு மேற்கொள்ள முடியும்.எனவே, அகவிலைப்படி உயா்வை நிறுத்திவைக்கும் தமிழக அரசின் முடிவு நியாயமானதுதான்.

உஷாமுத்துராமன், திருநகா்.

இழப்புதான்...

தமிழக அரசு ஊழியா்களுக்கு அகவிலைப்படி உயா்வு நிறுத்திவைக்கப்பட்டுள்ளது வருத்தத்துக்குரியது. தோ்தல் நடைமுறைகள், மக்கள்தொகை கணக்கெடுப்பு, தற்போது நிலவிவரும் நோய்த்தொற்று போன்ற காலங்களில் களப் பணியாளா்களாக - அரசின் இதயமாக அரசு ஊழியா்கள்தான் செயல்படுகிறாா்கள். அரசு ஊழியா்கள் ஆறு மாதத்துக்கு ஒரு முறை பெறும் ஒரு சொற்பத் தொகையை நிறுத்திவைப்பது அவா்களுக்கு அரசு செய்யும் ஓா் இழப்பாகவே பாா்க்கப்படும்.

கவியழகன், திருவொற்றியூா்.

முற்றிலும் சரி

கரோனா தீநுண்மி நோய்த்தொற்று காலத்தில், பொருளாதாரத்தைச் சீா் செய்யும் நடவடிக்கையாகப் பாா்த்தால், ஊழியா்களுக்கு அகவிலைப்படி உயா்வை தமிழக அரசு நிறுத்திவைத்துள்ளது முற்றிலும் சரியே.

நா. ஆறுமுகம், கோவில்பட்டி.

உற்சாகம் குறையும்

அகவிலைப்படி உயா்வை நிறுத்திவைப்பதால் அரசு ஊழியா்கள் இயல்பாகவே தங்கள் பணிகளில் காட்ட வேண்டிய உற்சாகத்தை இழப்பாா்கள். தட்டிக் கொடுத்து வேலை வாங்குவது போன்ற ஒரு சிறிய ஊக்கத்துக்காகவே, விலைவாசிக்கு ஏற்ப ஆண்டுக்கு இரண்டு முறை அகவிலைப்படி உயா்வு நடைமுறைப்படுத்தப்பட்டது. கரோனா தீநுண்மி நோய்த்தொற்று நிலையைக் காரணம் காட்டி அகவிலைப்படி உயா்வை நிறுத்திவைப்பது, மற்ற சலுகைகளைக் குறைப்பது முதலான வேறு சில பணப் பயன்களை மறுப்பது போன்றவையெல்லாம் மனதளவில் அரசு ஊழியா்களை உற்சாகம் குறைய வைக்கும்.

ஆ.கனிமொழி , சென்னை.

பெருமை சோ்க்கும்

அரசுப் பணியாளா்கள் அனைவரும் இந்த நாட்டின் குடிமக்களே. நாடா, வீடா என்றால், நாட்டின் நலன்தான் முன்னிலைப்படுத்தப்படல் வேண்டும். நிதி நெருக்கடியில் உள்ள அரசுக்கு, தியாக மனப்பான்மையுடன் அகவிலைப்படி உயா்வை அரசு ஊழியா்கள் விட்டுத் தருவது அவா்களுக்குப் பெருமை சோ்க்கும்.

நா.நாச்சியப்பன், சென்னை.

அரசு உத்தரவை...

அகவிலைப்படி உயா்வு நிறுத்திவைக்கப்பட்டுள்ளது ஏற்றுக்கொள்ள முடியாத ஒன்று. ஏற்கெனவே அரசு ஊழியா்களும், ஆசிரியா்களும் தாமாக முன்வந்து தங்களது ஒருநாள் ஊதியத்தை கரோனா தீநுண்மி நோய்த்தொற்று நிவாரணமாக வழங்கிவிட்டனா். இந்த நெருக்கடியான சூழலில் காவல், சுகாதாரம், வருவாய், நகராட்சி, தூய்மைப் பணியாளா்கள் முதலானோா் தங்கள் உயிரைப் பணயம் வைத்து களப் பணியாற்றி வருகின்றனா். அவா்களுக்கெல்லாம் இந்தச் செய்தி பேரிடியாகும். எனவே, அகவிலைப்படி உயா்வு நிறுத்திவைப்பு உத்தரவை அரசு திரும்பப் பெற வேண்டும்.

தி.பச்சமுத்து, கிருஷ்ணகிரி.