ஷார்ஜா: மகளிர் டி20 சேலஞ்ச் கிரிக்கெட் போட்டியின் முதல் ஆட்டத்தில் வெலாசிட்டி அணி 5 விக்கெட்டுகள் வித்தியாசத்தில் சூப்பர்நோவாஸ் அணியை வீழ்த்தியது.
ஷார்ஜாவில் புதன்கிழமை இரவு நடைபெற்ற ஆட்டத்தில் முதலில் பேட் செய்த சூப்பர்நோவாஸ் 20 ஓவர்களில் 8 விக்கெட் இழப்புக்கு 126 ரன்கள் எடுத்தது. அடுத்து ஆடிய வெலாசிட்டி 19.5 ஓவர்களில் 5 விக்கெட் இழப்புக்கு 129 ரன்கள் எடுத்து வென்றது. அந்த அணியின் சுனே லஸ் ஆட்டநாயகி ஆனார்.
முன்னதாக டாஸ் வென்ற வெலாசிட்டி பெüலிங் செய்ய தீர்மானித்தது. சூப்பர்நோவாஸ் இன்னிங்ûஸ பிரியா புனியா - சமாரி அட்டப்பட்டு கூட்டணி தொடங்கியது.
இதில் புனியா 2 பவுண்டரிகள் உள்பட 11 ரன்கள் சேர்த்து 6-ஆவது ஓவரில் ஆட்டமிழந்தார். மறுமுனையில் சமாரி அட்டப்பட்டு அதிரடி காட்ட, பிரியாவை அடுத்து வந்த ஜெமிமா ரோட்ரிகஸ் 1 பவுண்டரி உள்பட 7 ரன்கள் எடுத்து வீழ்ந்தார்.
பின்னர் கேப்டன் ஹர்மன்பிரீத் கெüர் களம் கண்டு அணியின் ஸ்கோரை உயர்த்தினார். மறுபுறம் 2 பவுண்டரிகள், 2 சிக்ஸர்கள் உள்பட 44 ரன்கள் சேர்த்து சமாரி அட்டப்பட்டு வீழ்ந்தார்.
தொடர்ந்து சசிகலா சிறீவர்தனா பேட் செய்ய வர, 1 பவுண்டரி, 2 சிக்ஸர் உள்பட 31 ரன்கள் சேர்த்திருந்த ஹர்மன்பிரீத் கெüர் விக்கெட்டை இழந்தார்.
அடுத்து ஆட வந்த பூஜா வஸ்த்ரகர் டக் அவுட்டானார். பின்னர் ராதா யாதவ் களம் காண, மறுமுனையில் சசிகலா சிறீவர்தனா 1 பவுண்டரி உள்பட 18 ரன்கள் சேர்த்த நிலையில் ரன் அவுட் செய்யப்பட்டார். பின்னர் ஷகீரா செல்மன் பேட் செய்ய வர, ராதா யாதவ் 2 ரன்களுக்கு பெவிலியன் திரும்பினார். கடைசி விக்கெட்டாக ஷகீரா 5 ரன்களுக்கு பெüல்டானார்.
வெலாசிட்டி அணியில் ஏக்தா பிஷ்த் 3, லெய் காஸ்பெரெக், ஜஹனாரா ஆலம் தலா 2 விக்கெட்டுகள் சாய்த்தனர்.
பின்னர் 127 ரன்களை இலக்காகக் கொண்டு ஆடிய வெலாசிட்டியின் இன்னிங்ûஸ டேனி வியாட் - ஷஃபாலி வர்மா கூட்டணி தொடங்கியது. டேனி முதல் ஓவரிலேயே டக் அவுட்டாக, கேப்டன் மிதாலி ராஜ் களம் கண்டார்.
மறுமுனையில் ஷஃபாலி 4 பவுண்டரிகள் உள்பட 17 ரன்கள் சேர்த்து 3-ஆவது ஓவரில் விக்கெட்டை இழந்தார். அடுத்து வேதா கிருஷ்ணமூர்த்தி ஆட வந்தார். இந்நிலையில் மிதாலி 7 ரன்களுக்கு நடையைக் கட்ட, சுஷ்மா வர்மா களம் புகுந்தார்.
மறுமுனையில் 4 பவுண்டரிகள் உள்பட 29 ரன்கள் சேர்த்திருந்த வேதா 13-ஆவது ஓவரில் வீழ்ந்தார். பின்னர் வந்த சுனே லஸ் அதிரடியாக ஆடி ஸ்கோரை விறுவிறுவென உயர்த்தினார்.
மறுமுனையில் கடைசி விக்கெட்டாக சுஷ்மா வர்மா 2 சிக்ஸர்கள் உள்பட 34 ரன்கள் எடுத்து பெவிலியன் திரும்பினார். வெலாசிட்டி வெற்றி இலக்கை எட்டியபோது சுனே லஸ் 4 பவுண்டரி, 1 சிக்ஸர் உள்பட 37, சிக்ஷா பாண்டே 2 ரன்களுடன் ஆட்டமிழக்காமல் இருந்தனர்.
சூப்பர்நோவாஸ் தரப்பில் அயபோங்கா ககா 2, ராதா யாதவ், பூனம் யாதவ், சசிகலா சிறீவர்தனே தலா 1 விக்கெட் சாய்த்தனர்.
சுருக்கமான ஸ்கோர்
சூப்பர்நோவாஸ் - 126/8
சமாரி அட்டப்பட்டு 44 (39)
ஹர்மன்பிரீத் கெüர் 31 (27)
பந்துவீச்சு
ஏக்தா பிஷ்த் 3/22
லெய் காஸ்பெரெக் 2/23
வெலாசிட்டி - 129/5
சுனே லஸ் 37* (21)
சுஷ்மா வர்மா 34 (33)
பந்துவீச்சு
அயபோங்கா ககா 2/27
ராதா யாதவ் 1/25