இங்கிலாந்தை 64 ரன்கள் வித்தியாசத்தில் வீழ்த்தி 2019 ஒருநாள் உலகக்கோப்பை அரையிறுதிக்கு தகுதி பெற்ற முதல் அணி என்ற சிறப்பை பெற்றது ஆஸ்திரேலியா. ஆஸி. வேகப்பந்து வீச்சாளர்கள் பெஹ்ரண்டர்ப், மிட்செல் ஸ்டார்க் ஆகியோர் அபாரமாகப் பந்துவீசி இங்கிலாந்தை நிலைகுலையச் செய்தனர்.
லார்ட்ஸ் மைதானத்தில் செவ்வாய்க்கிழமை நடைபெற்ற கட்டாயம் வெல்ல வேண்டிய ஆட்டத்தில் ஆஸி.யுடன் மோதியது இங்கிலாந்து. டாஸ் வென்ற இங்கிலாந்து பவுலிங்கை தேர்வு செய்தது. முதலில் ஆடிய ஆஸி. அணி 285/7 ரன்களை குவித்தது. பின்னர் ஆடிய இங்கிலாந்து 221 ரன்களுக்கு ஆல் அவுட்டானது.