ஹர்பஜன் சிங் - நடிகை கீதா பஸ்ரா திருமணத் தேதி முடிவு?

ஹர்பஜன் சிங் - கீதா பஸ்ரா ஜோடி அக்டோபர் 29 அன்று திருமணம் செய்ய உள்ளதாகத் தகவல்கள் வெளியாகியுள்ளன.

இந்திய சுழற்பந்து வீச்சாளர் ஹர்பஜன் சிங்கும் பாலிவுட் நடிகை கீதா பஸ்ராவும் (31) காதலித்து வருகிறார்கள். இதுபற்றி இருவரும் வெளிப்படையாகப் பேசியது கிடையாது.

சமீபத்தில் தனது 35-வது பிறந்தநாளைக் கொண்டாடிய ஹர்பஜன் சிங், விரைவில் திருமணத்துக்குத் தயாராக இருக்குமாறு தனது நண்பர்களுக்கு வேண்டுகோள் விடுத்தார். அதன்படி, அக்டோபர் 29 அன்று ஜலந்தரில் ஹர்பஜன் சிங் - கீதா பஸ்ரா ஜோடிக்குத் திருமணம் நடக்க உள்ளதாகத் தகவல்கள் தெரிவிக்கின்றன.

இரண்டு நாள்கள் கழித்து டெல்லியில் வரவேற்பு நிகழ்ச்சி நடக்க உள்ளதாகவும் இதில் இந்திய - தென் ஆப்பிரிக்க கிரிக்கெட் வீரர்கள் கலந்துகொள்ள உள்ளதாகவும் செய்திகள் வெளியாகியுள்ளன. இதுபற்றிய அறிவிப்பை ஹர்பஜன் சிங் விரைவில் வெளியிடுவார் என எதிர்பார்க்கப்படுகிறது.