இந்தியாவுக்கு எதிரான 3-வது டெஸ்ட் போட்டியில் இலங்கை அணி இன்னிங்ஸ் தோல்வி பெற்றுள்ளது. இந்திய அணி டெஸ்ட் தொடரை 3-0 என்கிற கணக்கில் வென்று சாதனை படைத்துள்ளது.
இலங்கையின் பல்லகெலேவில் நடைபெற்ற இந்தப் போட்டியில் முதலில் பேட் செய்தது இந்திய அணி. ஷிகர் தவன் 119, பாண்டியா 108, ராகுல் 85 ரன்கள் குவிக்க, 114.2 ஓவர்களில் 9 விக்கெட் இழப்புக்கு 421 ரன்கள் எடுத்தது இந்திய அணி. முதல் இன்னிங்ஸை ஆடிய இலங்கை அணி 37.4 ஓவர்களில் 135 ரன்களுக்குச் சுருண்டது. இதையடுத்து பாலோ-ஆன் பெற்று 2-ஆவது இன்னிங்ஸை ஆடிய இலங்கை அணி 181 ரன்களுக்கு ஆல் அவுட் ஆனது. இன்னிங்ஸ் மற்றும் 171 ரன்கள் வித்தியாசத்தில் இந்திய அணி வெற்றி அடைந்துள்ளது.
இந்நிலையில் இந்தப் போட்டியில் அதிரடியாக விளையாடி சதமெடுத்த ஹார்திக் பாண்டியா ஆட்ட நாயகனாகத் தேர்ந்தெடுக்கப்பட்டார். தொடரில் இரு சதங்கள் அடித்த தவன், தொடர் நாயகனாகத் தேர்வானார்.
இந்தியா - இலங்கை டெஸ்ட் தொடர்: அதிக ரன்கள்
பெயர் | டெஸ்டுகள் | ரன்கள் | சராசரி | அதிக ரன் | சதம் | |
1 | ஷிகர் தவன் | 3 | 358 | 89.50 | 190 | 2 |
2 | புஜாரா | 3 | 309 | 77.25 | 153 | 2 |
3 | கருணாரத்னே | 3 | 285 | 47.50 | 141 | 1 |
4 | ரஹானே | 3 | 229 | 76.33 | 132 | 1 |
5 | டிக்வெல்லா | 3 | 227 | 37.83 | 67 | 0 |
இந்தியா - இலங்கை டெஸ்ட் தொடர்: அதிக விக்கெட்டுகள்
பெயர் | டெஸ்டுகள் | விக்கெட்டுகள் | சிறந்த பங்களிப்பு | ||
1 | அஸ்வின் | 3 | 17 |
| |
2 | ஜடேஜா | 3 | 13 |
| |
3 | சமி | 3 | 10 |
| |
4 | உமேஷ் யாதவ் | 3 | 6 | 2/21 | |
5 | பிரதீப் | 2 | 6 |
|