சுடச்சுட

    

    ராஜிவ் காந்தி கேல் ரத்னா விருதுக்கு ஜஜாரியா பரிந்துரை!

    By எழில்  |   Published on : 03rd August 2017 03:14 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    jhajharia

     

    பாரா ஒலிம்பிக் போட்டிகளில் இருமுறை தங்கம் வென்ற தேவேந்திர ஜஜாரியா, ராஜிவ்காந்தி கேல் ரத்னா விருதுக்குப் பரிந்துரை செய்யப்பட்டுள்ளார். 

    விளையாட்டுத்துறையில் நாட்டுக்கு நற்பெயரை ஈட்டித்தரும் சிறந்த விளையாட்டு வீரர், வீராங்கனைகள் மற்றும் பயிற்றுநர்கள், விளையாட்டு தொடர்புடையவர்கள் ஆகியோருக்கு பல்வேறு விருதுகளை ஆண்டுதோறும் மத்திய அரசு வழங்கி வருகிறது. நிகழாண்டுக்கான அர்ஜூனா விருது, ராஜிவ்காந்தி கேல் ரத்னா விருது, தயான்சந்த் விருது, துரோணாசார்யா விருது, ராஷ்ய கேல் புரோட்ஸஹான் விருது ஆகிய விருதுகளுக்கான பரிந்துரை பட்டியல் வெளியிடப்பட்டுள்ளது.

    கடந்த வருடம் ரியோவில் நடைபெற்ற பாரா ஒலிம்பிக் போட்டியில் ஈட்டி எறிதல் தங்கம் வென்றார் தேவேந்திர ஜஜாரியா. தங்கம் வென்றதோடு, தனது பழைய உலக சாதனையையும் முறியடித்தார். முன்னதாக 2004-இல் நடைபெற்ற பாரா ஒலிம்பிக் போட்டியில் தேவேந்திர ஜஜாரியா தங்கம் வென்றபோது 62.15 மீ. தூரம் ஈட்டி எறிந்ததே உலக சாதனையாக இருந்தது. ரியோவில் ஜஜாரியா 63.97 மீ. தூரம் ஈட்டி எறிந்து சாதனை படைத்தார். 

    ராஜஸ்தான் மாநிலத்தைச் சேர்ந்தவரான ஜஜாரியா 8 வயது சிறுவனாக இருந்தபோது மரத்தில் ஏறியுள்ளார். அப்போது மின்சாரம் தாக்கியதில் அவர் தனது இடது கையை இழந்தார். ஒரு கையை இழந்தாலும், நம்பிக்கையை இழக்காத ஜஜாரியா ஈட்டி எறிதலில் அசத்தினார். 2004-இல் அர்ஜுனா விருதைப் பெற்றார். அதன்பிறகு 2012-இல் பத்மஸ்ரீ விருதைப் பெற்றார். அதன்மூலம் பத்மஸ்ரீ விருதைப் பெற்ற முதல் பாரா ஒலிம்பிக் வீரர் என்ற பெருமையைப் பெற்றார். 

    இந்நிலையில் ராஜிவ்காந்தி கேல் ரத்னா விருதுக்கு ஜஜாரியா பரிந்துரை செய்யப்பட்டுள்ளார். அதேபோல ஹாக்கி வீரர் சர்தார் சிங்கும் இந்த விருதுக்குப் பரிந்துரை செய்யப்பட்டுள்ளார்.

    Thirumana Porutham
    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai