Enable Javscript for better performance
India vs SriLanka 2nd test day 3- Dinamani

சுடச்சுட

    

    3-ஆம் நாள் ஆட்டநேர முடிவில் இன்னிங்ஸ் தோல்வியைத் தவிர்க்க இலங்கை போராட்டம்

    By DIN  |   Published on : 05th August 2017 05:34 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    colombo_test

     

    இந்தியா, இலங்கை அணிகள் மோதும் 3 போட்டிகள் கொண்ட டெஸ்ட் தொடர் நடைபெற்று வருகிறது. இதன் முதல் டெஸ்ட் போட்டி காலேவில் நடந்தது. இதில் இந்திய அணி 304 ரன்கள் வித்தியாசத்தில் அபார வெற்றிபெற்றது.

    இந்நிலையில், 2-ஆவது டெஸ்ட் போட்டி கொழும்புவில் நடைபெற்று வருகிறது. இதில் டாஸ் வென்ற இந்திய அணி கேப்டன் விராட் கோலி பேட்டிங்கை தேர்வு செய்தார்.

    இதையடுத்து களமிறங்கிய இந்திய அணி தனது முதல் இன்னிங்ஸில் 9 விக்கெட் இழப்புக்கு 622 ரன்கள் எடுத்த நிலையில் டிக்ளெர் செய்தது. இதன்பின்னர் களமிறங்கிய இலங்கை அணியின் விக்கெட்டுகள் மளமளவென வீழ்ந்தது.

    இதனால் அந்த அணி தனது முதல் இன்னிங்ஸில் 183 ரன்களுக்கு ஆல்-அவுட்டானது. அதிகபட்சமாக டிக்வெல்லா 51 ரன்கள் சேர்த்தார். இந்திய தரப்பில் சிறப்பாக பந்துவீசிய அஸ்வின், 5 விக்கெட்டுகளை கைப்பற்றினார்.

    இந்திய அணியின் முதல் இன்னிங்ஸ் ஸ்கோரை விட 439 ரன்கள் பின்தங்கி ஃபாலோ ஆன் பெற்ற நிலையில் தனது 2-ஆவது இன்னிங்ஸை இலங்கை விளையாடி வருகிறது. இதில், 3-ஆம் நாள் ஆட்டநேர முடிவில் 2 விக்கெட்டுகளை இழந்து 209 ரன்கள் எடுத்துள்ளது. 

    இலங்கையின் குஷால் மெண்டீஸ் 110 ரன்கள் விளாசி ஆட்டமிழந்தார். துவக்க வீரர் கருணரத்னே 92 ரன்களுடன் களத்தில் உள்ளார். இந்திய தரப்பில் உமேஷ் யாதவ், பாண்டியா தலா 1 விக்கெட் வீழ்த்தினர்.

    இந்தியாவின் முதல் இன்னிங்ஸ் ஸ்கோரை விட இன்னும் 230 ரன்கள் பின்தங்கியுள்ளது. மேலும், 2 நாள் ஆட்டம் மீதமிருக்கும் நிலையில், இன்னிங்ஸ் தோல்வியை தவிர்க்க இலங்கை அணி தீவிரமாக போராடி வருகிறது.

    இந்த டெஸ்ட் போட்டியை வென்று 3 போட்டிகள் கொண்ட தொடரையும் கைப்பற்ற இந்திய அணிக்கு 8 விக்கெட்டுகள் மட்டுமே தேவை.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai