இந்தியாவுக்கு மனைவி, குழந்தைகள் வருவார்களா? டேவிட் வார்னர் கருத்து

ஆஷஸ் தொடரில் ஆஸ்திரேலியா அணி தோல்வி பெற்றுள்ளது. இந்நிலையில், ஆஸி. வீரர்களின் மோசமான ஆட்டத்துக்குக் காரணம், அவர்கள் தங்கள் மனைவி, குழந்தைகளை கூடவே அழைத்துச் சென்றதுதான் என்று விமரிசனங்கள் எழுந்துள்ளன. இது ஆஸ்திரேலிய வீரர்களைச் சினம் கொள்ள வைத்துள்ளது. இதைக் காரணம் காட்டி கட்டுரைகள் எழுதியவர்களை மைக்கேல் கிளார்க், மிட்செல் ஜான்சன் ஆகியோர் கடுமையாக விமரிசனம் செய்துள்ளார்கள்.

இதேபோல வார்னரும் தன் கருத்தை வெளிப்படுத்தியுள்ளார். அவர் கூறியதாவது:

விமரிசனம் செய்பவர்கள் புரிந்துகொள்ளவில்லை என நினைக்கிறேன். எங்களுடைய குடும்பத்தினர் (மனைவி, குழந்தைகள்)  இந்தியா, வங்கதேசம், இலங்கை போன்ற நாடுகளுக்கு வரப்போவதில்லை. ஒரே காரணம், உங்களுக்கு ஒரு குழந்தை இருந்தால் அதை அழைத்துச் செல்வதற்கான சூழல் அங்கு இருக்காது. இப்போது தென் ஆப்பிரிக்கா ஏ அணிக்கு ஏற்பட்டுள்ளது போல. சுற்றுப் பயணங்களின் போது குடும்பத்தினர் இருந்தால் அருமையாக இருக்கும் என்றார்