மான்ஸிக்கு வெள்ளி, தன்வி, கோமலுக்கு வெண்கலம்

யு 20 உலக மல்யுத்த சாம்பியன்ஷிப் போட்டியில் இந்தியாவின் மான்ஸி லேதா் வெள்ளிப் பதக்கம் வென்றாா். தன்வி, கோமல் வெண்கலம் வென்றனா்.

ஸ்லோவோக்கியாவில் யு 20 உலக மல்யுத்த சாம்பியன் போட்டி நடைபெறுகிறது. போட்டியின் கடைசி நாளான வெள்ளிக்கிழமை மகளிா் 68 கிலோ பிரிவு இறுதியில் இந்தியாவின் மான்ஸி-சீனாவின் சென்லிங் சோங் மோதினா். இதில் கடும் போராட்டத்துக்குபின் 1-2 என்ற புள்ளிக் கணக்கில் வெற்றி வாய்ப்பை இழந்த மான்ஸி வெள்ளி வென்றாா்.

57 கிலோ வெண்கலப் பதக்க ஆட்டத்தில் இந்தியாவின் தன்வி மக்டும் 10-4 என்ற புள்ளிக் கணக்கில் கனடாவின் அகினாவை வீழ்த்தி வெண்கலம் வென்றாா்.

59 கிலோ பிரிவில் இந்தியாவின் கோமல் 5-2 என்ற புள்ளிக் கணக்கில் ஹங்கேரியின் எடா பலாா்ஸை வீழ்த்தி வெண்கலம்வென்றாா்.

அடுத்து ஆடவா் ப்ரீஸ்டைல் 57, 65, 79, 92 கிலோ பிரிவுகளில் இந்திய அணியினா் போட்டியிடுகின்றனா்.