பஞ்சாப் அணிக்கு எதிரான ஆட்டத்தில் வெற்றி பெற்றதன் மூலம் புள்ளிகள் பட்டியலில் 2- ம் இடத்தைப் பிடித்துள்ளது ராஜஸ்தான் அணி.
ஐபிஎல் கிரிக்கெட் போட்டியின் 9-ஆவது லீக் ஆட்டத்தில் ராஜஸ்தான் ராயல்ஸ் அணி 4 விக்கெட்டுகள் வித்தியாசத்தில் கிங்ஸ் லெவன் பஞ்சாப் அணியை வென்றது.
ஷாா்ஜாவில் ஞாயிற்றுக்கிழமை இரவு நடைபெற்ற ஆட்டத்தில் முதலில் பேட் செய்த பஞ்சாப், 20 ஓவா்களில் 2 விக்கெட் இழப்புக்கு 223 ரன்கள் எடுத்தது. அடுத்து ஆடிய ராஜஸ்தான் 19.3 ஓவா்களில் 6 விக்கெட் இழப்புக்கு 226 ரன்கள் எடுத்து வென்றது.
ஆரம்பத்தில் ரன் எடுக்கத் தடுமாறினாலும் பிறகு ஒரே ஓவரில் 5 சிக்ஸர்கள் அடித்து, 31 பந்துகளில் 53 ரன்கள் எடுத்த ராஜஸ்தான் அணி வீரர் ராகுல் தெவாதியா, தனது அணியின் வெற்றிக்கு முக்கியக் காரணமாக அமைந்தார்.
இந்த வெற்றியின் மூலம் புள்ளிகள் பட்டியலில் 2-ம் இடத்தைப் பிடித்துள்ளது ராஜஸ்தான் அணி. இதுவரை நடைபெற்ற ஆட்டங்களில் தில்லி, ராஜஸ்தான் ஆகிய அணிகள் மட்டுமே இரு வெற்றிகளைப் பெற்றுள்ளன. ஹைதராபாத் தவிர மற்ற எல்லா அணிகளும் தலா 1 வெற்றியைப் பெற்றுள்ளன. பிரபல அணிகளாகக் கருதப்படும் கொல்கத்தா, சென்னை, பெங்களூர், ஹைதராபாத் ஆகிய அணிகள் புள்ளிகள் பட்டியலில் கடைசி 4 இடங்களைப் பிடித்துள்ளன.
புள்ளிகள் பட்டியல்
அணிகள் | ஆட்டங்கள் | வெற்றி | தோல்வி | புள்ளிகள் | நெட் ரன்ரேட் |
தில்லி | 2 | 2 | 0 | 4 | +1.100 |
ராஜஸ்தான் | 2 | 2 | 0 | 4 | +0.615 |
பஞ்சாப் | 3 | 1 | 2 | 2 | +1.498 |
மும்பை | 2 | 1 | 1 | 2 | +0.993 |
கொல்கத்தா | 2 | 1 | 1 | 2 | -0.767 |
சென்னை | 3 | 1 | 2 | 2 | -0.840 |
பெங்களூர் | 2 | 1 | 1 | 2 | -2.175 |
ஹைதராபாத் | 2 | 0 | 2 | 0 | -0.730 |